هل تنصحوني بالتخصص قانون

[ahmedoon]

السلام عليكم ورحمة الله وبركاته ,

اخواني انا طالب انتساب سنة تحضيرية , وارغب بالتحويل للتعليم عن بعد , لرغبتي في تخصص القانون .

ارجو ان تنصحوني . وارجو الاجابة عن بعض الاستفسارات :

1- هل الدراسة في التعليم عن بعد مجهدة بعض الشي .( طريقة متابعة المحاضرات وآليتها ) أقصد هل تسبب ضغط وقلقي يومي .

2- ماهي المواد التي تحتاج الى شغل وتركيز ومراجعة واعني مواد متطلبات كلية ادارة الاعمال .( الاقتصاد الجزئي -الادارة المالية - المحاسبة الادارية ... الخ)

3- وأخيرا نصيحتكم في فضل طريقة لدراسة تخصص القانون والدراسة في التعليم عن بعد بشكل عام .


مع كامل شكري وتقديري .

[ahmedoon]

ما في ولا رد ... ولا حتى كلمة حلوة ؟
الله المستعان ...

[بن ولد]

تحتاج انتباه بالذات في الواجبات

اما صعوبة المواد تختلف درجتها من طالب لآخر والمواد التي ذكرتها تحتاج الى تركيز في شيء من الصعوبة

[مبروك مطر]

والله محد يقدر ينصحك او يحدد مصيرك انت اذا حاب التخصص اعزم وتوكل على الله لانه تخصص يعتمد على الحفظ بنسبة 70%

[Lulwa'z]

،

السلام عليكم ()

بخصوص نظام الدراسة عن بعد فماعندي فيه أي خلفية
و ان شاء الله الاخوان ف القسم بيفيدونك .

و بخصوص التخصص و مواده .
اغلب المواد تعتمد ع الفهم قبل الحفظ . إلا ان بعض الدكاترة الله
يهديهم يركزون ع الحفظ كثير . بس هذا ما يصعب التخصص ابداً .
غالبية المواد سهلة اذا ركزت فيها و شديت عليك . و صعوبتها تختلف
من طالب لآخر ، و حسب الدكتور الملقن للمعلومة .

و عن افضل طريقة لدراسة أي تخصص ..
مانقدر نقول افضل طريقة ، لأنها تختلف حسب المهارات الفردية للشخص
لكن مانقدر نستغني عن التعليم الذاتي أولاً و أخيراً بعد المحاضرة .
درب نفسك ، علم نفسك ، ثقف نفسك ف تخصصك .
أقرأ ، أفهم ، ركز .. و ان شاء تنال مبتغاك .

بالتوفيق ()

[yasmin200]

المشاركة الأصلية كتبت بواسطة ahmedoon السلام عليكم ورحمة الله وبركاته , اخواني انا طالب انتساب سنة تحضيرية , وارغب بالتحويل للتعليم عن بعد , لرغبتي في تخصص القانون . ارجو ان تنصحوني . وارجو الاجابة عن بعض الاستفسارات : 1- هل الدراسة في التعليم عن بعد مجهدة بعض الشي .( طريقة متابعة المحاضرات وآليتها ) أقصد هل تسبب ضغط وقلقي يومي . 2- ماهي المواد التي تحتاج الى شغل وتركيز ومراجعة واعني مواد متطلبات كلية ادارة الاعمال .( الاقتصاد الجزئي -الادارة المالية - المحاسبة الادارية ... الخ) 3- وأخيرا نصيحتكم في فضل طريقة لدراسة تخصص القانون والدراسة في التعليم عن بعد بشكل عام . مع كامل شكري وتقديري .

