شوروا علي ي أهل التجربة والخبرة .. بخصوص الماجستير ..

[زمردة الغلا]

السلام عليكم ورحمة الله وبركاته ..
كيفكم جميعا ,
راح اذكر لكم حالتي وياليت تشوروا علي ,,

طالبة غير سعودية من جامعة الطائف على وشك التخرج , واتمنى اكمل دراستي في الماجستير باذن الله , في جامعة الطائف او جامعة عزوز مابتفرق معاي ,,
المشكلة انو جامعة الطائف شرط اللغة لقسم الكيمياء مطلوب المستوى الثالث يعني تكون درجتي بالاستيب 67 وطبعا ماحصلت على هذه الدرجة , وكما هو معروف اللي مايجتاز شرط اللغة هناك دورة بديلة ..
اما بالنسبة لجامعة عزوز شرط اللغة لقسم العلوم 52 ولمن اختبرت الاستيب حصلت على 52 ..

سؤالي ي جماعة هل تنصحوني اقدم في عزوز وهل حيقبلوني مع انو انا من جامعة الطائف , واذا كان افضل اني اخذ الدورة في الطائف هل الدورة فعلا تأهل الشخص ويصبح مستواه بالانجلش جيد جدا ,, او هي كباقي الدورات ؟؟ لانو دراسة الماستر اكيد حتكون بالانجلش واكيد حنتعب لو كانت لغتنا بسيطة

وكمان ودي اسألكم عن مواعيد التقديم متى بالضبط ؟ لأني أتمنى ماتضيع علي سنة فعشان كذا حبيت أسأل من الأن ...


الله يسعدكم اللي عندة لو اجابة وحدة ياليت يفيييييدني ,, وأعتذر عن الاطالة ..

[تَرَـآتِـيّـلْ ~]

وعليكم السلام ورحمة الله وبركاته

قبل الاجابة على الاسئلة احببت ان اقول انه لا ينبغي علينا الاعتداء على اسم من اسماء الله وهو ( العزيز )
والواجب علينا قول عبدالعزيز وليس كما قلتي

الي اشوفه والافضل انك تقدمي على الجامعتين

ووقت التقديم في شهر 3 ان شاء الله


موفقه

[Scientist fatma]

و عليكم السلام و الرحمة ..
انا برضو خريجة السنة اللي فاتت كيميا من جامعة الطايف و اجنبية برضو >> احس انك اختي هههههههههه
المهم اول شي مبروك تخرجك مقدما ..
ثاني شي اتوقع انو كذا او كذا ح تتاخري في قبولك. اذا كنتي خريجة الترم الاول ف التقديم ح يبدا شهر واحد يعني قبل ما تستلمي وثيقتك و نفس الشي لو تخرجك ترم ثاني ..
و ح تتأخري زيادة ف القبول عشانك اجنبية احنا لنا معاملة خاصة و بيرفعو اوراقنا لوزارة التعليم العالي و المعاملة ذي تطول يعني انا مثلا انقبلت ماستر كيميا حيوي و طابقت اوراقي من شهر 6 و لين اليوم صارلنا 5 شهور ما نزلت ارقامنا الجامعية و بالتالي مالنا جداول و لانقدر نداوم ، ف يعني لا تتعشمي انك ح تنقبلي ع طول و ح تداومي لازم تطولي بالك كثيير بس اهم شي انك ضامنة مقعدك و ان شالله بتدرسي و تكملي دراستك حتى لو بعد خمس سنين ...

