المواد العامه و الحرة لكلية العلوم

[مودة.ع]

السلام عليكم و رحمة الله و بركاته ..
طبعاً طلعت نتايج التسكين و كنت متأملة قبولي في الحاسب لكن الحمد لله على كل حال وقف القبول بفارق واحد عني
المهم قلت بدي ادرس ترم في كليه العلوم و ارفع المعدل و الموزونه و احول
أسئلتي و ياليت تفيدوني:
1)اسهل قسم ممكن ادخله عشان ارفع المعدل ؟؟
2)وحدة من البنات قالت لي ادخلي اي قسم و خدي مواد عامه و حره .. فايش هيا المواد السهلة اللي ممكن اخدها و ترفع معدلي ؟؟
3)باخد عربي و ثقافة بس كم عدد ساعتهم ؟؟ وايش رايكم ؟؟
4)وهل يمديني اخد مواد عامه و حره بدون مواد التخصص نفسه و لا ماينفع ؟؟
و الله يديكم العافيه

[مودة.ع]

يا ناااس احد يرد 😩
سااعدووني

[Meme599]

الكيمياء حلو اذا حبيتي
خذي عربي وثقافه وماده حره سهله زي اقناع او تفكير
ومادة تخصص من الكيميا عندك كيم 202 سهله وحلوه بس تشدي حيلك
وفي امن وسلامه كيميا تاااافهه الاختبار يجي من اسئلة نهاية كل باب


ثقافه ساعتين ، عربي 3 ساعات ، كيم 202 ب4 ساعات ، امن وسلامه ساعه وحده ، اقناع + مهارات تفكير دي ب 3 ساعات

[مودة.ع]

المشاركة الأصلية كتبت بواسطة meme599 الكيمياء حلو اذا حبيتي خذي عربي وثقافه وماده حره سهله زي اقناع او تفكير ومادة تخصص من الكيميا عندك كيم 202 سهله وحلوه بس تشدي حيلك وفي امن وسلامه كيميا تاااافهه الاختبار يجي من اسئلة نهاية كل باب ثقافه ساعتين ، عربي 3 ساعات ، كيم 202 ب4 ساعات ، امن وسلامه ساعه وحده ، اقناع + مهارات تفكير دي ب 3 ساعات

الله يسعدك يااارب ريحتيني

[Ibra 3bdallah]

خيرة وانا اخوك

خذي ثقافة ( ساعتين ) وعربي ( 3 ساعات )

وبما انك تبي تحولي حاسبات

لازم تاخذي رياضيات ( math 202 ) بـ ( 4 ساعات ) وبرمجة ( cs 201 ) بـ ( 4 ساعات ) و نظرية الاحتمالات ( stat 211 ) بـ ( 4 ساعات ) ذي كلها في قسم الرياضيات وتشترك مع الحاسبات
فاذا مصممة ع التحويل انصحك تاخذي ذي المواد الخمسة عشان تتعادل لك في كلية الحاسبات اذا الله وفقك وحولتي
اما من ناحية اسهل قسم فهو ( الاحياء اولا ثم الكيمياء )
والله يوفقك ويكتبلك التحويل

[مودة.ع]

الله يديك العافيه اخويا على معلوماتك المفيدة .. بس المواد ابو اربع ساعات اخاف تنزلي المعدل !! O_o

[Ibra 3bdallah]

انا حطيتها لك عشان تعرفي ايش المواد المشتركة بين التخصصات في كلية العلوم والحاسبات
لك الحرية في تنزيلها ولا تركها :)

سواء اخذتيها الحين ولا لمن تحولي مجبورة تاخذيها

على الاقل خذي مادة وارشحلك مبادئ برمجة ( cs201 ) هي اسهل المواد في رأيي

[مودة.ع]

الله يديك العافيية

[كوبالـت_Co]

المشاركة الأصلية كتبت بواسطة مودة.ع السلام عليكم و رحمة الله و بركاته .. طبعاً طلعت نتايج التسكين و كنت متأملة قبولي في الحاسب لكن الحمد لله على كل حال وقف القبول بفارق واحد عني المهم قلت بدي ادرس ترم في كليه العلوم و ارفع المعدل و الموزونه و احول أسئلتي و ياليت تفيدوني: 1)اسهل قسم ممكن ادخله عشان ارفع المعدل ؟؟ 2)وحدة من البنات قالت لي ادخلي اي قسم و خدي مواد عامه و حره .. فايش هيا المواد السهلة اللي ممكن اخدها و ترفع معدلي ؟؟ 3)باخد عربي و ثقافة بس كم عدد ساعتهم ؟؟ وايش رايكم ؟؟ 4)وهل يمديني اخد مواد عامه و حره بدون مواد التخصص نفسه و لا ماينفع ؟؟ و الله يديكم العافيه

و عليكم السلام ورحمة الله وبركاته

خيرة و الخيرة فيما اختاره الله ,,

اول شيء لازم تعرفين انه هاذي التخصصات مثل الحاسب و الهندسة و الطب تشترك مع كلية العلوم في مقررات يدرسونها في تخصصات معينة

على سبيل المثال تخصص الحاسب الآلي يشترك في كلية العلوم مع تخصص رياضيات + الاحصاء ولا يشترك مع الكيمياء او الاحياء و بالعكس اذا تخصصتي بالكيمياء و الاحياء ما راح تستفيدين اكثر من التخصصين

الي قبل ( رياضيات + احصاء )

عشان كذا انا افضل انك تتخصصين في واحد من هالتخصصين فكي الخطة الدراسية للرياضيات و الاحصاء و الحاسب الآلي و شوفي اي تخصصين فيهم مقررات مشتركة اكثر و ادخليه

ليششش ؟؟؟!

عشان لو ان شاء الله ربي اكرم عليك و تحولتي حاسب يصير فيه ساعات بنفس الخطة الدراسية حقت الحاسب قد اخذتيها في العلوم ما يحتاج تأخذينها مرة ثانية و تعتبرين مجتازتها !

و افضل انك تأخذين ( عربي 3 ساعات + ثقافة ساعتين + مادة حرة ( و اقترح عليك تأخذين من تخصص مهارات الاتصال او الأعلام ) + مادة تخصص من التخصص الي بتخشينه و يكون مشترك مع الحاسب )

و تشدين حيلك فيهم و تجيبين معدل عالي و تطلبين تحويل

بالتوفيق ::.