نداء لطالبات وطلاب الانتساب في فرع الفيصلية

[وفاء القلوب]

السلام عليكم ورحمة الله وبركاته ..
الله يوفقكم ويعدكم جميعا ..
أحتاج مساعدتكم يا جماعة ..
أنا انتساب في كلية الأعمال برابغ وأبغى أختبر في فرع الفيصلية ..
وعندي حاجتين جابتلي الهم ..
اول شي لما اروح حالة التسجيل مكتوب عندي في الفرع - فرع رابغ للطالبات ..
فماني فاهمة هل يعني اني مسجلة في فرع رابغ ولازم اختبر في رابغ أم في الفيصلية ؟؟
أنا ابغى اختبر في الفيصلية عشان ..
والشي التاني أنا ما سددت مقدمة اعفاء للمرة الرابعة ما جاني ..
عشان كذا جدولي معطل بس أبغاكم يا جماعة تقولوا لي هل في شعب للانتساب لسة لهذي المواد
1: مبادئ التسويق
2: مقدمة في ادارة الاعمال
3: مقدمة في نظم المعلومات
4: مقدمة في الموارد البشرية
5: مبادئ المحاسبة المالية .
والا هي شعبة وحدة والا ايش القصة ؟؟
أرجوكم ساعدوني الله يسعدكم يارب .

[leen_]

وعليكم السلام ورحمة الله وبركاته "

عزيزتي دام تبي تختبري ف كلية الفيصليه مايحتاج تسجلي في اختبار المناطق او أي حاجه تروحي وقت الاختبارات وتختبري في الكليه ..

وحتعرفي انتي بوقت الاختبار من الموقع طبعا ..


اما بنسبه للمواد الي كاتبتها .. كلها دي تخصص انتي بعد ماتسددي او يجيك الاعفاء تدخلي وتختاري جدولك ايش حابه تاخذين مواد " من الحذف والاضافه " وفيك تشوفي المواد المتبقيه تبعك بعد ماتدخلي ع الاودس "الطالب . سجلات الطالب . المواد المتبقيه * ..

اهم حاجه انتهاء السداد يوم 18 شهر 1 ع ما اعتقد .. الله يسهلك

[وفاء القلوب]

الله يجزاك خير وبيض الله وجهك أختي لين ..

أنا كان قصدي ليش مكتوب عندي لما اروح في حالة التسجيل الفرع - فرع رابغ ؟؟
هو كذا مكتوب عندكم كلكم ؟؟

وبالنسبة للحذف والاضافة عندي سؤال مرة مهم لما اختار المادة بعدها اختار فرع الفيصلة -طالبات ؟؟
أو أختار رابغ ؟؟
وكمان أبغى أحد يقول لي هل في شعب مفتوحة أو لا في هذي المواد؟؟
لأني ماني عارفة شي دوبي نقلت من الفرع السليمانية ..
بارك الله فيكم وعسى الله يدخلكم الجنة بغير حساب .

[ماكنتوشه]

^

كلنا مكتوب فرع رابغ
والاختبارات بتكون لك بجده لاتقلقين :)
وبالنسبه للجدول تختاري فرع رابغ خلاص انتي بكليه الاعمال وهي برابغ مو بجده
بس اختباراتك حتكون بجده زي ماتبغي انتي :)

بالنسبه للشعب اعتقد مفتوحه لانها مواد عامه واتمنى يفيدونك البنات

بالتوفيق خيتي

[وفاء القلوب]

الله يجزاك خير أختي ماكنتوشة ويكتب لك الاجر ..
طيب كمان سؤال الله يسعدكم ..
متى محاضراتنا نحن طالبات الانتساب ؟؟
ماني شايفة شي مكتوب في التقويم عن محاضرات طالبات الانتساب في كلية الاعمال برابغ !!!
أتمنى تفيدوني بأقرب وقت عشان اذا كانت المحاضرات قريب لازم أروح اسدد وأعمل الجدول من بدري .
الله يوفقكم جميعا .

[جودي الحربي]

المحاضرات زي ماقالوا هون بالمنتدى 23 هالشهر والله اعلم