التحويل الى جامعة الملك عبدالعزيز !

[Dr.bukh]

السلام عليكم ورحمة الله وبركاته ،،

ياجماعة انا طالب اسنان في السنة الثانية ، في جامعة طيبة المدينة المنورة ،

وانا حابب انو احول لجامعة الملك عبدالعزيز في جدة !

فأبغا اعرف هل حقدر احول ولالا ؟ ثاني شي اذا حولت هل حيأثر على عدد سنواتي الي بدرسها يعني حتزيد اكثر من 6 سنين ؟

علما انه المواد الي بدرسها هي : دنتال اناتومي ومورفولجي 4 وحدات ، دنتال بايو متريال 4 وحدات ، مقدمة في طب الاسنان وحدة واحدة ، اناتومي 6 وحدات ، فسيولجي 5 وحدات ، بايو كميستري 4 وحدات ، هيستولجي وحدتين ، ومقرر اختياري حر 1 وحدتين ، مقرر اختياري حر 2 عليها وحدتين برضو ، دراسات اسلامية وحدتين ، لغة عربية وحدتين ، قران وحدتين ،

وهذي المواد والوحدات المكتسبة الي باخدها طول هذي السنة ، انا ابغا احول السنة الجية لو قدرت ان شاءالله ، فياليت تفودوني باي معلومة تقدر تساعدني ، وشكرا لكم ❤️

[husam-pro9]

وعليكم السلام ورحمة الله وبركاته
ودي أجاوبك بس ماعندي علم
ممكن استفسار
انا حاليا طالب في السنة التحضيرية وناوي ان شاء الله ادخل طب لكن لغتي جيدة مو مرة ممتازة يبغالها شغل
وخايف من الناحية هذي ، انت ايش رأيك بحكم انت طالب طب ؟

[Dr.bukh]

اهلا اخوي ، والله شوف في عندنا طلاب في دفعتي لغتهم الانجليزية عادية ومهي قوية ابدا ، وماشاءالله ماشين كويس ودرجاتهم حلوة وبعضهم درجاتهم احسن من درجات الي لغتهم الانجليزية قوية ! انت دحين في سنة تحضيرية والسنة التحضيرية فايدتها انها تعلمك وتدربك عالكتب الانجليزية ، مافي شي رح يعيقك بالنسبة للغة ، اهم شي تذاكر اول باول ويوم بيوم على قولتهم وتترجم يوم بيوم وخلاص اصلا حتشوف الكلمات تتكرر معاك وصدقني حتوصل لمرحلة ماتحتاج تترجم كلمات !! ، ممكن في البرزينتيشنس حتكون اللغة صعبة لو ماتدربت ! بس لو عندك عرض برزنتيشن مطلوب خلاص قبلها بيومين تلاتة ابدا ادرب فبيتك جيب مراية قدامك وابدا اتكلم عن البرزنتيشن تبعك وعيد وزيد وصدقني راح تبدع ، الله يوفقك ويسهلك امورك ❤️

[husam-pro9]

المشاركة الأصلية كتبت بواسطة dr.bukh اهلا اخوي ، والله شوف في عندنا طلاب في دفعتي لغتهم الانجليزية عادية ومهي قوية ابدا ، وماشاءالله ماشين كويس ودرجاتهم حلوة وبعضهم درجاتهم احسن من درجات الي لغتهم الانجليزية قوية ! انت دحين في سنة تحضيرية والسنة التحضيرية فايدتها انها تعلمك وتدربك عالكتب الانجليزية ، مافي شي رح يعيقك بالنسبة للغة ، اهم شي تذاكر اول باول ويوم بيوم على قولتهم وتترجم يوم بيوم وخلاص اصلا حتشوف الكلمات تتكرر معاك وصدقني حتوصل لمرحلة ماتحتاج تترجم كلمات !! ، ممكن في البرزينتيشنس حتكون اللغة صعبة لو ماتدربت ! بس لو عندك عرض برزنتيشن مطلوب خلاص قبلها بيومين تلاتة ابدا ادرب فبيتك جيب مراية قدامك وابدا اتكلم عن البرزنتيشن تبعك وعيد وزيد وصدقني راح تبدع ، الله يوفقك ويسهلك امورك ❤

شكرا الله يعطيك العافية