اما بالنسبة ايت احسن الطايف او المؤسس ف شخصيا ارتحت ف المؤسس ف التقديم الكل متجاوب معاكي (ديموقراطيين درجة اولى ماشالله)و كل شي بتشوفيه بعيونك عندهم جدول و خطة واضحة و بيحطو اخر نسبة قبلوها ف البرنامج بحيث تعرفي انتي نسبتك كم و نسبة اخر وحدة كم و تشدي حيلك لو ما انقبلتي ..
ف قسم الكيميا جامعة الطايف طالبة قدرات و ستيب و الستيب 67 اما المؤسس ماهي طالبة قدرات لكن فيه اختبار مفاضلة عام و سههههل و في الكيميا ف نفس اللي درستيه مو زي القدرات طبعا .. و الستيب 52 .. << الشروط اسهل

جامعة الطايف طالبة انك تجيبي المنحة عشان يقبلوكي اما ف جامعة المؤسس هم بيجيبولك المنحة و بيعاملو مع وزارة التعليم العالي بدالك << ريحوني خصوصا انو ماعندي احد يجريلي وراها ..

اخر شي و بما اني كنت خريجة كيميا الطايف ف انا مني عارفة كيف بتفكري تكملي الماستر ف الطايف بالنسبة ليا شششي مستحيل اني اكمل ف نفس ذيك الجامعة و مع ذولاك الدكتورات مع احترامي ليهم اللي اكلتو عندهم ف البكالوريوس كفاية ان شاء الله ربي يعوضني في ذي الجامعة بدكتورات كويسات :)

[زمردة الغلا]

المشاركة الأصلية كتبت بواسطة تَرَـآتِـيّـلْ ~ وعليكم السلام ورحمة الله وبركاته قبل الاجابة على الاسئلة احببت ان اقول انه لا ينبغي علينا الاعتداء على اسم من اسماء الله وهو ( العزيز ) والواجب علينا قول عبدالعزيز وليس كما قلتي الي اشوفه والافضل انك تقدمي على الجامعتين ووقت التقديم في شهر 3 ان شاء الله موفقه

جزاك الله خير ع التنبيه , الله يرضى عليك صحيح دوب تأملتها الله يعفو عنا ..

مشكوره ع المشورة , وان شاء الله خير .

[زمردة الغلا]

المشاركة الأصلية كتبت بواسطة scientist fatma و عليكم السلام و الرحمة .. انا برضو خريجة السنة اللي فاتت كيميا من جامعة الطايف و اجنبية برضو >> احس انك اختي هههههههههه المهم اول شي مبروك تخرجك مقدما .. ثاني شي اتوقع انو كذا او كذا ح تتاخري في قبولك. اذا كنتي خريجة الترم الاول ف التقديم ح يبدا شهر واحد يعني قبل ما تستلمي وثيقتك و نفس الشي لو تخرجك ترم ثاني .. و ح تتأخري زيادة ف القبول عشانك اجنبية احنا لنا معاملة خاصة و بيرفعو اوراقنا لوزارة التعليم العالي و المعاملة ذي تطول يعني انا مثلا انقبلت ماستر كيميا حيوي و طابقت اوراقي من شهر 6 و لين اليوم صارلنا 5 شهور ما نزلت ارقامنا الجامعية و بالتالي مالنا جداول و لانقدر نداوم ، ف يعني لا تتعشمي انك ح تنقبلي ع طول و ح تداومي لازم تطولي بالك كثيير بس اهم شي انك ضامنة مقعدك و ان شالله بتدرسي و تكملي دراستك حتى لو بعد خمس سنين ... اما بالنسبة ايت احسن الطايف او المؤسس ف شخصيا ارتحت ف المؤسس ف التقديم الكل متجاوب معاكي (ديموقراطيين درجة اولى ماشالله)و كل شي بتشوفيه بعيونك عندهم جدول و خطة واضحة و بيحطو اخر نسبة قبلوها ف البرنامج بحيث تعرفي انتي نسبتك كم و نسبة اخر وحدة كم و تشدي حيلك لو ما انقبلتي .. ف قسم الكيميا جامعة الطايف طالبة قدرات و ستيب و الستيب 67 اما المؤسس ماهي طالبة قدرات لكن فيه اختبار مفاضلة عام و سههههل و في الكيميا ف نفس اللي درستيه مو زي القدرات طبعا .. و الستيب 52 .. << الشروط اسهل جامعة الطايف طالبة انك تجيبي المنحة عشان يقبلوكي اما ف جامعة المؤسس هم بيجيبولك المنحة و بيعاملو مع وزارة التعليم العالي بدالك << ريحوني خصوصا انو ماعندي احد يجريلي وراها .. اخر شي و بما اني كنت خريجة كيميا الطايف ف انا مني عارفة كيف بتفكري تكملي الماستر ف الطايف بالنسبة ليا شششي مستحيل اني اكمل ف نفس ذيك الجامعة و مع ذولاك الدكتورات مع احترامي ليهم اللي اكلتو عندهم ف البكالوريوس كفاية ان شاء الله ربي يعوضني في ذي الجامعة بدكتورات كويسات :)

