رساله الى عالم الجن المجهول !!!

[عباطة]

والله ياعلي مو المفروض من زميلك العبث بهذا الأمر لأن عالم الجن خطير ولا يجوز الدخول بعالمهم

اظن كدا

[mada_al7ob]

يناااااس والله لاتفتحو موضوع زي كدا الموضوع دا ختيييييييير

الله احفظنا وقفلوا الموضوع احسلنا

لا يتلبشوا فكل من دخل ... بسم الله علينا

[علي العسيري]

المشاركة الأصلية كتبت بواسطة بدرالبدر سلامي لك .. اخ علي هذي مجرد وساوس وتوهمات يمر بها صديقك .. لانه يفكر بها كثيرا وملياً .. حتى اختلط الوهم بالحقيقه .. الورقه التي وضعها اكيد طارت بفعل الرياح .. وليس من المعقول ان اي شخص يضع رساله والجن تستجيب له بكل هذه السهولة .. هناك طقوس خاصة لتواصل معها .. قل لــ صاحبك بطريقه غير مباشرة لايفكر كثير بعالم الجن لكي لاتصبح عنده هلاوس .. هذا وشكراً ..

اولا اسعد الله ايامك اخ / بدر ,, واكرر ترحيبي بعودتك معنا مجددا بعد الغيبه الطويله ,,

اما بالنسبه لزميلي فانا مثلك ارى ان الموضوع مجرد وساوس واوهام واكيد ان الرساله طارت بها الرياح ,,

بس بصراحه انا صرت اخاف منه واخاف عليه بنفس الوقت ,,

هذولي جن ماحد يمزح معاهم اخ بدر صح ولا لاء كلامي ,,

اشكر لك مرورك المشرق

المشاركة الأصلية كتبت بواسطة roro ksa بدون ادنى شك ان الورقه طارت وبالنسبه للموضوع اكيد كل انسان تمر عليه فترة من فترات حياتو يفكر فيها بأمور غريبه او أشياء غير واقعيه هي فترة وحتعدي بس قول لصاحبك يشغل نفسه باي شي عشان لاتتطور هواجسه وافكارة ويصير عنده وساوس الله يحفظلك صاحبك ويبعد عنه اي مكروة

مرحبا اختي شي اكيد ان كل واحد تمر عليه مرحلة هواجس وافكار بس انا شخصيا مايطري على بالي عالم الجن ولاعمري اشغلت بالي بالتفكير فيهم ,,

وانا والزملاء معي قلنا له اشغل نفسك باي شي ثاني ,, المفارقه العجيبه ان الولد شاطر في امور البرمجيات وشغله على الانترنت يستمر بالساعات واحيانا طوال اليوم كلها تحميل واتنزيل برامج ,,

اشكر لك مرورك الجميل ,,

المشاركة الأصلية كتبت بواسطة .,.نيــــــــــــــــــــران.,. قوله ينتبه لايصير مجنون بعدين..!! صراحة أسألته مثيرة للجدل والدهشة وبالفعل ياليت أعرف جوابها لأني كنت أفكر في بعضها ولو تماديت في التفكير حتجيني جلطة الافضل انه الواحد مايخوض في الغيب أنصحه بقراءة كتاب "حوار صحفي مع جني مسلم" راح يجاوب على بعض تساؤلاته تحياتي

مرحبا اختي نيران لاعاد تفكري في ذا الموضوع حتى تشوفي النتائج الي ممكن تحصل مع زميلي المغامر ,,

اشكر لك مرورك الامع

[علي العسيري]

المشاركة الأصلية كتبت بواسطة mada_al7ob موضوع يخوف واتوقع هو مجنون رسمي لان هذه المواضيع ماينلعب فيها وممكن الورقة ماطارت يمكن .... اتخيلوا ايش ممكن! .... بس خليه يوافينا بالاخبار ... يمكن تجيلو وساوس وممكن يحلم أحلام خلينا على اطلاع بس لا ينسى انو يحصن نفسوا واحنا كمان حنحصن نفسنا والله الحافظ والمستعان وشكرا

اشكر مرورك اختي الفاضله وتفائلي خير على زميلي وش وساوس وهلاوس

الله يحمينا وصحيح والله امر مثل ذا ماينمزح فيه ,,

يعطيك العافيه

المشاركة الأصلية كتبت بواسطة memoooo.2008 أكــــيــــــد أكيــــــــــد الورقه طارت ،، بس تعرف انا لو مكانك كان اروح احط ورقه على نفس الشجره وفيها جميع الاجابات على التساؤلات وأكتبلوا كمان لاعاد تفكر فينا <<< شريره صح امكن بعد كدا يسير ما يفكر في الموضوع،، تقبل تحياتي،،

والله انك خطيييييييييييييييييييييييييييييييييييييييييييييييي يييره مره وعندك عبقريه يا ميمو وين ذا الفكره الي غابة عن بالي ,, بس هو ماقالي عن مكان الشجره الي حط الرساله عليها ,,

