لقاء المستجدين_واسئله لبداية الدراسه_سؤال عن الجيوماتكس؟؟

[ЯąмY]

السلام عليكم ورحمة الله وبركاته

كيفكم ي شباب اتمنى تكونو بصحه وعافيه

بدخل في الموضوع بسرعه

للأسف النت انقطع عندنا لمدة 3 او 4 ايام وانا طالب مستجد في كليتنا ولمن دخلت على المنتدى وعلى صفحتنا في الفيس

تفاجئت بلقاء خاص للمستجدين الي فاتني ومادريت الا بعد ماخلص

اتمنى من اي طالب حضر اللقاء يقلي اهم النقاط للمستجدين

وهل ذكرو معلومات جديده او غيرو المواد الاجباريه لتخصص مثلا الي هيا ar190 ,ar191,ar210,la121,la141,urp130

الحمدلله مرتب جدولي وعارف معلومات كثيره من الاعضاء ماقصرو عن التخصصات وكذا

وحاب اعرف كمان اول اسبوع يجب الحضور ولا كفايه اعرف القاعات بس ؟

وفيه سؤال لطلاب الجيوماتكس هل مواد استديو معانا وهل تختلف ولا نفسها لجميع التخصصات

وهل اقدر اضيف في جدولي مواد عامه من برا الكليه مثلا عشان في واحد من الاعضاء ضاف ماده اسمها اقناع اظن

احس اني متلخبط شويا في قصة المواد العامه وهل فيه مواد معينه لازم يخلصها كل طالب او باقي الطلاب يضيفونها عشان ترفع المعدل وكيف اعرف المواد الي امشي عليها الين ما اتخرج

سامحوني طولت عليكم

[ROBOT]

راح اجيبك عن الجزء اللي ممكن افيدك فيه عن تخصص الجيوماتكس ... للمعلومية نظام قسم الجيوماتكس يختلف عن بقية الاقسام ... فالاجيوماتكس لا يوجد فيها مواد استديو ومشروع مادة كبير من خلال مادة ب6 ساعات ... الجيوماتكس نظامة مثل نظام كلية الهندسة ( مادة + معمل للمادة ) وغالبا ما يطلب منك مشروع لكل مادة في نهاية السميستر ... يعني ايام الدراسة العادية يكون العمل مقتصر على انجاز التقارير للمواد فقط اما مع بدء الايام والاسابيع الاخيرة يزيد العمل لتكليفنا بمشاريع للمواد ... بالتوفيق اخوي

[ЯąмY]

يديك العافيه دائما متواجد ومتألق

بس في استفسار بسيط وبعده اظن ماتركت لي مجال لسؤال

هل قسم الجيوماتكس تحت كماشه 5 سنين ع قولهم يعني اتخرج بعد 5 سنين ولا اقدر اخلصه دام مافيه مواد استديو

وشكرا وربي يوفقك في دراستك ومستقبلك

[ROBOT]

^^^^^^^^^^^^^^^^^^^^^^
للاسف نعم ... مثلها مثل الاقسام الثانية مافي فرق
وكمان في مشكله اخرى وهي انو لمن ترسب في مادة مثلا معالجة الصور الفضائية 1 ما راح تقدر تنزل معالجة صور فضائية 2 الا لمن تنجح في الاول وبكذا راحت عليك سنه زيادة ... بس ان شاء الله مافي خوف من هالناحية وانت بجدك واجتهادك .. ومافي صعب في هالدنيا

[ЯąмY]

كنت حاس

ماتقصر روبوت يديك العافيه

وصبرنا من الابتدائي الين ماوصلنا الجامعه مابنقدر على 5 سنين

ربي يوفقك ويوفق الكل

[0007]

انا ايضا فاتني لقاء المستجدين وياريت احد يعطيني ايش اللي صار اثناء اللقاء وماهي اهم النقاط ؟؟ وان شاء الله ندعي له دعوه طيبه بالتوفيق في الدنيا والاخره .