نصيحة

[خالد khaled]

ياخوان نصيحة
باقي لي 15 مادة من الخطة ومادتين حرة
ماهو رأيكم في الطريقتين
الطريقة الأول
أخذ 3 مواد من الخطة في الصيفي


وأخذ 4مواد من الخطة ومادتين حرة في الفصل الأول


وأخذ 4مواد من الخطة ومادتين حرة في الفصل الثاني


وأخذ 4مواد في الفصل الأول ومادتين حرة


الطريقة الثانية
أخذ 3مواد من الخطة في الصيفي


أخذ 4مواد ومادة حرة في الفصل الأول


أخذ 4مواد ومادة حرة في الفصل الثاني


أخذ 4مواد من الخطة في الصيفي او الفصل الأول


أيهما طريقة في وجهة نظركم
افضل لرفع معدل
او اللي عندة طريقة افضل من الطرق اللي كاتبها ينصحني فية

س
هل عند زيادة مواد حرة تأثيرها كبير على معدل أم غير ذلك

[ساري ياغرام]

اخوي انت ماذكرت معدلك وحتى لو ذكرته راح يحتاج حسابات
لكن بخصوص الطرق الي ذكرتها افضل الطريقه الثانيه واعتقد معك فرصه كبيره لرفع المعدل 15 ماده مو شوي
ولكن اذا كنت حريص على المعدل دائما حاول تبدا من بدري وبعدها تابع احبار الدوره التاهيليه والان فرصتك افضل لان الدوره مو ضروري تسافر عشان تحضرها وكذلك مثل ما قلت لك فيه مواد معروف وش المطلوب فيها حاول انك تخلصها من بدري واعط المواد حقها من الوقت واليوتيوب يساعد كثير في شرح المواد والقصص وغيرها هذي طريقتي واموري ولله الحمد ماشيه تمام لكن اذا تاخذ 5 مواد وتبدا قبل الاختبارات باسبوع او اسبوعين راح تواجه صعوبه واطمنك ان الحصول على درجه عاليه ليست صعبه ولكن تحتاج جهد منك
اتمنى اني افدتك وبالتوفيق

[خالد khaled]

مشكور أخوي على رأي
لكن بصراحة ماعرف عن شعر والنقد الادبي والادب الحديث
دخلت على اليوتيوب تطلع لي اكثر من مقطع ماعرف أش المقطع اللي معانا
حاولت ابحث في المنتدى لكن ماحصلت مقاطع بتابعه

[ساري ياغرام]

كلامك صحيح المواد الادبيه تحتاج تعرف وش المطلوب حتى تبدا ولكن مجرد ماتنزل اسماء الدكاتره تقدر تبدأ يعني مثلاا النقد الادبي لو نزل عند الدكتور هرموش معروف وش التحديد حقه يعني شف من الدكتور وتعرف المطلوب لكن مواد مثل اللغويات والنحو والصرف الصوتيات حلقة بحث وغيرها تقدر تبدا تذاكرها اي وقت لان مواضيعها ثابته مهما تغير الدكتور