اشكر مرورك الرائع

المشاركة الأصلية كتبت بواسطة أبو غيث هلا بعلي ... حقيقة إن مواضيع الجن وحوادثهم لا تنتهي .. ويشاطرني زميلك بحب الإستطلاع عنهم ..... فالقصص والحكايات والوقائع قد لا تنتهي .. فكثيراً ما سمعنا وقرأنا وأحياناً حتى أصبحنا لا نصدق .. ولا أبالغ حينما أؤكد حوادث كثيرة حول الجن وحياتهم ... أيضاً الباحث في التراث الإسلامي يجد كثيراً من الملولات أو الأحاديث عن حياة هولاء وطبيعة حياتهم ... وبصراحة مثل هذه المواضيع لا تدعنا نتوقف بالحديث .. وإن حرصنا على التقيد بالحديث .. فاسمح لنا بالعموم .. فكما نعرف أن هناك أوجه كثيرة وأكثر من تعجب على هولاء .. وأكثر ما أتعجب منه وما بحثت وراءه بعض الأمور . منها ما تناقشت فيه مع البعض هنا بالمنتدى وغيره ... - مثلاً هناك جانب جواز الإنس بالجن .. والعكس .. فهذا أكثر الأمور ضبابية فقد أكدت أقوال وقصص كثيرة على حدوث هذا الشيء .. وتكلم البعض فيه من نواحي دينية وأخلاقية .. ولكن يبقى هو أمر مستور .. فليس هو مأكداً ولا بمنفي .. - ثاني الأمور .. مدى التواصل بين العالمين .. الإنس والجن ... فهذا معروف ومؤكد حدوثه .. وحتى واقعياً لا أستغرب من البعض من حدوث بعض المواقف عليه أو معه ... فربما من سكن بقرى أو أودية يعرف هذا أكثر من أي آخر ... ولتني أعرف أكثر عن هذا الأمر منكم .. - ثالث الأمور .. حول أذى الجن للأنس أو بالعكس .. فالمعروف أن الجن تخاف من المسلم ومن حصانته .. بعكس المعنى السائد في عالم اليوم إلا من سلم ... وهناك نقاط عديدة تنطوي تحت هذا الأمر .. - كيف طبيعة عالم الجن ؟ ووو .. ولي عودة ..

هلا وغلا اخي ابو غيث ,,

انا ودي اعرف اش سالفتكم انتو بتوع البرامج حول الجن لأن زميلي هذا الي اقولكم عليه يعتبر من المبرمجين المحترفين , اي برنامج على الانترنت تسئله عنه يعرفه ويعرف خفاياه ,,
وهذه نقطة تشتركان فيها ايضا ,,

اما بالنسبه لمن عاش في القرى والاوديه والشعاب فانا واحد منهم ولكن الحمد لله رب العالمين ماشفت شي من الكلام هذا ,,


اشكر لك مرورك العطر

[علي العسيري]

المشاركة الأصلية كتبت بواسطة الـــعــــراب واذكر الله والنبي لاتطير الجن بي الورقه عندهم تحت الدراسه واتخاذ القرار قول لصاحبك يروح للشجرة قبل مغرب ويربط برجله اليسار خيط اسود وياخذ سمن وعسل ويكبه اسفل الشجرة بيطلع له جني احمر خليه يقوله مرسول لك من الــــعـــراب بيعطيه كف بس عادي هذه تحيتهم اذا عزم عليه انتبه تخليه يروح ولاتنسى تعلمنا وش صار عليه . علولي _____ انا من عشاق قصص الجان ويشهد الله انه حصل اكثر من موقف لاخوياي حقيقيه وموقف واحد حصل ليه ماانساه مادمت وعانيت من اعراض غريبه لمدة يومين من ضمنها النطق ولكن بخبرة عرابي العظيم(جدي رحمه الله) بعد الله استطعت تجاوز هذه المرحله علما بأنه لم يسكني ولكن يقال عند مواجهتك للجان مباشرة يحدث شبه بكم (عدم القدرة على الكلام) وكذلك طفح جلدي وصداع نصفي قوي تختفي كل هذه الاعراض بحدود يومين الى ثلاثه اذا لم يتلبسك. اللهم احفظنا من كل شر الف تحيه اخوي علي

اشكرك اخي العراب على مرورك الممتع والله يحمينا واياكم من كل شر ,,

هناك جملتين في ردك ارى انها غير سليمه من الناحيه الشرعيه وهما قولك في البدايه (اذكرو الله والنبي ) وهذا لايجوز ان تفصل بين الله جل وعلى وبين ايا من خلقه بحرف الواو لكونه يفيد التساوي والتتابع ,, ثم ان الله جل وعلى لم يشرع لنا ان نذكر نبيه كذكره تعالى ,,

والثانيه في قولك ( لكن بخبرة عرابي العظيم جدي رحمه الله تعالى ) وكما تعلم ان العظيم هو من اسماء الله الحسنى ولايجوز نسبه لأي من خلقه ,,

