تحويل وقت مو دكتورة كيف ؟

[lmes]

السلام عليكم

جدولي عبارة عن إنه كل الأيام ما عدا الاثنين والربوع احصاء وكيمياء وانجليزي أما الإثنين والأربعاء عندي احياء وانجليزي
بما انهم حطوني في المستوى الرابع في الانجليزي معناه إننا حنبدأ من نص الترم
أنا مني حابه اداوم يوم كامل عشان الأحياء !
ينفع احط الأحياء مع الإحصاء والكيمياء وأخلي الإثنين والأربعاء off بالنسبه ليا ؟ لين تبدأ محاضرات الإنجليزي طبعا ..

من جد أتمنى تساعدوني في الطريقة

عندي استفسار ثاني .. متى نستلم المكافأة ؟

[نُـهَـى]

وعليكم السلام

مافي حل غير إنك تحولي لشعبة أحياء يوم أحد وثلاثاء وخميس تحويل ودي بين الدكتورات

بس أنا أشوف بما إنه راح يكون عندك انقلش في نص الترم فمالو داعي تحولي وتضغطي نفسك كل المواد العلمية في ثلاثة أيام
^ مجرد رأي شخصي وانتي لك الحرية والقرار

بالتوفيق يارب

[نُـهَـى]

وبالنسبة للمكآفأة على أيامنا استلمنها بعد شهر وشوية تقريباً

أول شيء هما راح يحددوا أوقات لاستلام بطاقة الصراف وبعدها إذا جاء تاريخ 25 ينزلوا لكم المكآفأة حقت نفس الشهر وحقت الشهر اللي قبله مكآفأة متأخرة

وبعد كذا يسير كل شهر تنزل مكآفأة كالعادة

[Somaiah Yousef]

وعليكم السلام ورحمة الله

بالنسبة للتحويل في الاحياء فهو سهل جدا لكنه برضه يعتمد على دكتورتك
مثلا د.منى من الدكتورات اللي م يوافقوا ع النقل
لكن اغلب الدكتورات عادي
كل اللي عليك انك تاخذي ورقة التحويل من الشؤون وتخلي دكتورتك الاصلية ودكتورتك اللي بتحولي لها والمنسقة يوقعو عليها
وتنسخي الورقة وتحطي نسخة عند كل دكتورة
طبعا هذا للسليمانية

اما المكافأة .. انتظري يحددولكم موعد ويمكن يتأخروا