دكاترة فرع عسفان

[عضو محترف]

السلام عليكم ورحمة الله وبركاته

شباب انا سنة تحضيري والان وقت تسجيل رغبات التسكين اتمنى افادتي وافادة من يقرأ الموضوع.
-هل دكاترة فرع عسفان جيدين ؟
-وياشباب في ناس يقولوا افضل لك تدرس هندسة ولو موازي بجامعة الملك عبدالعزيز على جامعة جدة (اللي هي الان فرع عسفان ) لان شهادة الملك عبد العزيز افضل؟!
اتمنى افادتي لاننا في اخر السنة والوضع مصيري والله يوفق الجميع

[الجدعاني950]

اي والله نتمنا احد يفيدنا بهذا الموضوع

[أحـمـد ظـافـر]

وعليكم السلام ورحمة الله وبركاته

ما أتوقع إن في دكاترة أحسن من دكاترة.

ماتوقع راح يأثر "من أي جامعة تخرجت" على قبولك في الوظايف بعدين, في النهاية إنت بتصير مهندس, وعندك شهادة بكذا. انتهى.

جامعة جدة خبر طلع في خبر بس متى يتنفذ الله أعلم وهل هو فعلا سيصبح حقيقه أم لا , لا أعلم.

آنت رتب رغباتك حسب ما تبغى الأفضل فالأفضل, يعني إذا تبغى الفرع الرئيسي حطه اول واحد ثم حط عسفان الثاني إذا ماجات الرغبة الأولى تجي الثانية.

والله يكتب اللي فيه الخير. بالتوفيق.

[Mudi]

الدكاتره فيه نسبه كبيره يدرسون في الفرع الرئيسي بجده ويدرسون في فرع عسفان ...

نصيحتي لك سجل اول رغباتك في الفرع الرئيسي جده حتى لو موازي

وبالتوفيق

[عضو محترف]

مشكورين

[عموريAHLI]

بالنسبة لي درست اربع سنوات في عسفان هندسة ميكانيكية

الدكاترة فيه ممتازين وفيه من جنبها لدرجة تشك انو شهادته موزرة يمكن , لكن الممتازين فعلا يطلعوك فاهم المواد

اللي يفرق عننا مع الجنوب هي المعامل رغم ان المعامل اللي فالجنوب ماشوف انه تأثر بدرجة كبيرة لكن تظل من الاشياء المهمة واللي تساعدك في فهم المادة

لكن اتوفع انو مستقبلا ً راح تصير جامعة جدة اللي هي فرع عسفان افضل من عزوز والله اعلم

المعامل الهندسية تجهز تقريبا على السنة الجاية , يعني اللي بيدرس هندسة لايخاف من ناحية المعامل لأنهم شغالين عليها وماراح يضرب مشوار للجنوب عشان معمل

المتخرجين حاليا من عسفان شهادتهم تصدر من جامعة الملك عبدالعزيز يعني كأنه خريج من الفرع الرئيسي وحسب علمي اول شهادة بإسم جامعة جدة راح تكون الصيف 2014 او اول ترم من السنة الجديد اذا مرة تأخرو

[الحلوحلو]

دكاترة جامعه جده جداً ممتازين وأغلبهم من نفس جامعه الملك عبدالعزيز