جاوبوني الله يسعدكم

[بيان الرشيدي]

بسم الله الرحمن الرحيم
السلام عليكم ورحمة الله وبركاته

انا تخرجت ذي السنه الترم الاول ..
والله لا يوريكم اش صار فيه من عذاب نفسي وحيرة في معرفة الافضل لي بعد التخرج
انا طالبه انتظام علم نفس معدلي 4.21
نسبتي في القدرات 71
قلتلكم ذي المعلومات عشان تفيدوني من خبرتكم جزاكم الله كل خير
انا محتاره في هذي الاشياء :
1- اخذ دبلوم تربوي مع اني ماعرف يقبلوني او لا واقدم على جداره
2- اتدرب واخذ تصنيف الهيئة
3- او اقدم على ماجستير علم النفس مع العلم اني حسبت نسبتي الموزونة تقريبا بتكون 78 ومدري لو يقبلوني او لا
😭😭


هذي مشكلتي باختصار
والله يسعدكم اذا عندكم معلومة او شي يساعدني لا تبخلون علي
وجزاكم الله كل خير ❤

[wejdan_28]

ما شاء الله ربي يوفقك ويسهل أمرك يارب .

[نــورهـ]

و عليكم السلام و رحمة الله و بركاته

هذا الشيء طبيعي بعد التخرج بس لا تقلقي فترة و تعدي و تعرفي بالضبط ايش تبغي و تقدري تقرري كيف تكملي مسارك بعد التخرج.

بخصوص الخطوات الثلاثة اكتبي ايجابيات و تأثير كل خطوة عليك و حسب أهمية الايجابيات عندك انطلقي في الموضوع.

مثلا الدبلوم التربوي بعد دراسته بإمكانك تقدمي على الوظائف التعليمية و تصيري معلمة كم نسبة أهمية هذا الامر عندك؟

التصنيف ايش أهميته و نسبته في تصورك و بالنسبة لرغباتك الوظيفية أو العلمية؟ و نفس الشيء الماجستير.

فكري في السيرة الذاتية حقك ايش ناقصها و ايش ودك يكون فيها بعد خمس سنوات!، صمميها الآن و ابدأي بالخطوات و حضري نفسك للخطوة القادمة.

بخصوص درجة القدرات ادخلي مرة ثانية و ارفعي الدرجة عشان ما تكون عقبة في قبولك في الماستر أو أي برنامج و تأخرك عن أهدافك.

و نصيحة أخيرة من تجربة لا تتأخري في أي خطوة أو فرصة تتاح لك في انك تخوضيها لان الايام و السنوات تمر بأسرع مما نتصور .

توكلي على الله و تفائلي و خططي و دائمًا ادعي الله ان يرشدك للطريق الصحيح المناسب لك و اللي يكون فيه خير الدنيا و الآخرة

الله يوفقك يا رب و يسهل أمورك :).