مشكووووووووووووووووورة , الله يسعدك أختي , ذكرتي لي تجربتك بالكامل الله يوفقك ,ردك جدا وافي ومااحتجت أسألك أي سؤال ثاني , ياليتني عرفتك بس حاسه انو حنتقابل بيوم من الأيام , .
وصحيح كلامك بس ودي أعرف ليش شروط جامعة الطائف اصعب على أساس انهم أفضل يعني !
ع العموم مايصير الا المكتوب سواء بالطائف أو عبد العزيز بالآخر هدفنا إنو نتعلم ,, بس احس تحطمت لمن قولتي لي اجراءات القبول تطول , أحس لو جلست بالبيت سنة حتتبخر كل معلوماتي الكيميائية


الله يوفقك أختي .

[Scientist fatma]

اكيد ح نتقابل ان شالله ع اني حاسة اني اعرفك لانو في كذا مادة اخذتها مع مستواكي :) ..

عاد مين احسن اكاديميا الطايف و الا المؤسس لسا ما اعرف لمن ينزل الرقم الجامعي و ابدا دراسة ح اديلك خبر ان شالله :)

و قدمي انتي ف الجهتين ف المؤسس التقديم ح يبدا ف محرم اما الطايف اتوقع ف شهر ثلاثة بين الترمين وربي يكتبلك الخير وين ما كان سواءا كان ف الطايف او ف جدة

[Scientist fatma]

صح في شي نسيتو ..
ف جامعة الطايف طالبين قدرات و ستيب و كمان بعد الترشيح المبدئي بتخشي اختبار مفاضلة ...

و لازم تحطي ف بالك موضوع السكن و المواصلات ف جدة لانو في شح في الوحدات السكنية لطالبات الماجستير :

[زمردة الغلا]

المشاركة الأصلية كتبت بواسطة scientist fatma صح في شي نسيتو .. ف جامعة الطايف طالبين قدرات و ستيب و كمان بعد الترشيح المبدئي بتخشي اختبار مفاضلة ... و لازم تحطي ف بالك موضوع السكن و المواصلات ف جدة لانو في شح في الوحدات السكنية لطالبات الماجستير :

شروط جامعة الطائف اكثر صحيح ولو فكرت القدرات مقدور عليها باذن الله , والاستيب مو مشكلة ناخذ الدورة البديلة بس انا ودي اعرف هل الدورة هذي تستاهل فعلا وتهيئنا , لأنو دراسستي كلها بالعربي ولو مسكت كتاب علمي بالانجلش مابفهم ي دوب شي بسيط

واختبار المفاضلة هذا الله يستر منه ,


ماأدري ودي أراسلك خاص في شي بسألك عنه بس مايصير هنا خخخخخخخخخ وماأتوقع انك عرفتيني , وعضوه جديده يعني م عندي مشاركات

[Scientist fatma]

الدورة البديلة ما أفتيكي و الله ما اعرف عنها شي انا خشيت ستيب و عديتو الحمدلله..
و ع انو انجليزيتي الحمدلله كويسة بس برضو لو مسكت كتاب علمي انجليزي ما ح افهم الا شي بسيط لكن الحمدلله عندي 6 مواد تقريبا تكميلية ح ادرسها ب الانجليزي و اتعود ع الوضع و ادرب نفسي :)