انتظام رابغ !

[LOOD alhar]

السلام عليكم

انا المستوى الثالث انتساب اداره خدمات صحيه ومستشفيات
ابغى احول انتظام فرابغ ..
كم المعدل المطلوب !
وكيف اقدم ؟
وعندي ماده حاملتها من السنه التحضيريه لو اخدتها ع الترم التاني اقدر احول انتظام ع السسنه الجديده !!
وايش يعني طالبه مستجده ! يعني مواد الي درستها تروح عليا !!



الله يسعدكم يارب ويوفقكم

[عبدالله 7z]

وعليكم السلام ورحمة الله وبركاته

اهلا وسهلا بك اختي

للاسف اختي انو احد شروط التحويل هو تكوني مجتازه لجميع مواد التحضيري ، ، ،

على كل حال وقت يفتح التقديم قدمي وان شاء الله يارب يتجاوزو هذا الشرط ـ ـ اما عن المعدل المطلوب فهو يعتمد على حسب المتقدمين ومعدلاتهم ـ ـ على الاغلب ما يقل عن 4.50

بالنسبه للتقديم حيكون الكتروني عن طريق الاودس وسيتم الاعلان عنه في حينه باذن الله


طالبه مستجده يعني لحد الان لم يتم تخصصيك ، ، ، كيف بتقولي ان تخصصك إدارة خدمات صحيه ومستشفيات ؟ ؟ ؟ ، ، ، ولا بد من اختيار التخصص وقت فتح المجال


بالتووفيق ان شاء الله

[LOOD alhar]

وحده تقولي لو حولتي انتظام بتكوني طالبه مستجده !
فسالت ايش يعني

طيب بالنسبه للماده الي حاملتها لو اخدها الترم الثاني !!
ع السنه الجديده يحولوني انتظام ؟

[AAAlharbii]

المشاركة الأصلية كتبت بواسطة lood alhar وحده تقولي لو حولتي انتظام بتكوني طالبه مستجده ! فسالت ايش يعني طيب بالنسبه للماده الي حاملتها لو اخدها الترم الثاني !! ع السنه الجديده يحولوني انتظام ؟

ايوا حتكوني مستجدة
في مواد للكلية تاخذيها لازم
بعدين تتخصصي بعد المستوى الرابع

المواد اللي حملتيها لازم تنجحي فيها
وقت التحويل ماتكوني حامله ولا مادة

انا ادرس فيها مستوى ثالث
تحضيري اعمال لسا ماتخصصت :)
وعلى فكرة الدراسة بالانقلشششش
يعني لو انتي فالانقلش مو تمام حتكون صعبة شويا
انا متأزمة من ذي الناحية :")