استفسار عن حذف مادة الانجليزي ؟

[king nasser]

السلام عليكم

انا الصراحه افكر احذف ا مادة الانجليزي لانه الدكتور كم مره حط لي غياب عشان ما جبت الملف اللي هو محدده وشرحه ماش مع اني كويس في الانجليزي الحمدلله :)

وسوا لي الصراحه مشكله كبيره في الماده وصرت كل محاضره ادخلها بدون نفس

المهم ابغى اسألكم هل يمديني احذفها ذحين واخذ ترم زياده وادرسها لوحدها او مع التخصص ولا لازم صيفي ؟

يعطيكم العافيه

[الهيملي]

وعليكم السلام

نعم يميدك تحذفها وتنزلها في أي وقت ومو شرط في الصيفي أو ترم معين تقدر تنزلها مع أي مواد لكن المشكلة إذا كنت مستوى أول فمازال قدامك مستوى 2 و3فالانقلش , فلازم تحاول تخلص على الأقل مستوى قبل ماتتخصص لأن التخصص يشترط اكمال 60 ساعة من المواد المشتركة فأنا انصحك أنك تكمل مدام مشيت فالترم والانقلش دايما غثيث مهما كنت دافور .

بالتوفيق.

[king nasser]

طيب لو حذفتها الترم هذا .... يبقى ترمين قبل التخصص ويصير اخلص مستوين لنفترض بس

طيب المستوى الثالث متى أخذه ؟

هل اذا خلصت مستويين يمديني اتخصص ولا لا ؟

معليش على الاستفسارات الكثيره

[الهيملي]

نعم تقدر تتخصص وتدرسها بعد التخصص في أي ترم

التخصص ماله علاقة بالمواد أهم شيء تكمل 60 ساعة يعني لوبقى عليك المستوى الثاني والثالث تقدر تخصص لكن الأفضل أنك تاخذها فأقرب فرصة لأنك لما تتخصص تكون المواد فيها شغل شوي أكثر من المواد العامة و فالنهاية أنت حتظر تدرسها حتى لو أخرتها .


بالتوفيق.

[king nasser]

يعطيك العافيه

بس في استفسار كمان :

محاضرة التقويه حقت المحاسبه فيها حرمان ولا لا ؟

انا سمعت انه بس عليها بونص واهم شي تجي واذا ما جيت ما تاخذ درجاتها بس ما فيها حرمان ؟

صح ذا اكلام انه ما فيها حرمان ؟

عشن نعرف بس :)

عشان الواحد ينتبه كمان

[الهيملي]

شوف ما اعتقد أنو في حرمان بس مهمة جدا من كذا ناحية

أولا :عليها 20 درجة
ثانيا :غالبا لما تحضر وتحل الكوزات (حتى لوما عرفت تحل بس تكتب أي كلام) حتاخذ أقل شيء 12
ثالثا : لوحليت أي شيء بسيط في الكويزات حتاخذ 19أو 20 ماحتنقص
رابعا: الدكاترة لو مثلا قربت لدرجة النجاح يشوفون إذا كنت تحضر التتوريال غالبا يدفونك .

بالتوفيق.

[king nasser]

مشكوور ويعطيك العافيه