إستفسار بخصوص دكاترة مواد ودكاترة المحاسبة

[طالب kau]

السلام عليكم ورحمه الله وبركاته

انا ابي انزل الترم هدا مادتين محاسبة متوسطة 2 عند دكتور يوسف باسودان ومادة محاسبة حكومية عند طارق كوشك

وأبي اسأل عن آرائكم في الدكاترة وعن المواد هل تدرس بالغة العربية أم الإنجليزية وياريت لو تعطوني اسماء الكتب

وشكرا

[دحـggم]

وعليكم السلام ورحمة الله وبركاته

دكتورين اتعب وانا اقول لك ابطال ، يعجبونك اخلاق وتعامل وكل شي

المتوسطة مدري اذا صارت انجليزي او لا ، بس الحكومية الاغلب بالعربي حتاخذها

والكتب ، محاسبة متوسطة 2 تلقاه كتاب لونه ازرق فاتح ان ما خاب ظني ، والحكوميه كتابها قديم مصور تلقاه في خوارزم اللي قبال كلية الهندسة

بس ما انصحك تشتري لين تشوف ايش يقولون الدكاترة

بالتوفيق

[طالب kau]

تسلم دحوم طمنتني

بس عندي سوال عن الحكومية هل هي حفظ أم فهم ومستوى الصعوبه هل هي بمستوى المتوسطه 1 ولا أسهل ؟

وشكرا

[طالب kau]

والدكتور حمد تحليل عظيم في مادة السلوك التنضيمي ياليت احد يفيدنا عنه

[دحـggم]

و اياكم يارب

مع الدكتور طارق ما عليك ، بتدرك المنهج معاه بالمحاضرات فقط وبيعجبك

طريقته غريبه بس حتدعي له ان شاء الله .. اهم شي التزموا ولا تتبهللون عليه لانه شديد اذا عصب

و عن الدكتور حمد ما اعرف والله ، اول مره يمر علي .. يفيدونك اللي جربوه