مواد تخصص علم اجتماع من تجربتي😊

[saro*]

اهلا جميعا
حتكلم عن مواد تخصص علم اجتماع بما اني متخرجه حبيت افيد الطلاب الجدد في القسم وسامحوني لو قصرت او اخطات في شي بس في النهايه هذا اجتهاد شخصي مني ومن تجربتي 😊

بداية ححطلكم نقاط ملونه على حسب احتياج الماده للجهد اكثر 💪🏻💪🏻

>>النقطه 🔴يعني يبغالها جهد اكثر مارح اقول صعبه لانو مافي شي صعب ✋🏻
>>النقطه 🔵فيعني تحتاج جهد ولكن اقل من الحمراء 😅
>>النقطه ⚪فهذي طبعا اقدر اقول سهله بس مو معناتها تسيبيها وماتذاكري🙆

يلا نبدأ في المواد نتكلم عنها باختصار مع النقاط 💕💕

1) الفككر الفلسفي 🔴
تتكلم عن فلسفة 3عصور بصراحه ماده شويه دسمه وفيها كمية معلومات ومصطلحات غريبه علينا عشان كدا في البدايه حتلاقو صعوبه في استيعابها بس لو اجتهدتو فيها اكيييد حتسهل عليكم يعني لاااازم تعطوها وقت في المذاكره وماتستهينو فيها 💪🏻💪🏻

2. مدخل علم اجتماعsoc211⚪
نقدر نقول عليها مادة المقدمه يعني عبارة عن نبذه مختصره عن تخصصنا علم الاجتماع ممكن تلاقو فيها مصطلحات علم اجتماع عموما ماده سهله وجميله الافضل تاخذوها اول ترم تخصص🌸

3. مادة مناهج بحث soc212 🔴
حطيت نقطه حمرا مو لانها صعبه ع العكس الكتاب سلس والمعلومات فيه واضحه بس تحتاج وقت في المذاكره لانو فيها معلومات كثيره لاتستهينو فيها ✋🏻

4. علم اجتماع الطبي334🔵
ماده عن نفسي استمتعت مرره وانا باخذها فيها معلومات رائعه عن تنظيم المستشفيات والاطباء والعاملين في المستشفى و عن الطب البديل وووالخ ادوها وقت في المذاكره وحاولو تستمعو وانتوتذاكروها😅

5. علم الانسان العام soc251⚪
الانثروبولوجيا حطيتها بعد الطبي لانو حقيقي ماده ممتعه مرره بتتكلم عن الاجناس البشريه وكيف بدأت البشريه كيف كانت صفات الانسان البدائي وكيف تطور ماده جميله مررره 💕💕

6. علم اجتماع الحضريsoc321 🔴
ركزو معايا لما احط نقطه حمرا مو معانتو صعبه ✋🏻الماده دي فيها كمية معلومات بتتكلم عن الحياه الحضريه والريفيه وايش الفرق بينهم وايجابياتهم وسلبياتهم فيها مقارنات كثيره تحتاج تركييييز 👌🏼

7. نظم وبناء المجتمع السعودي soc324⚪
ماده جميله تقدري تجيبو فيها +Aبكل بساطه بتتكلم على المجتمع السعودي انا اخذتها مع استاذه نهى بكري روووعه 💕

8. نظريات اجتماعيه soc214🔴
هذي الماده كتابها صغير بس دسممه دسمه 🍔🍗 افتكر 3نظريات او اكثر البنائيه والوظيفيه والصراعيه وكل نظريه تعرض افكارها وعلماءها ،ملاحظه فيها اسماء علماء مهم تحفظيهم زي كارل ماركس ،ادم سميث، ماكس فيبر ..الخ لو تبغو تساعدو نفسك عشان ماتلخبطو حاولو تعملو ملخصات لكل نظريه عشان تفرقو بينهم بالذات العلماء👌🏼

9. الاحصاء الاجتماعي213🔵
كثير حيقولو ليه ماحطيت حمراا ؟! حقولكم ليه لانو دي الماده بالذات كثييير اختلفو فيها حتكلم عن تجربتي انا اول شي اخذتها مع الدكتور عثمان النوري وكنت مفوته اغلب المحاضرات 😁حضرت على نهاية السمستر قبل الاختبارات بحوالي 3اسابيع مسكت كتاب الاحصاء وجمبي ورقه فاضيه وقلم والاله الحاسبه وفتحت ع المحاضرات من بدايتها حبه حبه استوعبت كل الشرح وكنت بعد كل محاضره اجرب احل التمارين في الملزمه الي رسلنا ياها هوا قال ذاكرو من الملزمه بس طبعا محاتفهمو الملزمه لو ماسمعتوالشرح لاازم تفهمو الشرح اول وتطبقو حتلاقوها سهله مررره مو زي منتو متخيلين ☹ المهم جبت فيها +Aعشان اوريكم انها سهله مره بس اتعبو شويه😊
💡ملاحظه: الماده يبغالها تسلسل في الفهم يعني عشان تفهمو القانون دا لازم تكونو عارفين الي قبلو وهكذا 👌🏼
حنكمل باقي المواد قريبا ..

[UM MOHAMMAD]

الله يجزاك خير على الافادة ياليت تكملي باقي المواد

[وليد١٢٣]

كم عدد ساعات معدل علم الاجتماع

[سكرمملح]

سلام عليكم
شكرا علي الافاده
ورجاءا اختي احتاج مساعدتك دامك متخرجه وعندك خبرره اتمني تراسليني خاص اذا بتساعديني