تجمع لأصحاب التعهدات وإللي ماأختبروا توفل !!

[سوسو66]

^^^^^^^^^^

ايوه الله يسعدك ويفتح عليك قولي لنا متى وفين هذا المركز بحثت عنه في قوقل ومالقيت شي ..


يلا وافينا بالأخبار .. وكلنا ان شاء الله نروح نختبر ..


وربي يفتح ع الجميع

[bnms]

لا تخافي يا سوسو والله اول ما اعرف الجدول راح اكتبلكم المشكله انا منى من جده بس صاحبيتي حتسألى وابشري اول ما اعرف

[Smart Accountant]

التعهد اللي كتبناه كان على اساس اننا نجيب التوفل خلال الفصل الدراسي الأول من دراستنا للماجستير..

يعني.؟

بدأت اتلخبط..!

[نسمة امل]

الله يوفقكم يارررب بس نحن اللي فهمناه انه خلال دراستك للفصل الاول لكن اتضح انه ماراح تنزل اي مادة حتى تحضري درجة التوفل ,, يعنى لازم نهتم خلال هالفترة او ان تقدمي تأجيل للفصل الاول الى ان تحضري التوفل حتى ماتضيعي فرصة القبول,,,موفقين جميعااااا

[Miss-Perfect]

بنااات ان كااان بديل التوفل الي في مركز التطوير في عزوز وزيووه انصحكم تشتروو الكتاااب الي فوق دا والله نفس طريقة الاسئلة
ونفس الوقت والتقسيم..لاني اختبرته بعزوز
يعني تدخلي الاختباار وانتي فاهمة ايش المطلوب ماتتنحي

واحلى مافيه انه صغير مو كبيييير يسد النفس يعني يمديكم بالراحة تخلصو ابوه اصلن اكثر من نص الكتااب تدريب على لاسئلة والباقي مرااجعة رؤؤس اقلام عن كل القاعداات الي يجبوهااا في اختبار التوفل
وانا انصحكم مداام انكم بتدرسوا هناا انكم تختبرو بديل التوف مو التوفل
بديل التوفل موهو زي التوفل العالمي مافيه كتاابه ومحاادثة
يعني الاختبار عباره عن 3 اقساام
اول قسم ليسننق استمااع مقسم ل3 اجزاء هوا الثاني
وثاني قسم عن القاعدات مقسم لجزئين الجزء الاول اختيااري والجزء الثاني جمل محطوط على بعض كلماتهااا خط تطلعي الاجاابة الخاطئه منهااا يعني يجبلك جمله شبه صحيحة التركيب ماعداا فيها شي خطأ هوا الي مايخليهاا صحيحه ميه في الميه وانتي تختاري

القسم الثالث قطع الاستيعاب الريدنغ
مقسم جزئين اول جزئية عبارة عن جمل وكل جملة فيها كلمة وتحتها خط يبغاكي تختاري معنى الكلمة من الاختيارات
والجزء الثاني قطع وتحتهاا اخاسئله واختيااراات
طبعن دا الجزء الاخير يبغاله سرعة وتكنيكااات عشاان يكفيك الوقت

وبالتوفيق ياارب

[بنت فهد]

أنا الحمدلله اختبرت التوفل في المجلس الثقافي السعودي وألف حمد وشكر عديت الدرجة المطلوبة :) وعقبال القبول

أنت بس ادخلي الموقع حق التوفل وسجلي بياناتك وبيطلعلك أماكن الاختبار الموجودة زي المجلس السعودي وجامعة cba ودار الفكر وفي غيرهم

[caramella]

ننقبل اول ويسير خير

[دانيا]

يعطيكم الف عافيه يا اخوات ..حابه استفسر عن الاقسام العلميه هل نفس النظام اللي بتتكلموا عنه يعني لابد من تأجيل الماستر ألين نجتاز البديل علما بأنه إحنا بنات الاقسام العلميه كان تعهدنا أنه نختبر بديل التوفل داخل الجامعه فقط ويكون خلال الفصل الدراسي الأول يعني أثناء دراسة الماستر هذا اللي فهمته من التعهد ..لكن ايش السالفه والله ماعاد أعرف بالضبط؟؟ ياليت تنورونا وياليت ياميس بيرفكت تقولين لنا فين نلاقي الكتاب؟؟(((وعلى فكره أنا عضوه جديده في المنتدى..رحبوااااااا فيني...الله يحييني..الله يبقيكم.)))

[Miss-Perfect]

المشاركة الأصلية كتبت بواسطة دانيا يعطيكم الف عافيه يا اخوات ..حابه استفسر عن الاقسام العلميه هل نفس النظام اللي بتتكلموا عنه يعني لابد من تأجيل الماستر ألين نجتاز البديل علما بأنه إحنا بنات الاقسام العلميه كان تعهدنا أنه نختبر بديل التوفل داخل الجامعه فقط ويكون خلال الفصل الدراسي الأول يعني أثناء دراسة الماستر هذا اللي فهمته من التعهد ..لكن ايش السالفه والله ماعاد أعرف بالضبط؟؟ ياليت تنورونا وياليت ياميس بيرفكت تقولين لنا فين نلاقي الكتاب؟؟(((وعلى فكره أنا عضوه جديده في المنتدى..رحبوااااااا فيني...الله يحييني..الله يبقيكم.)))

يالله انت حيااااه
نور المنتدى ^___________^
خلاس طفوا انوار الكهربااا :)

[دلوعه غير]

بنات عندي سؤال :)

دحين انا لو انقبلت ان شاء الله
وطلبوا مني اودي اصول الاوراق وانا لسا ماعندي التوفل
وقتها حسوي تاجيل لترم صح؟؟
اذا جبت التوفل قبل الترم الأول يمديني وقتها اغير حالتي وابدأ دراسه؟