هل تنصحون البنات بالابتعاث للخارج حالياً

[نوربانو]

السلام عليكم ورحمه الله وبركاتة
هل تنصحون البنات بالابثعاث للخارج لكسب اللغه؟ولماذا؟بالرغم حوادث والكوراث والقتل اللي نسمعها في الاخبار!

[بنت ناس وقلبي ألماس]

وعليكم السلام ورحمة الله وبركاته

على حسب طبيعة التخصص ومدى قوته

[غيم تايه]

المشاركة الأصلية كتبت بواسطة نوربانو السلام عليكم ورحمه الله وبركاتة هل تنصحون البنات بالابثعاث للخارج لكسب اللغه؟ولماذا؟بالرغم حوادث والكوراث والقتل اللي نسمعها في الاخبار!

وعليكم السلام ورحمة الله وبركاته..


يا اخت نوربانو .. المسألة تخضع لظروف الناس.. إذا نفسي لا ترضى بأمر معين لا ينبغي اني احرم غيري منه.. لو عندي شقيقة ورفضت انها تذهب للابتعاث لأي سبب كان..
هذا لا يعطيني الحق اني احرم غيري من ذلك .. حتى شقيقتي لا يعطيني الحق اني احرمها إذا هي مقتنعة ومستوفيه لشروط كثيرة..
المهم في المسألة الحوادث والكوارث وغيرها ممكن تحصل والبنت تقطع شارع بينها وبين المدرسة.. الانسان يمعن التفكير ويقرر.. شخصيا ما اؤيد ابتعاث البنات في اي حال من الأحوال..
حتى لو بتروح لدولة اسلامية مثل مصر.. لكن الرأي الشخصي لا يكون معمم على الآخرين.. والملاحظ محاولة الانقاص من قدر المبتعثين والمبتعثات وتتبع النواقص التي قد تبدر من البعض منهم
وهذا غير صحيح.. عدد المبتعثين كبير ما شاء الله الا يكون فيه نسبة وتناسب بين النجاح والاخفاق وليس الفشل.. الفشل درجة من درجات النجاح..

في الختام اعتذر على الاطالة، والله يكتب اجرك على العنوان كارثة لوحده يخلينا ما ننصحك بالابتعاث .. الله يسعدك ويوفقك ويكتب لك التوفيق والنجاح في الدارين..


تحياتي""

[anhar44]

وعليكم السلام ورحمة الله وبركاته..
بالعادة عند تناقل الأخبار وخصوصاً من قِبل كارهي الابتعاث يتم التركيز على الأحداث السيئة لكن نسبة المقتولات والمخطوفات ليست أبداً بهذه الكثرة التي يحاولون ايهام الناس بها.. وعادي نسمع بأذوننا البنات العائدات من دراسة للغة أو الماجستير محجبات وما ضرّهم وكونوا صداقات مع جنسيات مختلفة وفيما بينهم مودة وتعاون طبعاً صداقة ما توصل لقوة صداقة مع بنات من نفس جنسيتك لكن تعاملهم عادي يعني البنات يتفاجأون من الكلام الغلط والفكرة الغلط اللي كانت تنقل لهم عن الأجانب.. بس طبعاً مو تروحين فرنسا مثلاً.. موفقة يا رب..

[عماد الحسن]

وفقكم الله جميعاً ً.. وشكرا للمشاركين
نسبة الحوادث في الابتعاث قليلة ونادرة جدا، ًولكن الاعلام يجعلها أكبر من حجمها
برأيي أنه لو أتيحت لكم الفرصة وسمحت الظروف فيمكن لكم اكمال الدراسة في الخارج
وقد يكون الوضع يكون أفضل لو درستي البكالوريوس هنا ثم أكملتي الماجستير في الخارج

[نوربانو]

شكرا لكم جميعا وفقكم الله بما يحبه ويرضاة .......اقنعت بكلامك 100%.....ولكن سمعت ان الابتعاث على حساب الحكومة اكثر امن من الحساب الشخصي..؟الدولة مالها شغل في المبتعثين على حسابهم ومامعها قروب عشان يساعدونها عكس الحكومي

هذا فيديو (يرفض البنت ان تبتعث)؟[




ثم غير رأيه ان البنت تبعث ولكن بشروط؟



بليز رابطة شروط الابتعاث الخارجي بالرسوم+رابطة التسجيل؟

[fatoom sweety]

البعثة لها 10 سنوات مستمرة وهذه السنة 11 وماشاءالله يا كثرهم اللي راحوا واللي رجعوا وأعدادهم بمئات الالاف (بس مدري اذا وصلوا مليون ههههه ) ومافيهم إلا العافية هذا غير اللي راحوا على حسابهم اما اللي انقتلوا أو انخطفوا ينعدوا بالاصابع ومهما كان مايصير الا اللي ربي كاتبه يعني مثلا ذي البنت اللي انقتلت ربي كاتبلها انها تسافر و تتوفى هناك وكل شخص مايدري متى يومه وفين حيموت ومو بس بنات يمكن الشباب اللي انخطفوا و انقتلوا و انسجنوا اكثر بكثير ليش ما نخاف عليهم مو هم عيالنا برضو ! واهم شي تختاري الدول اللي مافيها مشاكل زي كندا دولة هادئة وغالبا مانسمع عنها شي و هلم جرة.. واهم حاجة التوكل على الله و نيتك تكون الاخلاص في العلم وربي يحفظنا من كل شر

[عبـدالعزيز]

عني

اذا مع محرم لا أمانع

[اجتماعيه طموحه]

اولا الموضوع يعتمد علئ ظروفك وتكوني مستوفيه الشروط ويكون تخصصك موجود في البعثه، الدراسه في الخارج ممتازه خاصه اللغه والتخصصات المتوفره في كذا مجال،، ف الموضوع يعتمد عليك ويعتبر فرصه لتحسين لغتك ومهاراتك اذا انقبلتي، او ممكن تكملي هنا كمان في حال ماسمحت لك الفرصه. بالتوفيق

[نوربانو]

سمعت ان الدراسة في الخارج 200,000 ريال من غير السكن والموصلات والاكل ,,,,,هل هذا صحيح ؟1
بليز ممكن الرابطة التسجيل في الماجستير على حساب الشخصي؟؟