ولا نستغني عن مشورتكم بارك الله فيكم

[Raed_999]

بسم الله الرحمن الرحيم

الإخوة الأفاضل .. السلام عليكم ورحمة الله وبركاته

حبيت أستشيركم أحبتي في الله بخصوص المواد المتبقية لي,
بصراحة ناويها مغامرة ومدري عاد وش رأيكم أنتم,

ما تبقى لي من الخطة كالتالي:

أدب القصة 342
الأدب الحديث 449
الصوتيات 332
حلقه بحث في اللغويات 424
مقدمة في الأدب 341
مقدمة في الترجمة 350
التدريب العملي 463
مادة حرة (إحتمال نصوص نفسية)
---

المغامرة سلّمكم الله تكمن في الترم الجاي أخذ المواد جميعها ..
أبجيب العيد صح؟

حبذا لو تقدمون لنا نصيحة بارك الله فيكم,
وشكراً لكم سلفاً.

[saadoony]

أنا الترم هذا غامرت وخذت 6 مواد تخصص وفي الأخير 3 مواد في الـ 60 وزين ما خذت f وطاح المعدل يعني بالعربي راح تفقد السيطره على القياده فلذلك أنصحك بالتالي :

الترم هذا تاخذ مواد سهله مثل : أدب القصة 342 - الأدب الحديث 449 - حلقه بحث في اللغويات 424 - مادة حرة (نصوص نفسية) أؤيد بقوة كوني أخذتها الترم هذا ولا يمنع أنك تضيف نصوص إسلامية ونصوص كذلك نصوص إعلاميه لرفع المعدل أو تثبيته

الترم الصيفي : الصوتيات 332 - مقدمة في الأدب 341 - مقدمة في الترجمة 350 - التدريب العملي 463

---

[Raed_999]

أما عن طيحة المعدل فهو طاح وأنا خوك,
أخذت هالترم 6 مواد وكلها مثلك بالتخصص,
خبط معدلي إلى 3.28
وبرغم إن الدرجات فيها ظلم كبير وربي,
ما غير شكسبير اللي أشوف إنها درجتي المستحقة,
أما بقية المواد لا وربي مو درجاتي أبد,
رصونا بالستينات الله يرصهم باللي مني بقايل وبس,
الظاهر لأجل نحافظ عالمعدل ..
شكلي بمشي على رأيك يا سعدوني الله يجزاك خير ويسعدك دُنيا وأُخرى,
برغم إني للحين مو عارف هو الخلل من الدكاترة ولا باللي يرصدون الدرجات؟؟!!
لخبطونا ياخي وجانا المرض منهم ومن عمايلهم,
أسأل الله لك التوفيق والسداد.

[E N O U G H]

اذا فيك شدة توكل على الله وخذ المواد كلهم وتخرج ورتب امورك قبل الاختبارت وتتسهل ان شاء الله أما الصيفي انا ما انصح فيه لان الاختبارات فيه اسبوع فقط وومكن يصير مادتين بنفس اليوم فما تلحق
أنا قبلك أخذت 21 ساعة في الاترام العادية و15 ساعة في الترم الصيفي ندمت أني اخذت الصيفي


والله يوفقك وفالك التخرج

[الــــدب]

وعليكم السلام ورحمة الله وبركاته

وجهة نظري وانا اخوك إنك تتوكل على الله وتخلص
اعتبرها 18 ساعة
لأن التدريب العملي والنصوص النفسية بالنسبة لي ماتحتسب
النصوص النفسية أنصحك تاخذها عند الدكتور مطحنه أخذت عنده 100 ولله الحمد
والتدريب العملي اخذت 80 الله يسامح الجوهري

يعني تركيزك يكون على 6 مواد
ماشاء الله عندك 3 مواد أدبية كلها كم فيلم ومراجعة اسئلة الاعوام السابقة بتعديها بالراحه ان شاء الله
اهم شي لا اخذت عند باقبص حاول تزيد مخزون الكلمات الادبية عندك

انا معدلي 3.19 واخذت 7 مواد الترم هذا ولله الحمد تخرجت
3 مواد c
2 d
1 b
1 a+

والمعدل بالنهاية 3.18 والحمدلله على كل حال


استخير وتوكل على الله واجتهد وفالك التوفيق بإذن الله

[Raed_999]

ما قصرتم الله يجزاكم خير أحبتي في الله وبارك الله فيكم,
أسأل الله لنا ولكم التوفيق يا كرام.