أربع استفسارات في كلا التخصصيين واستفسار عام ( أرجو من الجميع إفادتي )

[Angelic Whisper]

*‘












السلام عليكم ورحمة الله وبركاته


عندي استفسارات أتمنى تفيدوني فيها :

1- اختبرت اختبار القبول للغة الانجليزية يوم الثلاثاء 27/10 بالفيصلية ، عندكم أي خلفية عن وقت النتائج ؟
لأن المشوار بعيد عني بصراحة وصعبة أروح عشان أشوف ورقة بس ، ولو في وحدة فيكم هناك تتواصل معايا وتشوف لي درجتي أكون شاكرة لها .

2- سمعت إنو في تخصص اللغة الانجليزية مادة حرة لغة فرنسية ، هل هذا صحيح ؟

3- ناوية بإذن ربي أحول من لغة انجليزية إلى فرنسية بعد الترم الأول وأحول من الفيصلية إلى السليمانية ،
هل ينفع اعمل هالمعاملتين بوقت واحد ؟ ( علمًا إني كنت طالبة انتساب وحولت انتظام )

4- هل اختبار القبول لقسم اللغة الفرنسية رح يكون اختبار في اللغة الانجليزية ام في اللغة الفرنسية ؟
لأنو سمعت من طالبة انو اختبار لغة فرنسية ! وهل ممكن يعتمدون على اختباري اللي قدمته دحين أو لازم أعمل اختبار جديد ؟

5- أما بالنسية لآخر استفسار : اللي تعرف أحد ممكن يسهل نقلي من الفيصلية للسليمانية قبل ما أبدأ هذا الترم ،
أتمنى تدلني عليه حتى اتواصل معاه لو هذا ما يخالف شروط المنتدى .
لأنو بجد أعاني من المواصلات بشكل فضيع ومشواري بسيارة وبدون زحمة 50 دقيقة روحة و50 رجعة .

" مَنْ فَرَّجَ عَنْ أَخِيهِ الْمُسْلِمِ كُرْبَةً مِنْ كُرَبِ الدُّنْيَا ، فَرَّجَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ "


آسفة ع الإطالة ، وممتنّة لكم .
_

[Amjad BaHusayn]

النتايج طلعت امس 2/11 الاحد ..
االلي اعرفه ان التحويل بالنت بعد ما تعدي ترم بالفيصليه حيكون 7/1 محرم بس معرف وضعك اش يكون لانك محوبه من اانتساب وكدا ..
بنات كثير ما انقبلو انقلش ومافي قدامهم غير عربي للاسف وفي نماذج ل3 جداول عربي وتختاري الي يناسبك واغلبها مواد عامه وماده عربي تخصص بحيث تقدري ترفعي المعدل. ..
واللي اعرفه ان الفرنسي مافيه اختبار اجتياز او شئ والكلام مو اكيد بس اعتقد اني سمعتهم بيوم التسكين وقت ما كنا بقلعه المؤتمرات وبسس ده الي اقدر افيدكك فيهه

[Amjad BaHusayn]

قاعه الملك فيصل للمؤتمرات *

[Angelic Whisper]

*‘




ألف شكر يا أمجاد ع التعاون والرد وإفادتي .
الحمد لله طلعت النتائج اليوم وتم قبولي في اللغة الانجليزية .
ربي ييسر أموري وأمورك وأمور الجميع يا رب .


وأتمنى الباقين يفيدوني في الاستفسارات الأخرى .
_