بجاوبك حسب خبرتي البسيطة لحد الان
التعليم عن بعد اسهل وافضل بكثير برايي من الانتساب والانتظام لاضغط ولاشي
المحاضرات لك 48 تقدر تحضر عشان مايحسب لك غياب ولو حسب ممكن تحضرها ويرفع الغياب
الوجبات والنشاط حسب الدكتور اقلها 24 ساعة متى مافضيت تدخل وتحل ونفس الشي الاختبارات الشهرية
يعني راحة وحسب ظروفك لكنه يعتمد على مجهودك الشخصي في المتابعة عشان ماتتراكم عليك الدروس ..
بشكل عام حاول تحضر المحاضرات في وقتها عشان تتحاور مع الدكاترة اذا في نقطة مافهمتها
قبل المحاضرة الجديده راجع السابقة ع السريع
سهل جدا تضمن 30 درجة اعمال السنة فلا تتهاةن فيها

بالنسبة للقانون اذا لك هدف فيه وحاب التخصص وشايف انك قادر تؤدي الامانة الي فيه توكل على الله
انتم كارجال المجتمع يتقبلكم في التخصص اكثر منا ومع كذا تحدي هالتخصص عند البنات في قمة تاججه

والله يوفقنا جميعا

[rana.f15]

لا اخوي
التعليم عن بعد .. يحتاج اهتمام فقط
يعني مو ضغغغط بدرجه كبيره
ولا رااااااحه على الاخير
يحتاج متابعه واهتمام
والباقي سهاله بإذن الله ..

بالنسبه لحضور المحاضرات
لو صارلك ظرف في وقت المحاضره
عندك مجال اسبوع قدام من تاريخ المحاضره
لحضورها .. هذا بالنسبه للحضور والغياب
يعني سهاااله

الواجبات والمنتديات والاختبارات الشهريه عليها 30 بالميه
اختبارين شهريه كل اختبار .. 6 درجات تقعد 24 ساعه مفتتوحه لك
واجبات 3 ل 4 كل واجب 3 درجات وفيه واحد منهم جماااعي ..
المنتديات كل منتدى درجتين والمنتديات اغلبها يكون جوابها من النت
يخلونها اسبوع تقريبا مفتوحه وعللى حسب الدكاتره بعضهم يعطون وقت اكثر بعضهم يخلونها لنهايه الترم مفتوحه
يعني مافي صعوبه ومتعاونين
وال 70 الباقيه على النهائي ..
واخر الترم برضوه يرجعون يفتحون كلللل شي .. للي كان عندهم ظروف وماشاركو في الواجبات وغيره
ف باذن الله مو صعب تجيب درجات عاليه اهم شي تضمن ال 30 وماتتهاون فيها

بالنسبه لمواد الكليه العامه
فيه مواد حسابيه وفيه نظريه طبعا ..
صراحه مهي صعبه المواد
لا فيها السهل وفيها اللي يحتاح تركيززز ومذاكره فقط ..
المواد النظريه مثل قانون الاعمال , مقدمه النظم , مقدمه موارد بشريه , التسويق , مقدمه اداره الاعمال وغيرهم من مواد سهله مع المذاكره
اما الفهم عندك
ماده اداره ماليه .. اغلب فصولها نظري وفصلين ل 3 فهم .. مسائل بسيييييطه فهم
محاسبه ماليه .. تحتاج تركيززز واجتهااااد واول ب اول
اقتصاد جزئي .. نفس الشي حسابيه تحتاج فهم ومذاكره اول ب اول اذا اخذتها يفتح لك اقتصاد كلي حسابي برضوه
محاسبه اداريه .. لازم تاخذ الماليه عشان تفتح لك .. فيها نظري وعملي بسيط واسهل من الماليه
اداره عمليات .. زي الاداره الماليه فيها نظري وقليل من العملي
هذي تقريبا المواد اللي يحتاج لها تركيززز وفهم وحساب

اهم شي ترتب جدولك كويس
تجمع بين المواد النظريه والفهم
وماتضغط على نفسك في توزيع المواد السهله واللي تحتاج تركيز
ابحث عند اضافه المواد وترتبب جدولك
وتلقى كل شي

الباقي سهالات باذن الله

بالنسبه لتخصص قانون .. تخصص رائع مايحتاج نمدحه لك
لكن هالشي راااجع لك .. تحبه ؟ راح تبدع فيه وتكمل فيه تماااام
والتعليم عن بعد بشكل عام لاتشيل همه
بالتوفيق ..

[ahmedoon]

الله يسعدكم ويجزاكم كل خير .. الحمدلله أنا تخصصت شريعة ودراسات اسلامية وأعتقد أنها تقبل لدى وزارة العدل إذا ما رغبت في المحاماة ...