طالبة تحضيرية

[misslolo]

السلام عليكم رحمة الله وبركاته


طبعا الحمد لله بعد ما أخذنا الإجازة وريحنا أجسامنا وأعصابنا حابه أخذ رأيكم في الإنجليزي زي ما شفتوا كيف تعبنا في السنة التحضيرية ودراسه الإنجيليزي وطبعا كل واحد فينا ما يهون عليه تعبه يروح في الفاضي وكلنا نبغى نحافظ على الأشياء الا درسناها فأيش رأيكم أدخل معهد ولا تعب والتزام زي منتوا عارفين خلالالالالاص ما عاد في حيل ويادوب ابغى أرتا ح للسنة الجاية إن شاء الله
أو ماني خسرانه شيء اذا دخلت الله يخليكم ردو عليا مرة محتارة وخايفه الإجازة تروح عليا وإذا عدكم طرق ثانية أتعلم وأدرس فيها وأنا في البيت أرشدوني لها

[RanNo0^_^]

طبعااا أدخلي معهد لو حابه
بس اختاري معهد كووويس يفيدك
اما حكاية انك ترتاحي في الاجازة فإنتي لا تاخديها دراسه خديهها تسليه
وإسمك شغلتي نفسك بشي مفيد بدل النوم في البيت
وطبعا تقدري تتعلمي في البيت انجليزي بكل سهوووله
انا ما اتعلمت انجليزي الا في البيت
حاولي تحفظي كلمات على قد ما تقدري وأسمعي محادثات إنجليزيه نزليها من الانترنت او افلام وحاولي تركزي ع الكلام فيها
ومنها بتتعلمي speaking
الانترنت ما خلى شي تقدري تتعلمي في بيتك وتستمتعي ع الاقل حددي لنفسك كل يوم 5 كلمات تحفظيها وراجعيها دايما الين تثبت في راسك
وبالتوفييييييييق

[مس لمبه]

واذا كمان تحبي تسمعي اغاني اجنبيه ..
.اسمعيها<<اكتبيها<<ترجميها
حتتسلي وتقوي عندك الانجلش وكمان زي ما قالت رنو

[wan]

^^^^^^^^^

نفس إللي كنت بأقولو ... أفلام و أغاني أجنبي بس كمان مو حلوهـ ترا قعدة البيت أنا كل سنه أقعد على أفلام و مسلسلات و أغاني و كدا صح إني مرررررره أستفدت بس يختي ملل

و دحين نفسي أدخل دورة محادثه بس ... ((( إللي تعرف فين يدوو دورات محادثه كويسه تقولي )))

أولن فترتها بسيطه يعني ماتزيد عن شهر أبدن .. و تحسن مره من لغتك لو كان مستواك متوسط أما لو كان أقل فيفضل تخشي دوره عاديه ... وعندك كمان دورات icdl .. دي مره مهمه الشهاده تنفعك في الـ cv .

اممممممممممـ ايش كمان ...

احضري دورات و محاضرات .. و فعاليات .. زي أمس في الفيس كان في قروب منظم رحلة بحريه للبنات مررره كان حلو ... خشي الفيس بوك و في قروب إسمو أحداث و فعاليات أشتركي فيه يرسلولك كل يومين لسته بالدورات و الفعاليات

في كمان دورة التصوير الفوتوغرافي للبنات .. لو كنتي تحبي التصوير ..


فيييي كل شي بس يبغالها شوية إراده و نبطل كسل .. لآزم نعمل ريفرش لأدمغتنا بعد السنه التحضيريه إللي فرطت حيلنا

و بالتوفيق للجميع

و بالتوفيق

[ع ـبدالعزيز]

http://www.english4arab.net/

هذا موقع خاص بتعليم اللغه الانجليزيه أدخلي عليه وراح تستفيدي إن شاء الله
كل شي موجود فيه تقريباً ,,!