المنتدى محجوب في نت الجامعه !!

[~Me~]

السلام عليكم ورحمة الله وبركاته

اليوم جيت ادخل على المنتدى من واي فاي الجامعه لقيتهم حاجبين المنتدى !!

مدري يعني هوا عشان مخرب على منتداهم ولا ما يبغو منتدى غير حقهم ولا كيف

على العموم أياً يكن بصراحه تصرف غريب ومالو داعي المهم فايدة الطالب ومن حقو يستخدم اي منتدى يبغاه ياخي التصميم حق منتداهم والوانو مو عاجبتني !

الزبده اتمنى من الكل لما يشبك على الواي فاي حق الجامعه حيقولولو ادا كنت تشوف انو المفروض الموقع دا ما ينحجب فارجو مراسلتنا مع ذكر السبب او شي زي كذا

فأتمنى من الجميع يدخل ويكتب يمكن يفكوه لانو احيانا احتاج معلومه كذا ع السريع ولا شي حتى لو فتحت فقوقل اغلب المواضيع فدا المنتدى و زي ما قلتلكم محجوب للآسف


وبس

[بيان عبدالعزيز]

وعليكم السلام ورحمة الله وبركاته



اخوي بخصوص مشكلتك ف حركة انا اسويها ويفتح معاية المنتدى ف الجامعة=)


في الجامعة اكتب في جوجل اسئلة رياضيات للتحضيري<عشآن تقدر تدخل ع الموقع او اسئلة لاي مادة جرب

ويجيبون لك النتائج افتح انت النتائج اللي تحت الموضوع نفسه زي اللي محددة عليه بالاسود





وبيفتح معاك او افتح مواضيع في الصفحات الثانية وبإذن الله بيجي معآك^^

[خالد~]

ادخلوا بهذا الرابط هذا الحل http://skaau.ws/vb/

يعنى بدل كوم ws

اما تصرف من الجامعه الواحد مايدري ايش يقولو عليه

الله يعين

[نايف العبدلي ^]

الله يعطيك العافية ^^

[haneen k]

من جد فرق شاسع بين موقع سكاو و موقع الجامعة ليش يحجبوه ؟؟؟؟

المفروض يخلوا موقع سكاو موقع رسمي للجامعة ...

مو مبالغة بس الفرق هنا و في الموقع الرسمي لمن تدخل هنا تلقى كل شئ موجود من الالف الى الياء وكل الاعضاء مايقصروا معاك في الرد

اما في موقعهم كل قسم فيه كم موضوع انا جربت الاتنين وماعجبني الا موقع سكاو من كل النواحي