ابغا اقدم اعتذار واحتاج مساعده

[khaled mazen]

السلام عليكم

ابغا اعرف وين ممكن اقدم اعتذار .. نفس مكان الحذف والاضافه ولا القبول والتسجيل اللي عند مبنى السنه التحضيرية ولا فين بالضبط

وهل فيه شروط او متطلبات لتقديم الاعتذار

وعندي سؤال .. اقدر احول من مستجد علمي الى مستجد اداري لأن عندي مشكله مع اللغه الانجليزيه

[الهيملي]

وعليكم السلام

إذا كان اعتذار عن غياب قدمه للدكاتره أما إذا كان عن الترم أتوقع من الانترنت (الأودس) ,حسب ماهو مكتوب في موقع العمادة , او اتصل على 8001169528 ممكن يفيدونك.

ممكن تقدر تحول بس روح للكلية نفسها وحاول تستفسر , أو روح لمساعد الصالع اللي فغرفة 103 في مبنى تطوير الأعمال .

بالتوفيق.

[girl.k.s.a]

أهلا أخوي

نصيحتي لك لا تحول عشان اللغة ، حاول إنك تتأقلم وتجتهد شويا وتترجم
ترا الدراسة بالانقلش أسهل من العربي بس اللي ما عنده لغة يحسها بوزن الجبل ..
أنا كنت زيك رآح أحول عشان اللغة بس الآن حمدت ربي لأنو على السنوات الجاية كل شي حيكون إنقلش
حآول تدخل دورات وتقوي نفسك وكتيييييييييييييييييير مرا اللي دخلوا وهما مو عارفين ولا كلمة وأتخرجوا بمعدلات طيبة ،،
وعندك أكبر مثال المبتعثين في منهم اللي طلع وهوا مو عارف يفرق بين الحروف وأهو صاروا ما شاء الله تبارك الله في أماكن عالية ..
كلنا لما نبدأ بشي جديد نخاف وما نتقبلو بس بعدين نتعود =)

ربي يوفقك أخوي ويكتب لك اللي فيه الخير
والأفضل إنك تستخير