ماده حره (السيره النبويه والخلفاء الراشدين)

[داانه]

السلام عليكم

كيفكم جميعا... ان شالله مبسووطين وبأحسن حاال

لطالباات الانتسااب واللي عندو خلفيه

عندي استفساار عن السيره النبويه

ايش المقرر في الماده

من الكتابين
وفين الاقي الكتاب التاني ( الخلفاء الراشدين)

وطريييقه الأسئله


وألف شكــــــــر مقدمــا,,

[NowOrNever]

والله انا اخذتها الترم اللي طاف
بصراحه اتوهقت فيها
الماده كتابين علشان اكون صريح انا ذاكرت الملخص فقط !! وبعض الأوراق الجانبيه
عديناها بالقوه
لكن بعض الشباب جابو فيها درجات حلوه 80 وانت طالع
اللي سمعناه انه المنهج راح يتغير هذا الترم
من الأسئله اللي اذكرها س: من حمل الرايه في معركه اليرموك؟؟؟
وجاب ثلاثه اسئله كتابيه يعني عدد شروط صلح الحديبيه الخ
اتمنى لك التوفيق

[فصوووول]

المادة سهله بس يبغالها مذاكره من بدري عشان يجيب فيا الواحد فوق التسعين انا اخدتها الترم اللي فات ولا ذا كرتها الا ليلة الاختبار واخدت فيها 82 وندمت قلت يا ليتني ذاكرتها من بدري لانها سهله وحرام ما ارفع المعدل بها.
طريقة الاسأله صح وخطأ واختيارات وثلاثه اسأله مقاليه نختار منها اثنين انا جاني من الاسأله المقاليه (أكتب ما تعرفه عن صلح الحديبيه) وكلها زي كذا اكتب ما تعرفه والسؤال الثاني (أكتب ما تعرفه عن حلف..... نسيت اسمه بس الحلف ذا كان في الجاهليه اظن ان اسمه حلف الفضول.
المهم الله يوفق الجميع وان شا لله اني افدتك.

[شهووووده]

حتدرسي فيها كتاب الرحيق المختوم
وكمان الخلفاء الراشدين
الماده حلوة وممتعه
ذاكريها بحب
لانها مفيده دين ودنيا
واغلب المعلومات نعرفها
ياااااااااارب تجيبي فيها a+
انا حاليا قاعده ادرسها

[داانه]

NowOrNever

فصوووووووول

اند

شهوووده


الله يعطيكم العافيه
وينولكم اللي ببالكم

اميييين

بس ابغى اطممن لو فيه طالبات انتسااب ماخدين مع الاستاذه عائشه القيسي

يريحووووووووووني

لانو سمعت انو الاسئله صح وخطأ وخيارات فقطط

يارب يكون صح

[داانه]

up ......... up

[صدى]

بسم اللله الرحمن الرحيم
اختي الفاضله الماده كتابين واغلب الاساله اللي جت الترم اللي طاف من كتاب الرحيق المختوم
الماده سهله جدا
ركزي على الاتي
1- تاريخ الغزوات والسرايا واسبابها ومواقعها ونتائجها ومن كان القائد ومن تركو بالمدينه اثناء الغزوه
2-اليهود اللي في المدينه متى اخرجو وبعض تفاصيلهم مثل القضاء على اخر فئه
3-معلومات عن الخلفاء الراشدون ممكن ان تحصريها في 6 اسطر لكل واحد
على العموم الماده سهله جدا حتى ولو انها كتابين انتبهي لهذه النقطه (كتابين)
مع تمنياتي لك بالنجاح

[داانه]

شكرا اخ صدى الله يسعدك
:
معليش

الكتاب التاني اللي يتكلم عن الخلفاء الراشدين بأي مكتبه القاه؟
ومين المؤلف

[روووووزا]

دانه حتى انا مع عايشة قيسي

والكتاب الثاني التاريخ الاسلامي الخلفاء الراشدون لمحمود شاكر

بالتوفيق

[داانه]

روووووووووووزا الله يسعدك

انا ماحضرت

ابغى اعرف فيه عناوين محذوفه من الكتابين

والاستاذه تعتمد عالكتاب والا بتحط سلايدات وبتركز عليها

ومعلييش تعرفي الأسئله كيف حتكون

الله يسعدك يارب