هل يوجد حل لمشكلتي ؟

[holmes]

مقدر أفتيكي في موضوع دراسة الصيدلة ، لأني راح أبدأ أدرس صيدلة بداية الترم الجاي إن شاء الله
لكن راح أكتب أشياء راح تفيدك إذا كنتي شاطرة و حابة إنك تتعلمي اللغة....:

أولا .. قدامك السنة التحضيرية كل دراستها انجليزي ما عدا مادتين ( حاسب & مهارات اتصال ) يعني راح تكتسبين بإذن الله لغة طيبة .
ثانيا .. عندك مادة ( لغة إنجليزية ) هذي برضو راح تحسن مستواكي إذا كنتي ناوية تحسنين مستواك في اللغة .
ثالثا .. اللغة ما راح تجيك إلا بالممارسة ثم الممارسة ثم الممارسة ، حتى لو كلامك مكسر ( أهم شئ انك بتتكلمي و كسرتي حاجز التردد ) .
رابعا .. عندك مادة الأحياء كلللللها إنجليزي و لمن تذاكريها هذا راح يضيف لك أكيد .

* تجربة شخصية.. أنا كنت شخص بصراحة مو ذاك الزود في الإنجليزي بس لمن كنت أختبر ( speaking ) في مادة اللغة الانجليزية
في المستويات الأربعة ، و كمان لمن كنت أذاكر احياء ، ولمن مارست اللغة في حياتي العادية حسيت فيه فرق بصراحة.

نهاية الموضوع نتمنى لك التوفيق ( و اللغة إن شاء الله ما راح تكون حاجز ، وأتذكري إنو هدفك الصيدلة من زمان و لازم تتغلبين ع اللغة )

:)