من الأفضل كيمياء حيويه أم جينيوم؟

[Esolicious]

عليكم السلام

أنا تخصصي كيميا حيوية بس كنت قبلها تخصص احياء
تجربتي من قسم الاحياء ( وانا داخلة القسم وانا حابة القسم بشكل مايتصور )
ماحسيت بأي فايدة من القسم كل المواد حفظ بدون أي فهم والمناهج عربي
درست في الفيصلية ف دكاترة القسم ماعجبني اسلوبهم و اغلبهم والله يدخل ويقرء المنهج قراءة ويطلع
النتيجة بإني كرهت القسم و جبت أغلب المواد c+ مع العلم اني شاطرة
قررت اني احول القسم بعد سنة ونص
و اقسم بالله القسم يجنن بكل مافيه من مواد من دكاترة من معلومات
القسم يحتاجلو شوية تركيز ولازم تكوني تفهمي انجليزي لان كل المناهج انجليزية
اانا حتخرج دا الترم و اغلب موادي a+الحمدلله

بالنسبة للجينوم صحبتي اتخرجت منو بس في فرع الفيصلية
ماخرجت بأي فايدة وكرهت القسم وانها اتخرجت منو
لانو حتى تدريب الهيئة مهم ضامين القسم فيه وتقريبا كل شي تقدم عليه يقولولها القسم مو معتمد مع العلم انو معتمد اصلاً


دي تجربتي وانتي ماعليكي من احد , ولا من تجربة اي احد
لازم تخوضي التجارب بنفسك وماتسمعي لاحد لان كل الي قالولي قسمك صعب وماله فايدة خرجت بعكس كلامهم كلو والحمدلله
والله يوفقك يارب و ادعيلي بقبول الماستر :*