والف الف شكر لمرورك المرح الذي يدل على رحابة صدرك

ولك اطيب تحياتي

المشاركة الأصلية كتبت بواسطة الريمـ ^^^^^^^^^^^^^^^ من جدددك انت !!! طييب حكينا ايش صاار >> ترا اخااف لا تحكي و اللي اعرفو عن الجن انهم موجوديين بس داك اليوم سمعت واحد يقول انهم ما يدخلو في الانساان مدري الاشيااء اللي نشوفهاا هذي دخل فيها جني و دا طلع من رجوله و دا يبغى يطلع من عينهاا صح ولا كدب باللهي لو احد يعرف يجااوب يسلمو على الموضوع العجييب داا

وتسلمي اني ياريم على المرور الطيب

وانا مثلك والله مالي في السوالف ذي اسمع من فلان وعلان والله يسترنا بستره ,,

[علي العسيري]

المشاركة الأصلية كتبت بواسطة northstar الجن يتلبسون بالبشر لقوله تعالى( كالذي يتخبطه الشيطان من المس) اخي علي انا ايضا اشاطر صديقك هاذا الفضول وبالفعل احب القراءه عن عالمهم وخاصة سمعت بانهم يملكون علاج لمرض السرطان لانهم عاشو قبلنا في الارض وعالمهم اكثر تطور وعلم منا اخي علي لدي كتاب رائع قراءته عنهم ويتحدث عن تاريخ العرب الحقيقي مع هؤلاء الجن وقبل نزول الوحي لان الشيطاين منعت من استراق السمع والتمثل بالبشر بعد نزول الوحي على محمد صلى الله عليه وسلم الكتاب: تاريخ العرب قبل الاسلام المجلد الثامن تحياتي

نورث اشكر لك مرورك القيم

وكتابك هذا وكل الكتب الي ذكرها الاخوه والاخوات الاعضاء ساذكرها بمشئة الله لزميلي يمكن يستفيد منها ,,

تحياتي لك

[علي العسيري]

المشاركة الأصلية كتبت بواسطة عباطة والله ياعلي مو المفروض من زميلك العبث بهذا الأمر لأن عالم الجن خطير ولا يجوز الدخول بعالمهم اظن كدا

والله انا مثلك اخ عباطه اتوقع كذا بس واحد جا واستشارك في مثل هذا ايش رح تقوله

والف شكر لمرورك العطر استاذي

[علي العسيري]

المشاركة الأصلية كتبت بواسطة mada_al7ob يناااااس والله لاتفتحو موضوع زي كدا الموضوع دا ختيييييييير الله احفظنا وقفلوا الموضوع احسلنا لا يتلبشوا فكل من دخل ... بسم الله علينا

الله يحمينا

[.SuperGirl]

المشاركة الأصلية كتبت بواسطة northstar لقوله تعالى( كالذي يتخبطه الشيطان من المس)

الآية الصحيحة
(الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ )

[طالبة محاسبة]

بصراحه عالم الجن عالم يخوف وماحب اتكلم فيه بس هم موجودين بيننا وفي قصص صارت لناس نعرفهم
يعني في واحد نعرفه طبعا ذي القصص زمان يعني اللي سكنوا بالقرى بيعرفون المهم كان كل يوم يسوي اكله ويغطيه عشان يصحى وياكل لما يصحى مايلاقي شي بالصحن واستمر الحال كذا يوم قال لازم اعرف ايش يصير وجلس بيوم مانام وجات بسه واكلت اللي بالصحن قام ضربها بشي وقتلها بعدها جوله الجن واخذوه عندهم واشتكوا عليه انه هو اللي قتل واحد منهم وقال لهم يقولون انه رئيس الجن مدري قالهم موقلتلكم لاتتشكلون بذي الهيئات تستاهلون ماجاكم ورجعوه ولاسوله شي الحين ذا الرجال توفى له فترة
وكمان في قصه اممم شلون تفهموني المهم احنا بالديره كل واحد له بيت نروح ايام الاجازات وكذا طبعا هناك وناااسه المهم بيت ناس من اقاربنا بنتهم زوجها من النوع اللي يشوفهم يقولولهم عين كشاف كانوا جالسين بالحوش وهو متنح وهي تقله ايش فيك يقولها ولاشي وبعدين قالها يلا نمشي جده ولما طلعوا قالها الوضع ماعجبني كل شوي واحد رايح وواحد جاي وواحد يمشي عالجدار وهذي صارت الحين قبل كم شهر
في قصص كثير وفي قصه صارت لابوي لما كان صغير بس بصراحه تخوف احسن لي اسكت
وكمان ولد خالي يحكي يقول كانو هو واصحابه بالبحر وسهرة لليل وكانوا دق ورقص وسمسميه وكذا ولما طالع بالبحر يقول شفت واحد واقف قدامي وعلى طول شال عينه عنه
جالسه اكتبلكم وانا ميته خووف هههه اتذكرت شي عمري ماحنساه لاني شفت مره زااار قدامي والبنات كانوا معاي عالطاوله وكنت اول مره بحياتي اشوف شي زي كذا الحين صرت اكره قاعه نوف بعد الزار اللي صار بذاك الزواج

معليش اني طولت بس قول لصديقك يبعد عن ذي الاشياء ويحصن نفسه اهم شي