الكترونيات أم حاسبات ؟؟ الافضل ؟؟

[fouade]

السلام عليكم
اليوم ولله الحمد نزلي تخصص هندسة الكترونيات واتصالات

انا طبيعتي تميل إلى الكهربائية بصفة عاامة

بس محتار بين الألكترونيات والحاسبات ؟؟

من ناحية المواد ؟ من ناحية الدكاترة ؟ من ناحية سوق العمل ؟؟ من ناحية توفر فرص العمل من الأسبق ؟

اش الأفضل ؟
والله محتار ...


انتظر ردودكم

[صقرر]

ما اقدر اقولك ايش الافضل لأني أفضل انك تختار حسب ميولك

[Baf]

دكاترة الكهربا بصفه عامة .. سيئيييين

[calibrator]

الإلكترونيات كانت رغبتك الأولى ؟

[* تركي *]

/

انت بـِ النهآية كَهربآء ، يَعني مآرآح تفرق مَعك كَثير مِن نآحية الدَكآترة ،’
لَكن أنآ أَشوف ان الالكترونيآت بِلآ أدني شَك أَفضل مِن الحآسبآت مِن نوآحي عدة ،’
أولاً سوق العَمل وَ الفرص الوَظيفية ، ‘
أمآ مِن نآحية المَوآد ، فـَ الالكترونيآت عَميقة شوي فِي الكهربآءْ وَ دسمة ،’





::

مُوفق

[AhmadASG]

مثا ماقالو الشباب شوف ميولك واذا لك في الكهرباء والحاسب ادخل هندسة حاسب لانك راح تدرسها مع بعض ... لو تلاحظ في الخطه تقريبا اول 4 سنوات ندرس نفس المواد

بخصوص الدكاتره اغلب المواد نفس الدكاتره ماعدا اخر سنه تقريبا بس الافضل ما ادري لازم يكون واحد اخذ عند الاثنين حتى يقول :(

الفرص الوظيفيه الالكتنرونيات والاتصالات اقوى ... لكن لما نقول اقوى مو معناه الحاسب تعبان بالعكس الحاسب مرغوب

اخيرا لو بتغير التخصص احتمال ماتقدر الحين لان اتلحويل داخل القسم معقد شوي ولازم تاخذ مواد معينه وبدرجات معينه فانت حدد اللي تبيه واستخير الله ثم حاول مع الوكيل اذا قدر يغيره ... اهم شي تختار شي يناسب ميولك وترتاح له نفسيا لانك راح تجلس فيه 4 سنوات وراح يكون عليك ضغط كبير فتخيل انك تدخل شي بس عشان وظيفه وانت تكره القسم راح تقفل في الاخير وينزل معدلك

اذا متردد اعتقد افضل شي تواصل السنه هذه في نفس التخصص لانه ماراح تفرق معاك ابدا نفس المواد بالضبط وحاول تاخذ ee201 الترم الاول واذا قدرت تاخذ ee202 الترم الثاني يكون افضل ... Ee202 تتكلم عن البرمجه باستخدام الجافا وعلى مستوى متقدم فاذا ارتحت لها ومشيت تمام حول تخصصك وانت مطمن (وللتذكير التخصص ليس برمجه فقط مواد البرمجه كلها 4 مواد)
وبرضو الترم الاول نزل فيزياء المستوى الثاني (ما ادري هل مازالت في ولا تغير رمزها) حتى تفتح لك البيسك ee250 في الترم الثاني اللي عن طريقها تقدر تختبر ميولك بعض الشي بخصوص الكهرباء والالكترونيات بشكل عام ... اهم شي نزلها عند دكتور جيد لانه بغض النظر تخصصت حاسب ولا اليكترونيات فالماده هذه مهمه جدا لكثير من المواد لكن في الالكترونيات اهم اكثر


وبالتوفيق ان شاء الله

[ابداع]

