مشكلتي عويصة هل احول ولا اواصل "مستوى 6<="

[طبيب الغفلة]

بسم الله الرحمن الرحيم

والصلاة والسلام على رسول ..
يا جماعة الخير، سلام عليكم ورحمة الله، انا عندي سؤال دفين الان انا خلصت سنة 3 وحاس اني خام ما عندي اي معلومة جامدة في الطب
فكرت احول عشان ارجع من اول واشد المره هذي وافهم ..؟ وش رايكم.

[بشائر الفرح =)]

وعليكم السلام ورحمة الله وبركاته

إنك تحول وترجع أو قصدك تعيد من البدايه صعبه أحسها ! لكن طالما إنك تحب الطب وراغب فيه فعلاً .. تقدر تأخذ مرجع مبسط " بوكيت صغير " للماده اللي تحس إنك محتاج تفهما أكثر أو تقوي نفسك فيها ..

وتقرأها ف الصيفيه هذي وتحاول تراجع أهم عشره " common " أمراض ف كل جهاز ف الجسم من ناحيه الفسيولوجي والباثولوجي والفارما وكذا .. بشكل مبسط ومفهوم :)

ولا تقلق أحس مو كل اللي درسناه خاصه التفاصيل اللي مره دقيقه والأمراض اللي مو مره شائعه وبعض المواد اللي ممكن ما ترجع لها كثير ف سنوات الكلينكال ح تشكل عائق كبير ! بس الأساسيات ضروري تراجعها من باب التثبيت أكثر

ولا تستعجل أبداً , لسه باقي وقت تعوض فيه

بالتوفيق يارب

[د.هوازن]

وعليكم السلام ورحمه الله وبركاته

لا تعيد من جديد ,, عندك اوقات كثيره تقدر تعوض فيها اللي فات + عندك وقت انك تطور نفسك اكثر مماكنت المفترض تكون عليه استغل الصيفات ف القراءه والاجازات الصغيره اللي بين الاترام والربيع والحج اقرا الاشياء ال common والاساسيه عشان تثبتها زي ماقالت د/بشائر الفرح وبعد كدا اقرا الاشياء اللي تحبها عشان تدخل فمخك بسرعه وتستمتع وماتطفش مثلا اقرا عن تخصص تحلم فيه وتحبو وتتمنى تتخصصو وتكون عندك خلفيه بسيطه ,,الله يوفقك ويفتح عليك

[اجواني]

نصيحتي استغل هذي الصيفية افتح مثلا الموديولات اقراهم مزبوط وبعد ماتخلص منهم افتح المواد الاساسية زي باثولوجي وزي كدا احسن من انك تضيع عمرك عشان ترجع تاسس نفسك بس انت لاتحط في راسك انك ماعندك معلومات لو قرات حترجع تفتكر وبالتوفيق يارب

[Dr.Ammar]

انصحك تروح "وحدة الدعم الطلابي" بكلية الطب وتستشيرهم وهما حيفيدوك ان شاء الله

لاننا نحن ما نعرف بالضبط ايش وضعك وكيف ممكن نفيدك الا بنصائح عادية

[محمد الداود]

ثانية وثالثة يدرسونا كللللللللللللللل شي بتفاصيله
لكن إن شاء الله من رابع واحنا طالعين حنركز فقط ع الأشياء المهمممة بس
بعدين إذا حبيت تراجع شي من البيسك تقدر بسهولة ترجعلها !

هذا كلام واحد سنة سادس..
وأنصحك إذا تعرف أحد سنة 5 أو 6 أو حتى امتياز
تكلمه بخصوص دا الموضوع .. حيريحوك إن شاء الله :)

[اجواني]

انا بنت خالتي سنة سادس سالتها في هذا الموضوع خصوصا في سنة ثانية وثالث مابيركزولنا على الاشياء الكلينيك كثير فنصحتني نصايح : اول حاجة حاول بس تراجع الموديول اللي اخدناها ، وثاني حاجة ترى من رابع وانت طالع تحس نفسك دكتور لانهم بيصيروا يركزوا على الكلينيك اكثر من الاشياء الاساسيه واذا انت مرة خايف دحين اقعد اقرا في الاجازة مثلاً اناتومي باثولوجي وحتحس نفسك بدات تفتكر لانو ربنا ماراح يضيعلك تعب سنتين ومستحيل تكون منت فاكر ولا شئ بس انت لاتحط في بالك انك منت فاكر ولا شئ والنسيان مو عيب كلنا بننسى حتى في دكاترة كبار يكونوا نسيو اشياء من الطب بس انت حط في نيتك انك تبغى تفيد بلدك وان شاءالله ربي يساعدك