هل من خبر عن علم المعلومات؟؟

[مزاج المدن]

السلام عليكم

الى الان لا خبر ولا غيره عن نتائج الماستر الخاص بعلم المعلومات ... ياليت اللي عنده اي معلومه خصوصا اللي مقيمين بجده يفيدنا واجره على الله ...... سنترال الجامعه لا يعمل من يوم الاختبار 24/5!!! ياليت يراعوا الناس اللي خارج جده

[نسمة امل]

اهلا اختي العزيزة انا سألت عن موعد اعلان النتائج ردوا 10 /6 /1430 هـ يعنى الاسبوع القادم بإذن الله ..

[مزاج المدن]

شكرا لك يا نسمة امل..... ربي يوفق كل اللي كانوا بالقاعه...... لكني لاحظت انو بنات الماجستير كانوا قليلات وبنات الدكتوراه كثير حسب ظني ..... بالمناسبة اش رايكم ندون اسئلة الاختبار هنا عشان اللي بيقدموا او ما ينقبلوا لا سمح الله يستفيدوا منها بعدين... لي كم يوم احاول اظيفها ولا انجح!!!

[نسمة امل]

بالنسبة عدد المتقدمات للماستر عددهم 37 طالبة وطالبات الدكتوراة كما وصلنى عددهم 3 طالبات اختبروا يوم الاثنين 23/5/ 1430هـ يعنى اختبروا قبل الماجستير ,والا شفتيهم بالقاعة كلهم ماجستير , لكن تم تقسيمهم لطالبات في التخصص , وطالبات من خارج التخصص, يعنى الاسئلة كانت نوعين اسئلة لطالبات التخصص , واسئلة لطالبات اللى من خارج التخصص

[مزاج المدن]

السلام عليكم

ماشاء الله .... انا فكرت ان القاعه دكتوراه وماجستير!! لكن اسال الله العظيم ان يوفقنا جميع ونلتقي مره ثانيه ونكون فريق دراسي واحد.... يارب يامن بيده ملكوت السموات والارض يسر امورنا جميعا وقنعنا بما قسمت لنا....

[سوسو66]

لكن خمس طالبات مرررررررره قليل .. ياليت يزودا عدد المقبولات ..


قولوا آمين ..



وبالتوفيق للجميع والله تعبت من الانتظار مررررررره قلق

[النورس الابيض]

وعليكم السلام ورحمة الله وبركاته

يارب ما يغيروا موعد ظهور النتائج لأن العام الماضي لما قدمنا نسينا من طول المدة بين الامتحان والنتيجة...
وأنا بعد مثلك اختي مزاج المدن من خارج جدة ووسيلتنا الوحيدة مهاتف القسم ومنتدانا هذا جزى الله الجميع كل خير..
لكن أحب اسأل اختي سوسو مين قالك انهم راح يقبلوا 5 طالبات ترى يعتبر العدد طيب بالنسبة للأعوام السابقة _ مع العلم انه قليل جداً جداً_نسأل الله أن يرفعوا العدد كمان وكمان لأني بجد احبطت قبل الامتحان بدقائق لما قالت احدى المتقدمات ان القسم راح يقبل 4 فقط...

[سوسو66]

اللي قال لي دكتوره عزه اللي لاحظت علينا سألتها وقالت لي خمسه تقريبا ..


يلا ربي يوفق الجميع إن شاء الله ..

[نسمة امل]

بجد قهر خمسة والباقين فين يروحون ,, متى سألتيها يااخت سوسو

[سوسو66]

سألتها قبل الاختبار لمن كنا ننتظر البنات يطلعوا من القاعه .. لكن لا إن شاء الله خير .. يعني أتوقع على حسب آداء الطالبات يختاروا .. حتى سألتها بنت وقالت لها يمكن خمسه بس ممكن يكونوا سته وسبعه يعني على حسب مستوى الطالبات ..


ولا تنقهري ولا شي .. ربك كريم ..