ماذا بعد حياة ( الهكوناإأآ متاإأآتإأآ )

[S.Bn]

المشاركة الأصلية كتبت بواسطة ~me~ وعليكم السلام ورحمة الله وبركاته شكراً على المعلومات الأكثر من مفيدهـ بصراحه استفدت منك كثير يب كل ما افتكرتي اكتبيلنا بالله محتاجين كل حرف وابسط معلومه يعطيكي العافيه

طيب انت قرأت المواضيع اللي اتكتبت لدفعة 13
اذا ما قراتها احط لك الروابط :)

[Alaa asiri]

والله موضوع مررره حلو

محتاجين زي كدا من جد

الله يعطيك العافية يا me :)

[bahamdain]

تسلم يالخوي من ذوقك
الله يعيننا على المذاكرة
والله الهندسة شكلها بتسحب ابو ام اخت اخو الفلله ههههههههههه

[~Me~]

المشاركة الأصلية كتبت بواسطة alaa asiri والله موضوع مررره حلو محتاجين زي كدا من جد الله يعطيك العافية يا me :)

بتفاعلكم فيه يحلا

الله يعافيكي

المشاركة الأصلية كتبت بواسطة bahamdain تسلم يالخوي من ذوقك الله يعيننا على المذاكرة والله الهندسة شكلها بتسحب ابو ام اخت اخو الفلله ههههههههههه

الله يسلمك

من جد هههههه احس إني بصير بيتوتي و حصير اخو مصطفى الدافور بالرضاعه من حليب نيدو من كثر المذاكره < ادري الكلام مخبص بس إذا ترجمت لغتي الفرنسيه للعربيه إلي هي لغتكم تطلع كلجات في قوقل ترجمه

بس ما زلت متفائل ودام إنو الدراسه حتخليني اصير الشي الي ابغاه واحقق احلامي حذاكر الين مو خلاص إن شاء الله

اما الفله فيعني راح اخذ راحتي في ليل الخميس افلها زي ما ابغى ونهار الجمعه عاد بعد الصلاه وكذا بيت جدتي وراحه شويه

وبعدين ليل الجمعه والسبت كامل مذاكرهـ بإذن الله

والله يوفقك الجميع إن شاء الله وكل واحد فينا يصير بروفيسور في التخصص الي يحبو بإذن الله

[~Me~]

في ناس كاتبه روح عند الدكاتره واتمصلح معاهم واسأل و شارك وكدا


طيب ايش الفايدهـ !! مافي درجات مشاركه ... كل الدرجات مقسمه ع الاختبارات !

ولا الدكاتره يزودو الي يشاركو ويسألو وكدا درجات ؟

[ريما القرني]

المشاركة الأصلية كتبت بواسطة ~me~ في ناس كاتبه روح عند الدكاتره واتمصلح معاهم واسأل و شارك وكدا طيب ايش الفايدهـ !! مافي درجات مشاركه ... كل الدرجات مقسمه ع الاختبارات ! ولا الدكاتره يزودو الي يشاركو ويسألو وكدا درجات ؟

لا مافي يدهم أي شي
لكن الكل يقصدو دكاترة الانجليزي >>هذولا عليكم بهم 😜
لانه في يدهم عشرة الملف والرايتنق والسبيكنق وبجد لما يشوفك مهتم ما يقدرو يخسفو درجاتكم هذي طافت عليه في بنات ماشاء الله خبيرات في ذي الشغلة يعني لما تكون الدكتور أو الدكتوره من باكستان قول اي لوف باكستان. وأي ليك باكستان ........وحلم حياتي أسافر باكستان ههههههههههههههههههههههههههههههههههههههههه

[sokarah]

موضوعك مرة جممميل وفي البداية تنحنت على الاسم لدرجة صرت اتااكد من الاسبيلنق يمكن في اسم نفس اسمي بس الفرق حرف واحد بس بعد قرائتي للموضوع فهمت انتا سالت عن الشيك بوينت هذا في الفيزياء في شيك بوينت وفي سمبل بروبلم الشيك بوينت تمرين اساسي وتجي نفس في فكرته في الاختبار في الاغلب لكن السبمل يكون سهل وهو تمرين قليل مايجي منه في الاختبار بس لازم تمر عليه اما السكشن يكون فيها حل تمارين نهاية الباب وهي ضرورية لانه كثير تجي في الاختبار

[~Me~]

المشاركة الأصلية كتبت بواسطة ريما القرني لا مافي يدهم أي شي لكن الكل يقصدو دكاترة الانجليزي >>هذولا عليكم بهم 😜 لانه في يدهم عشرة الملف والرايتنق والسبيكنق وبجد لما يشوفك مهتم ما يقدرو يخسفو درجاتكم هذي طافت عليه في بنات ماشاء الله خبيرات في ذي الشغلة يعني لما تكون الدكتور أو الدكتوره من باكستان قول اي لوف باكستان. وأي ليك باكستان ........وحلم حياتي أسافر باكستان ههههههههههههههههههههههههههههههههههههههههه

ما أتوقع واحد ماخذ دكتوراهـ ويصدقهم

أتوقع الدكاتره يكونو عارفين اننا نمصلح وهم يبغونا نتمصلح عشان يدفونا عموماً ناويهم إن شاء الله


ومشكورهـ ع المعلومات

طيب في الحاسب ومهارات الاتصال نفس الكلام ولا كيف الوضع !

