عقوبة شاملة للجميع

[haneen k]

بسم الله الرحمن الرحيم


السلام عليكم و رحمة الله و بركاته ...

اليوم ابغى اتكلم عن العقوبة الي ظلمت كل طالبات الانتساب , بسبب حملة من بعض الطالبات المراهقات :) , حملة free hug او الحضن المجاني , وبسببها انحرمنا من الدخول الى الجامعة الا في يومين الاحد و الاربعاء ...

اسمعوا ايش صارلي اليوم , روحت الجامعة ابغى اسجل في دورة على موقع شطر الطلاب , روحت و عملت اختبار الذكاء الي هوا IQ

الدرجة المطلوبة 110 بس درجتي كانت 105 , فرق 5 درجات < بس مالي نصيب خيرة .

كنت مرة مبسوطة لانو المركز دا هوا الوحيد الي يعمل دورات لطالبات الانتساب بس اهم شئ درجة الذكاء و الاختبار مافيه اعادة :) .

و سالت الموظفة وقالتلي فيه كذا قسم يعمل دورات بس للاسف , و لا قسم يعمل لطالبات بسبب القرار الي طبقوه على طالبات الانتساب .

انا انسانة طموحة و في غيري كثير طموحين , ناوين يكملوا الماجستير , و تكون لهم مكانة في المجتمع .

انا عارفة انو في معاهد كثيرة عندها دورات و الكل يقدر يستفيد منها , بس في دورات الجامعة عاجبتني و تفيد كل طالب او طالبة ناوي يكمل الماجستير او في التوظيف < و انا زي البحر احب الزيادة .

اولا - في دورات مجانية و غير انها مجانية مافكتروا لمن اجتمعتوا و حطيتوا العقوبة انو في ناس كثير على قد حالهم و ممكن يستفيدوا منها .

ثانيا - في شروط في الماجستير في بعض التخصصات شوفوا ايش مطلوب ( طبيعة التخصص ونوع الوظيفة ومدى ارتباطها بحقول إدارة الأعمال والدورات ) < في آلية توزيع درجات المفاضلة .

ثالثا - الامن ما شاء الله في كل مكان في الجامعة بذات وقت اختبارات الانتساب , ليش لمن اروح اراجع او ابى اسال عن شي ما اشوفهم بدي الكثرة .< وقت دوام طالبات الانتظام .

رابعا - المفروض العقوبة تشمل البنات الي منظمين الحملة مو تشمل الجميع و الكل ينظلم عشان شئ احنا مالنا فيه , لا احد يقولي الطالبات كثير في الجامعة , وماراح نقدر نمسكهم كلهم

فين الامن عنهم ليش مااشوف 4 ولا 5 عند البوابات زي وقت الاختبارات , ليش ما اشوف امن كثير في الممرات زي وقت اختبارات الانتساب < حتقولوا حتى لو حطينا امن راح يروحوا اماكن مافيها امن

تقدروا تجيبوا امن يكونوا سريات كانهم طالبات و تكثروا منهم في كل مكان بذات في الاماكن الي تكون فاضية < لانو الاماكن الفاضية دي تكثر المصايب فيها

^انتوا ادارة امن و اكيد عارفين شغلكم ما يحتاج طالبة تعلمكم .

ياليت تراجعوا القرار الي طبقتوه , لانو الدورات دي من حق كل طلاب و طالبات الجامعة .

[| صمت المقآبر |]

فعلا كلامك سليم
وربي شيء يقهر ، صراحه ما اهتميت بالقرار الييين جيت اضيف الجنائي
انضغطت بشكل فضيع فوق انو ماعندي سواق بكيفي واخويا مايفضى الا ايام
غير المسموح فيها ، بجد انقهرت وجلست ادعي عليهم وعلى اللي طلع هذا القرار

[lo0ola.h]

كلامك سليم مية مية
بجد احس انهم يعاملون الانتساب والتعليم عن بعد كانهم فئة منبوذة يجب الحذر منها..
يعني اكثرنا متزوجات ومسؤولات واغلبنا وانا منهم مانطب الجامعة الا وقت الاختبار
بس القرار فعلا يظلم كثيييير من البنات الجادات

[beba99]

صح كلامكم ..عزيزتي وين عملتي الاختبار في اي مبنى وكيف سجلتي فيه؟

[بحوور!]

اتفق معك في كلامك
تكلمت عن سلبيات جامعة وأتمنى تصير أفضل .. لكن نحتاج طالبات أذكياء

من الانتساب والتعليم عن بعد عشان يرحوا يتكلمو في مبنى شؤون طالبات عن هذا القرار ، با أسلوب حضاري بعيد عن تعقيد المشكلة

الطالبات اللي سبب مشكلة ينفصلوا عن الجامعة وهذي العقوبة هم يستحقونها


كل الانشطة والوقف العلمي اللي مسويته الجامعة أول وقف علمي الترم هذا حضروا طالبتين فقط والباقي انتظام و268 طالبة ما حضروا رغم التسجيل لكن أرسلوا رسالة تأجيل لطالبات بسبب قرارهم


وكمان بعض الاستاذات ساعاتهم المكتبية ما تتوافق مع الايام المخصصة غير أن الساعة 12 الظهر أو تقريبا 11 الاستاذات يكونوا ما هم في مكاتبهم !!

مدري وين الأمانة في تأدية الوظيفة البعض يترك مكتبه وتلقيها تزور المكاتب ثانية عند صديقاته ولا يخطر في بالهم أن ممكن تجي طالبة

تنتظر و لا يتركوا ورقة فيها تنبيه إذا هي غايبه مفروض أي أحد يلصق من الاداريات ورقة أنها غايبه

الجامعة تحتاج نظام تحتاج إدارة جديدة ، مثل طقم الامن اللي اسود و رمادي ينطردوا عن جامعة ملاحظة أن مجموعه منهم تصرفاتهم لا ترضي أحد

الأمن في الاختبارات تقول متى أختبارك يا طالبة ؟ في أي مبنى ؟ الساعة كم ؟؟ الان الجامعة فيها البنات ما تجي تسأل اللي البنت اللي تذاكر

حسبي الله ونعم الوكيل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

الأنتظام يدرسوا مواد ويختبروهم انجليزي الأسئلة والاجوبة مهو حرام فين لغة العربية لغة القران

طلاب السنة التحضيرية في أختبار الفيزياء بعضهم ما أختبر بعد ما شاف الاسئلة ، والمراقبين في القاعة ما عندهم أمانة إذا نادهم طالب سوا نفسهم ما يسمعوا ، وكمان بعضهم ما يعرف لتقنية جاهز الاختبار

يبغوا يحولو طلاب وطالبات الانتظام للي الانتساب لأن معدلتهم رح تنخفض إذا ما يعرفوا يقروا الأسئلة وبعد تعقيد الاسئلة - و عشان ما يعطوا أحد مكافاة


اليابان أذكى الشعوب ويدرسوا بلغتهم ونحن لا نعتز بلغة العربية