◄░ 71 [مآده حرة] + كامل تفاصيلهـا ░► إستفسـارآتكم للحـره هنــآ

[Mr.BaMbOcHi]

السلام عليكم

اخواني ابغاكم تساعدوني باختيار المواد الحره , احتاج اني انزل مادتين حره هذا الترم و لكن للحين محتار

ايش رايكم بمادة السيره النبويه و مادة الادب الجاهلي ؟

و ايش افضل المواد لرفع المعدل غير الاقناع و مهارات التفكير و الفلك ؟؟

اتمنى انكم تساعدوني و تفيدوني

و شاكر لكم مقدماً

[picasso]

وعليك السلام ورحمه الله


- المدخل الى وسائل الاعلام com 201 احمد الغامدي .. غيره هذا الدكتور كنسلها :)
- مؤسسات المعلومات is 211 الدكتور مروان مدهر

20 دوري اول
20 دوري ثاني
20 تكليف
40 نهائي

..

الاسئلة صح وخطأ بكلا المادتين ، والتكاليف بسيطه جدا ، راحه بالدوام :) ، a+ ان شاء الله ..
العيب في اسئلة وسائل الاعلام ان الفقرة الوحدة صح ام خطا عليها درجتين لو راحت خسارة :)
يعني اختبار 10 فقرات صح ام خطا عليها 20 درجة .. والمواد الي ذكرتها ابعد عنها في احلى منهم بكثير

[malak.j]

السيرة النبوية مادة ممتعة بس لاتأخذها في اسهل
لانها كثيرة وكتابيين كتاب سيرة نبوية وكتاب للخلفاء الراشدين

[وفقني ي رب]

اهلاوسهلا
عندك مادتين هي الراي العام جدا سهله وممتعه
ومادة مصادر معلومات للان م درستها
بالتوفيق

[نــورهـ]

و عليكم السلام و رحمة الله ..

اطلع ع هذا الموضوع~ http://www.skaau.com/vb/showthread.php?t=413239

بالتوفيق ,,

[الخلوق]

(من تجربة:أنا درست المادة السنة الماضية ترم ثاني) السيرة النبوية مع د.محمد باعامر ما أنصح فيها وبقوة .. المادة كلامها كثير وكلها تواريخ وأسماء صحابة ، المادة جزأين سيرة نبوية وخلفاء راشدين ،جزئية الخلفاء الراشدين ما لها كتاب الدكتور يتكلم ارتجالي وأنت تكتب معاه تلحق على أشياء وتفوتك أشياء ما تقدر تكتبها .. وفيها تكاليف يكلفك بها الدكتور.
-الدكتور طيب لكن مزحه ثقيل ، تشارك معاه في المحاضرة يقعد يتريق عليك ويضحك عليك الطلاب بعدين يقول لك:أنا أمزح (وهذا الشي يحصل تقريبا كل محاضرة) .

المادة ممتعة تتكلم عن سيرة الرسول لكنها ليست مادة رفع معدل ، بالمعنى إنها مادة حرة لكنها أكثر مادة أتعبتني (بسبب الدكتور) وأخذت فيها أسوأ درجة 85 لدرجة أن مواد التخصص الصعبة أخذت فيها درجات عالية

-فيه مادة حرة في كلية الاقتصاد اسمها (الاقتصاد) أو حول هذا الاسم ، من 3 ساعات ، تتكلم عن السوق والعرض ... ، أحد أصحابي يدرسها الآن ويقول مرة سهلة .

[hananAl]

السلام عليكم ....
الله يسعدكم بكره رح يفك الاضافه والحذف اش اكثر مواد حره تنصحوني بيها مررررره ابا ارفع معدلي لانو ابا احول ف ابغا مواد سهله

[بنت ناس وقلبي ألماس]

وعليكم السلام ورحمة الله وبركاته

عندك الاقناع مع د.أنمار

ومدخل إلى علم النفس مع د.خلود

والعلاقات الأسرية مع د.الهام أو آمال

وبالتوفيق