المشاركة الأصلية كتبت بواسطة sokarah موضوعك مرة جممميل وفي البداية تنحنت على الاسم لدرجة صرت اتااكد من الاسبيلنق يمكن في اسم نفس اسمي بس الفرق حرف واحد بس بعد قرائتي للموضوع فهمت انتا سالت عن الشيك بوينت هذا في الفيزياء في شيك بوينت وفي سمبل بروبلم الشيك بوينت تمرين اساسي وتجي نفس في فكرته في الاختبار في الاغلب لكن السبمل يكون سهل وهو تمرين قليل مايجي منه في الاختبار بس لازم تمر عليه اما السكشن يكون فيها حل تمارين نهاية الباب وهي ضرورية لانه كثير تجي في الاختبار

تعيشي وتاكلي غيرها طال عمركـ

أها مشكورهـ ع المعلومه

وهلا والله بحقين الرياضيات المادهـ إلي اعشقها طول عمري معادا أخر تلاته اترام في الثانوي جوني مدرسين وبعدها صرت اكره حصت الرياضيات واكثر حصه ممله عندي صارت هي بس في البيت كنت احب اذاكرها إن شاء الله بس ما يكونو دكاترتكم زي المدرسين عندي وانفجر من المادهـ واخبص خصوصاً إني أبغى هندسه ومادهـ مرهـ مهمه بالنسبه ليا هي والفيزياء << عشقي الابدي


ومن دحين قالولي الشباب إنو مدرسين الفيزياء من جنبها كلهم محد مدحلي فأي مدرس يبغالي اعتمد على نفسي فيها بشكل كبير


يعطيكم العافيا

[sokarah]

نسيت اكتب نصيحتي ان اهم شئ النفسية خصوصا قبل الاختبارات وايام الدوامات الطويلة اهتمو بنفسياتكم فرفشو لاتخلو السنة كانها جبل على قلوبكم وتاخذوها سنة حياة اوموت حلو انكم تهتمو بدروسكم اهتمو وذاكرو ولاتهملو بس بطريقة تخليكم تستمتعو بالمذاكرة ومتفائلين انوربي مايضيع تعبكم وكثرو من الدعاء في كل وقت خصوصا في رمضان ادعو انوربي يعطيكم الي تبغوه ادعو ربي يسهلكم هذي سنة وتدخلو تخصصاتكم الي تحبوهافي حاجة حلوة انصحكم تراجعو الي ذاكرتوه مع اصحابكم في البريكات الي مافهمتوه اسالو الدكاترة موعلى طول ملخصات تاخذو المعلومة من مصدرها افضل ومنها يقلكم هل هيا مهمة اولاوكمان في طريقة حلوة تسالو دكاترة خصوصا في المواد الصعبة وفيها تمارين طويلة ايش الاشياء المهمة في كل درس في دكاترة يكونو متعاونين جدا ويقلولكم اش الاشياء المهمة ولاتغيوبو حتى لوالماده سهلة لانو يكمن تحتاجو هذي الايام في نهاية الترم وكمان بتروح عليكم اشياء مهمة في الدرس ماتنعاد مرة ثانية ربي يوفقك ويسهلك وتصير مهندس قد الدنيا

[R_D]

موضوع جميل و حبيت أدلي بدلوي و أعطيك اللي عندي !!!

انا بقولك وش اللي صار معايا .... كنت طالب زي زيكم متخرج من الثانوي و فرحان اني مسجل في الجامعة و منتظر اول يوم عشان اداوم فيه << الله لا يعيده من يوم


المهم .... بداية الدوام كنت منتظم و ما اغيب و مسوي فيها لكن حاجة وحدة كانت ناقصة التعب هذا كلو اللي هيا المذاكرة .... و جات اختبارات الدوري الاول و قلت ان شاء الله ببدأ اذاكر قبلو بأسبوعين ...

عدا اول اسبوع و انا مافكيت شي !! جا الاسبوع الثاني بدأ صوت في داخلي يلعب فيا و يقولي ... تقدر تلحق تذاكر قبل الاختبار بيوم اطلع فلها و ادشر !!!

و انا طبقت الكلام ذا بس تعال شوف درجاتي في الدوري الاول .... فكرت اسحب من الجامعة وقتها بس ربك ستر وكملت الحمدلله !!


نصيحتي لك انتا و كل طالب في دفعة 14 لا تهملوا دروسكم الين تتراكم عليكم لانو لمن يجيك وقت الاختبار و تشوف انو انتا ما فكيت شي صدقني حتتكاسل و ماحتقدر تذاكر و تفهم مزبوط !!
وكمان نقطة مهمة ... بالنسبة للانجليزي انا لغتي كانت مش ولابد اطلع كنت وقت اختبار السبيكنق اتكلم انجليزي زي البنقالي لمن يجي يتكلم عربي << [color="rgb(255, 250, 205)"]الحمدلله عدى الانجليزي بخيره و شره [/color]
فلا تقعد تفكر و تشيل هم اللغة صدقني حتعدي سهالات ان شاء الله !!

وبالتوفيق لك و لكل طالب و طالبة في دفعة 14 و ان شاء الله تدخلوا التخصصات اللي في بالكم !!