جدول مساعد طبيب اسنان.

[Lamia Alshehri]

السلام عليكم ،
متى ينزل جدول مساعد طبيب اسنان ؟
و الدوام من الاسبوع الجاي ؟
و بعد سنه لو جبت معدل اقدر احول لأي تخصص طبي او لا ؟




و شكراً مقدماً.

[aseelah]

انا كمان ابا اعرف لاني ضايعه جداً !

[fahad2013]

اسئلة مطلوب الاجابة عنهاااا ^^

[Hatoon hamed]

انا دخلت عالموقع حق طب الأسنان .. مالقيت ولا اي شي عن تخصصنا دا .. مدري هما ما اعطوه اعتبار ولا ايش ؟ مدري ..
و اكيد الدوامات من الاسبوع الجاي .. الا اذا بدهم يدلعونا شويه .. نظرا لانو قسمنا جديد :-d

لو جبتي معدل عالي تقدري تحولي كليه تانيه .. بس هما احيان يمرمطو الواحد ..
انا من دحين اصلا قدمت طلب تحويل .. ما بدي اجلس هنا .. و يااارب يحولوني ..
و بالتوفيق للجميع يااارب

[fahad2013]

والله شيء يقهر ولا حتى معلومة ولا شيء الدوام باقي علية يومين و احنا حتى جدول م نعرف كيف يجي !!!!!

انت لو سمحت كيف قدمت ع التحويل

[Hatoon hamed]

انا اختك يا اخ فهد ..
لمن جيت احول رحت ل كلية العلوم التطبيقيه اللي ابغى احول لها .. و ادوني ورقه حقت التحويل و عبيتها .. كتبت موزونتي و انا ايش متخصصه دحين ..
و كمان قالولي قدمي طلب في عمادة القبول و لمن رحت برضو ادوني ورقه و كتبت 3 رغبات للكليات ..
وبس قالو انو دا الاسبوع حتترفع طلبات التحويل و اهو بأستنى ايش يصير معايا ..
ان شاء الله اتحول و ارتاح .. انتا لو بدك تحول كمان روح قدم من دحين احسلك .. عشان تبدأ مع كليتك الجديده لو حولوك بإذن الله ..

[aseelah]

ايش التخصص الغامض دا 💔 احس بس احنا اللي انقبلنا فيه ! الله يعين بس لو في نقل ياريت انقل على خير

[Hatoon hamed]

غريب وبس ؟ إلا احس مو معترف بيه حتى ..
لكن حنستنى و نشوف ايش هوا .. هوا ترى حنكون نيرس بس لطبيب اسنان .. يعني مهامنا كلها مو اساسيه ..
اصلا يبغالهم يقفلوه لانو مو حلو و لا شي ..
و مو مديننا وجه لمن دخلونا فيه .. حاجه تقهر وربي ..

[aseelah]

من جد اتوقع لسا مازبطو المبنى ولا الكلاسات ولا حتا الدكاتره ! تخيلو لو يقولو حنقفل التخصص واختارو اللي تبو 😱❤ > جالسه اصبر نفسي :)

[Hatoon hamed]

ههههههههه وربي ابو الحمااس لو يقفلوه و نختار .. حنكون محظوظيين اكتر شي ..
بس خلي يجي يوم الأحد نروح و نشوف ايش يصير هناك ..
مع انو ما ادري حأروح لمين او ايش اسوي ..