مبادئ الاقتصاد الكلي

[بدر المري]

السلام عليكم ورحمة الله وبركاته

يعطيك العافيه يا شباب

وتقبل الله صيامكم وقيامكم

الموضوع هو عن ماده الاقتصاد الكلي انا منزلها بالصيف

مثل ما انتو عارفين الماده صعبه شوي يعني يا ليت الشباب يساعدونا في الملخصات وأسئلة الترم الماضي

وجزاكم الله الف خير

[أبو مطر]

اي والله انا نفسك منزله ترم صيفي بس بطلع الرياض اليوم اشتري الملخص من دار الهدا وذا فيه نلخصات علمونا ياشباب
بدر انت من جده ولا الرياض عشان نتعاون انا من الخرج

[المغول]

هلا بالشباب
بالنسبه للماده مايحتاج ملخص
الاستاذ الله يجزاه خير نزل السلايدات في البلاك بورد والمحاضرات تلقاها في خانة (محتوى المقرر)
وبالنسبه للفصل السادس كتبلنا في البلاك بورد انه محذوف
وايضا المسائل اللي باول الفصل الثامن لانها تابعه للفصل السادس
المسائل طبعا كلها بسيطه واي استفسار انا بنتظاركم

[أبو مطر]

مرحبا شباب شريت الملخص ، صراحه كله مسائل صعب بالمره كيف الطريقه

[المغول]

[quote=أبو مطر;7027330]مرحبا شباب شريت الملخص ، صراحه كله مسائل صعب بالمره كيف الطريقه[/quote
الله يهديك ياابو مطر
مايحتاج ملخص والاستاد معطينا السلايدات
خاصة ان المسائل اللي بالملخص اكثرها محذوفه ماهي موجوده عندنا بالسلايدات
اعتمد على السلايدات وانا اخوك

[علي العجمي]

اخوي المغول

هل نظام البلاك بورد هو بديل للسينترا

وكيف طريقة التسجيل به

وهل يوجد كل محاضرات الدكتور و السسلايدات

بعدين انا طلع لي ان دكتور المادة عبدالرزاق مازن بليلة (p) ؟؟ ولا وجدت له أي صفحة في دليل المنسوبين ؟؟

[المغول]

المشاركة الأصلية كتبت بواسطة علي العجمي اخوي المغول هل نظام البلاك بورد هو بديل للسينترا وكيف طريقة التسجيل به وهل يوجد كل محاضرات الدكتور و السسلايدات بعدين انا طلع لي ان دكتور المادة عبدالرزاق مازن بليلة (p) ؟؟ ولا وجدت له أي صفحة في دليل المنسوبين ؟؟

نعم بالترم الصيفي على البلاك بورد
طبعا تدخل معلوماتك الرقم الجامعي والسري الهويه
ولا يحتاج تسجيل انت مسجل من الجامعه
وبالنسبه للدكتور عبدالرزاق ماله صفحه في موقع الجامعه ولكنه اجتهد الله يجزاه خير ونزل المطلوب في البلاك بورد
لا فتحت البلاك ادخل على خانة(محتوى المقرر) وتلقى فيها السلايدات والمحاضرات وحملها وربنا يوفقك

[المغول]

اي سؤال ياشباب بخصوص الماده اكتبوه لي وانا راح اتواصل مع الدكتور
والدكتور جدا متجاوب (بس نبغى نجمع كم سؤال يفيدنا وارسلها له دفعه وحده يعني مانبغى اسئله عاديه ماتفيد)
طبعا راسلته عن المسائل اللي في الاختبار
وقال احفظوا القوانين وراح تحلون كل المسائل والمسائل طبعا راح تكون سهله وواضحه حسب كلامه
............
اما بخصوص النظري قال ركزوا على الجدول اللي بالسلايد الخامس صفحه رقم 11 اللي هو الفرق بين النظريه الكلاسيكيه والكنزيه
وايضا الجدول اللي بالسلايد الثامن اخر صفحه اللي هو الفرق بين السياسه التوسعيه والانكماشيه
وقال مهمه بالمحاضره
......
طبعا المسائل اللي معنا كلها راح انزلها لكم بعد العيد مشروحه لأني الحين والله مشغول والوقت ضيق
..............................
نبغى نتعاون في هذا الموضوع لكل ماهو مفيد واتمنى لكم التوفيق واعلى الدرجات إن شاء الله

[أبو مطر]

اخوي النغرل
كيف الطريقه ادخل على بلاك بورد ومن وين ادخل بصراحه ماقد دخلت ولا اعرف كيف احمل اتمنى تعلمني الطريقه
وهل يحتاج اخذ مدرس يشرح لي ؟؟

[أبو مطر]

اسف على الكلمه اخوي المغول تصحيح