نصيحه لوجه الله لا تحول

[fouade]

المشاركة الأصلية كتبت بواسطة AhmadASG مثا ماقالو الشباب شوف ميولك واذا لك في الكهرباء والحاسب ادخل هندسة حاسب لانك راح تدرسها مع بعض ... لو تلاحظ في الخطه تقريبا اول 4 سنوات ندرس نفس المواد بخصوص الدكاتره اغلب المواد نفس الدكاتره ماعدا اخر سنه تقريبا بس الافضل ما ادري لازم يكون واحد اخذ عند الاثنين حتى يقول :( الفرص الوظيفيه الالكتنرونيات والاتصالات اقوى ... لكن لما نقول اقوى مو معناه الحاسب تعبان بالعكس الحاسب مرغوب اخيرا لو بتغير التخصص احتمال ماتقدر الحين لان اتلحويل داخل القسم معقد شوي ولازم تاخذ مواد معينه وبدرجات معينه فانت حدد اللي تبيه واستخير الله ثم حاول مع الوكيل اذا قدر يغيره ... اهم شي تختار شي يناسب ميولك وترتاح له نفسيا لانك راح تجلس فيه 4 سنوات وراح يكون عليك ضغط كبير فتخيل انك تدخل شي بس عشان وظيفه وانت تكره القسم راح تقفل في الاخير وينزل معدلك اذا متردد اعتقد افضل شي تواصل السنه هذه في نفس التخصص لانه ماراح تفرق معاك ابدا نفس المواد بالضبط وحاول تاخذ ee201 الترم الاول واذا قدرت تاخذ ee202 الترم الثاني يكون افضل ... Ee202 تتكلم عن البرمجه باستخدام الجافا وعلى مستوى متقدم فاذا ارتحت لها ومشيت تمام حول تخصصك وانت مطمن (وللتذكير التخصص ليس برمجه فقط مواد البرمجه كلها 4 مواد) وبرضو الترم الاول نزل فيزياء المستوى الثاني (ما ادري هل مازالت في ولا تغير رمزها) حتى تفتح لك البيسك ee250 في الترم الثاني اللي عن طريقها تقدر تختبر ميولك بعض الشي بخصوص الكهرباء والالكترونيات بشكل عام ... اهم شي نزلها عند دكتور جيد لانه بغض النظر تخصصت حاسب ولا اليكترونيات فالماده هذه مهمه جدا لكثير من المواد لكن في الالكترونيات اهم اكثر وبالتوفيق ان شاء الله

الصيف اللي فات أخذت ee201 والحمدلله درجة حلوة
والترم ما قبل المااضي اخذت phys202
والصيفي هذا بإذن الله ee202
وربك ييسرها من فوق

من ناحية الكراهية للقسم الحمدلله ليست عندي خاصة وانها كلها كهربائية
بس من كلام الشباب اشوف الأفضل الكترونيات
بإذن الله نبدع فيه

[AhmadASG]

المشاركة الأصلية كتبت بواسطة fouade الصيف اللي فات أخذت ee201 والحمدلله درجة حلوة والترم ما قبل المااضي اخذت phys202 والصيفي هذا بإذن الله ee202 وربك ييسرها من فوق من ناحية الكراهية للقسم الحمدلله ليست عندي خاصة وانها كلها كهربائية بس من كلام الشباب اشوف الأفضل الكترونيات بإذن الله نبدع فيه

حلو لكن انصحك تخليها ترم عادي لانه اذا ناوي على الحاسب الماده مهمه للمواد اللي بعدها فلازم تفهمها تمام والصيف تعرف وقت المحاضره طويل واحتمال تحذف اشياء انت تحتاجها

وبخصوص كلام الشباب انت شوف اللي ترتاح له والحمد لله كل التخصصين قريبين من بعض فخذ كم ماده وشوف الدكاتره كيف واستخير ربك قبل كل شي

والله الموفق