كلية العلوم الصحية للطالبات بجدة

[الإمبراطورة]

المشاركة الأصلية كتبت بواسطة ترسي المحبوبة \ , التقديم للكليه الصحيه عن طريق الجامعه يعني لمن تقدمي للجامعه هما ارح يحولوكي ,لأنو الكليه الآن اصبحت تابع لجامعه الملك عبد العزيز , و اعتقد انو التقديم انتهى لأن هوا نفسه تقديم الأنتظام , بالتوفيق ان شاءلله :) , , \

مشكوووورة ترسي المحبوبة :)

لكن مو موجود منْ ضمن قآئمة المتآح في الجآمعة..
يعني مو مكتوب..,,
فكيف يحولون..؟؟




دُمتم سآلمين..

[ترسي المحبوبة]

المشاركة الأصلية كتبت بواسطة الإمبراطورة مشكوووورة ترسي المحبوبة :) لكن مو موجود منْ ضمن قآئمة المتآح في الجآمعة.. يعني مو مكتوب..,, فكيف يحولون..؟؟ دُمتم سآلمين..

\

’

دحين الجامعه اول مره تحولك على كليه التربيه ,, وبعد كدا كليه التربيه راح تخيرك و لو تبغي تختاي كليه العلوم الصحيه و يحولوكي عليها ,,

افتكر صحبتي كدا سو معاها خيروها بين اقسام الكليه وبين الكليه الصحيه , لكنها اختبارت قسم كيمياء ,,

وبس ^_^ ,,

’

\

[بنوتة نعومة]

up
up
up

[azef]

ممكن اسال وين موقع هالكلية بالضبط
وهل هي مبنى منفصل عن الاولاد او مبنى واحد

[آرق انســآآنهـ]

معليش شيري ابغى اسألكـ ادا مافي مانع..
متى يبدأ التسجيل في الكليه الصحيه؟؟وكم النسب الي يبغوها؟؟
وشكـــــراً^_^

[رابيس.]

لو سمحتي انا خلصت تحضيري وابغى احول للكلية اقدر ولا لا

[علم غرورك عزتي مالها حد]

انا عندي لكم الاجوبه لكل اسئلتكم انا رحتلهم بنفسي قبل كم اسبوع وسألتها قلت لها بالنص
انا طالبه بجامعة الملك عبدالعزيز ابي اسجل عندكم ماهي الاجراءات الازمه وقالت لي
اذا بتجين عندنا تجين على اساس انك طالبه مستجده يعني بشهادتك حقت الثانويه مانحولك تحويل من الجامعه الى عندنا هذا شي وقالت كمان حنا خلاص وقفنا ماعاد نستقبل احد لاننا بنخرج الدفعه اللي عندنا وننضم لكلية العلوم الطبيه التطبيقيه فالجامعه اذا تبغين تسجلين عندنا تعالي لنا اذا انضمينا للجامعه وبس هذا اللي قالته لي . ترى فيه كلية تمريض تابعه لجامعة الملك سعود بالحرس الوطني بجده ويقبلونك على انك طالبه مستجده بشهادتك حقت الثانوي وفيها ترم تحضيري بس والتسجيل فيه يعلن بالجرايد فالصيف هذي المعلومات اللي عندي ومابي الا دعواتكم

[مشتاقه]

هااااي بنات
انا طالبه في الكليه االصحيه سنه تانيه واناشاءالله افيدكم
زي ماقالولك البنات هذي اخر دفعه وبعدين حينضمو للجامعه
اول سنه تحضيري
وسنتين تخصص

واذا تبغي تسالي عن شيء اناشاءالله اجاوبك

[بكـآء آلـرٍـوٍح ..!]

الكلية بس للمتخرجين من الثانوية بالقسم العلمي ولا عادي يقبلو الأدبي ؟

[enou]

السلام عليكم
انا جديده في المنتدى اليوم اللي سجلت
انا ادرس في عزوز اول سنه ليا انتساب تحضيري اداري وانساني خطه أ
ابا احول انتظام السنه الجايه إن شاء الله وابا ادخل الكليه الصحيه تخصص اشعه بس ماعرف شي عنها
غير التخصصات اللي فيها وانها ببلاش وفيها مكافئات دا اللي اعرفه
كل ماادخل على موقعهم يكتبولي بس رقم التلفون والتحويله واتصل عليهم محد يرد وروحت للمبنى تبعهم اللي عند مستشفى الملك فهد قالولي انهم خلاص قفلوه والدراسه في الجامعه نفسها مادري اذا الكلام صح ولا لاء واسال في الجامعه في العماده يستهبلو الحريم اللي هناك كل وحده تتكلم من طرف خشمها وتقول مادري كانهم مغصوبين ع الشغل ولا جايين يتحكو ويفصفصو مع صحباتهم
معليه غلست عليكم وكترت في الهرج من بدايتها
بس كنت ابا اعرف كيف التقديم فيها ومتى وفين لانو مره ضااااايعه ماني عارفه حاجه مره داخله مخي ومرررررره ابا ادرس فيها
اسفه طولت عليكم بالهرج واتمنى انكم تفيدوني وتردوني فاسرع وقت