الكلام الأكيد يا قسم اللغات الأوروبية !!!

[طمووحه]

السلام عليكم ورحمة الله وبركاته


كثرت الأسئلة حول اختبار القسم الخاص باللغات الأوروبية وللأسف الى الآن لم نجد اجابة شافية !!!!!

هل نذاكر ونستعد للاختبار على الرغم من انشغالنا أم سيلغى الاختبار وتكون المفاضلة بدرجة التوفل والمعدل ؟؟!!


اختلفت الأقوال ونحن في أمس الحاجة لمعرفة الخبر الأكيد


والله المستعاااااااان

[tata almoon]

ذاكري وتوكلي على اللله...حسب ما قيل لي ان المتقدمات كثير فلابد من وضع اختبار للقسم ..بالتوفيق

[Take the lead]

خبر فرش
دقيت اليوم على قسم اللغات الاوربية و ردت السكرتارية و قالت لي أنه إلى الآن لم يتحدد إذا في اختبار و لا لا؟؟؟؟؟؟ والله مشكله مو معقولة الاختبار مو باقي عليه شيء و هما لسا ما حددوا إذا في اختبار أو لا على العموم ادعو كلكم إنه يكون مافي اختبار ؟؟؟؟
أنا والله مايهمني اذاكر لو كان الخبر أكيد المشكلة أنو الواحد ما يتحمس لمن يكون الخبر مو أكيد و يكون عنده مليون شغله و شغله في حياته ؟؟؟؟؟؟؟؟؟؟؟؟

دعواتكم

[يلدرم]

ادخلي منتدى اللغات الاوربية المندرج تحت منتدى كلية الاداب والعلوم الانسانية واكتبي موضوعك

تشارك ادارة قسم اللغات الاوربية للطالبات معنا في المنتدى وان شاء الله يردوا على استفسارك وهنا رابط العضوية

http://www.skaau.com/vb/member.php?u=43893

طبعا كتابة الموضوع في المنتدى حتى يتم الاطلاع عليه من الجميع

[طمووحه]

اختي Take the lead

والله صدقتي في كل كلمة قلتيها ومشكوووورة ع الخبر الفرش


يااااااااااااااااااااااارب فعلا مايكون فيه اختبار


ادعوا معي بليز

[طمووحه]

مشكووووور اخوي يلدرم وجزاك الله الف خير


راح اشارك في المنتدى وأكتب موضوعي وان شاء الله القى تجاوب

[new4ever]

السلام عليكم..
انا احتياطآ ذاكرت ملخصات للأدب من النت ومن كتب اللغويات.. بس أنا طفشانة ومتظايقة من موظفات التسجيل في العمادة لما رحت اقدم مالها نفس تاخذ الأوراق قامت تسال كم جبتي في التوفل قلت جبت الدرجة المطلوبة وزيادة قالت..انتي معدلك جيد؟؟ قلت لاااااااااا جيدجدا مرتفع وسالتها إذافيه أختبار قسم قالت ماندري انتو مو واثقين فقدراتكم..وهذي السنة اصلا مارح ينقبل احد أنجليزي..ليش ماتقدمي السنة الجاية؟؟؟أحسنلك بنحولك قسم ثاني لانا مارح نقبل احد,,عطيتها الأوراق واصريت إلا اقدم إنجليزي..قلت في موقع العمادة كاتبين ان تخصص الانجليزي مفتوح..قلبت وجهها واخذت الأوراق بدون نفس,وهي مصرة على ان مافية قبول إنجليزي"مدري وش حكايتها مع اني واثقة فحالي شكلي لبسي واسلوبي كان راقي جدا"

[طمووحه]

اوووووف اش قصدها يعني ؟؟!!


بس كويس انك ماسمعتي كلامها وقدمت اوراقك لأن هذي أرزاق بيد الله سبحانه مو بيد البشر


وبعدين المكتوب في الموقع واضح !!!


وحكاية اننا نسأل عن الاختبار عشاننا مو واثقين في قدراتنا خـــطــــأ المسألة ومافيها ان لنا سنين من يوم تخرجنا ونسينا بعض المعلومات يعني لازم نراجع غير انه فينا المتزوجة والأم والموظفة وعندنا مايكفينا من الأشغال

ما أقول الا الله المستعان والله يستر

[moonlightshadow]

سلام عليكم

ممكن احد يعطينا اسماء المقبولين مبدئيا للامتحان لاني ما اقدر اروح الجامعه!

سلام عليكم

[طمووحه]

وأنا كمان أضم صوتي ل moonlightshadow


لأني من خارج جدة وصعبة أسافر وأروح الجامعة بس عشان أشوف اسمي موجود وللا لا والأسبوع اللي بعده أرجع جدة مرة ثانية عشان الاختبار !!!


ياليت أحد ينزل الأسماء هنا أو يقترح على عمادة الدراسات العليا انه ينزلوا الأسماء في موقع الجامعة