فضل دكاترة كلية الاقتصاد والادارة

[Hofa.omg]

اهلا اهلا ب بنات كليتي الحريقة

طيب اسمعو الدراسة تعتمد في ذي الكلية مررررررا عالدكتورة
ف لو انتي مستجد اعمال ولسا اول سنة لكي
اول ترم الجدول ح ينزل جاهز بس مررررا لازم تنتبهي ع الاودس لانو اظن اول اسبوع حتقدري تختاري الدكاترة حقونك

مررررررررا مهم تكوني سريعة لانو الدكاترة الكويسين يخلصو بسرعة

نخش فالموضوع

مادة المحاسبة 1:
اشردووو من دكتورة رشيدة نصيحة متعبة مرا مرا مرا...
افضل دكتورة ايمان القيم دي تفوووووووز وعادي تسمحلكم تسجلو محاضراتها
المهم مرا لازم تسجلو المحاضرة وتكتبو ملاحظاتكم لانو
السلايدات ماتكفي لحالها...... ولو ماقدرتو تضيفوها ف حاولي ع الاقل تاخذي فويساتها
واذا اتنكبتي ومالقيتي احد روحي عند لاريسا لو كنتي تفهمي انجلش لانو شطورة الحرمة بس ايمان التوب
وحرفيا وقت الاختبارات لمن تجي بتذاكري حتقولي وي متى اخذنا ذا ف ح تحتاجي الفويسات
وكمان
اتدربو
فالتست بانك بس مشكلتو انو مايوريك طريقة الحل
بس ح يعطوكي كود عشان تدخلي موقع وايلي
دا الموقع فنااان حتلاقي تدريبات وكمان يوريك طريقة الحل
وفي اهم واحد دا دكتور المالكي قريب الاختبارات ينزل نماذج فنانة للاختبار واحيانا يجي نسخ لصق من ناحية الاسلوب
ذا سنابو aagalmalki
و مشكلة محاسبة 1 انو حقيقي ح تحتاجي وقتك لحد ماتستوعبيها فحاولي تختصري وقتك بالفويسات والتدريب اول ب اول
ونماذج الاختبارات مهممممممة


اما محاسبة 2
برضو اشردو من رشيدة...وفي دكتورة لقبها الغامدي بس ناسية اسمها اشردو منها

ف برضو ايمان القيم مررررا تفوز وتعطي بونسات وحركات
وعطوف كووويسة مرا حتى افضل واسرع من ايمان بس مشكلتها ماتدف ولاتعطي بونسات الا بعد شحاتة
ولو ماقدرتي ف روحي عند دكتورة منال حمودة

دي الدكتورة للامانة ماتفهم بس تغششك ومراجعاتها زي العسل وتدف فالدرجات مرا مرا مريحة
وطريقة المذاكرة نفس اللي فوق بس ع دفعتي ماادونا موقع وايلي

[Hofa.omg]

بعدين نجي لاقتصاد 1:
دي اشرررررردي من نادية مررررا لاتقربي حتى
افضل دكتووورة رقية بلا نقاش وربي مرا مرا فنانة
وبرضو كنا نسجل المحاضرات ونسمعلها
واذا اتنكبتي في عندنا قناة تليقرام مشروحة فيها غالب المادة ويارب سلايداتنا تكون زيكم
دا رابط القناة
https://t.me/hofaomg

اقتصاد 2:
مم دا اسهل بكثير من اقتصاد واحد
افضضضل دكتورة اسمها هبة منننننجد فنااانة بس مشكلتها فالبونسات
وفي عندك دكتورة هالة القبلي دي برضو كويسة وكنا احنا اول دفعة تدرسنا وللامانة تفهم واذا ماغبتي كثير تديك ع نهاية الترم بونس وكمان واجباتها ليها بونسات
ودا قروب تليقرام شرحنا فيه اشياء من المادة

https://t.me/hofaomg2

اوه وفي عند العيال الدكتور الديب لو قدرتي تاخذي فويساتو ف انتي فالسيف سايد

[Hofa.omg]

بعدين احصاء الاعمال:

ااااخخخ يمين دي المادة كريييهة
ومرا مررررا تعتمد عالدكنورة وكمان لازم يكون عندك لابتوب تحملي فيه برنامج الميقاستات عشان تتدربي

افضل دكتورة بلا منازع دولة
لو ما انضاف اسمك عندها حاولي تحضريلها تسمعي فويساتها اي شي
لان، حقيقي افضل وحددددة

[Hofa.omg]

اول سنة خذو العربي لانو بثلاث ساعات وحيرفع المعدل
بس لاااازم بالذات عربي واحد تذاكروه اول شي تفتحو اليوتيوب في واحد فنااااااااان
https://youtu.be/XwfWHPi2NYk
مرررا يفهم
بعد كذا تصمي كل الامثلة اللي فالكتاب كثير يجي زيها
مم
اما عربي 2 كان مقلب
لانو فالمذاكرة صح انو ثقيل بس سهل
بس الاختبار اللي السوال مرررا تافه وفالنص محطوط لا
ف يبغالو تركيزز
وافضل دكتورة ل عربي 2 هوااازن
التكليف حقها مريح وهيا مريحة ومرا تستفيدي

[Hofa.omg]

ا
الانجيليزي ااااالله يعينكم ذا منجد ذاكروه بذمة وضمير وزبطو علاقتكم مع الدكاترة لاتغيبي لاتمسكي جوالك لاتقرقري
لانو فيلو برزنتيشن ف ماتبي مشاكل ودرجات طايرة
وعادي اتحملو لانو كلاس اطول من حياتك

[Hofa.omg]

اوه صح ومادة الادارة
دي اطللللق دكتورة شذذذى
لحد يقول صبا ولا سلافة
لانو حقيقي تفهههههههم مرررررررررا
واعتمدنا ع فويساتها وقت الاختبارات فنانة دي الادمية

[smtx1]

بنات كيف دكتوره ابتسام السقاف احد يعرفها؟