اسئلتي عن الجامعه ارجوا الرد عليها

عاشق الاحزان · #1 26-07-2009, 04:25 PM

السلام عليكم ورحمة الله
ماهي المواد التي تدرس في السنة التحضيرية وهل هي صعبه وهل مدة الدراسة طويلة
وانا ما افهم شي في الانجليزي ها اقدر امشي في الجامعه او لا
وهل اقدر اسحب ملفي اذا طلعت لي مكان افضل او لا وكم المكافئة نقرتين لعرض الصورة في صفحة مستقلة

وصحيح ماتنزل الا بعد شهرين او ثلاثة نقرتين لعرض الصورة في صفحة مستقلة

ولازم اسلم شهادتي الاصلي يعني ماتمشي طبق الاصل ومختومة من المدرسة وانا اقبلت اصلا في الجامعه خلاص او مقابلة او ويش صاير انا ماني فاهم ناس يقولون اني خلاص انقبلت وناس يقولون لا لسا
اسف طولت عليكم بالاسئلة

sooma · 26-07-2009, 04:52 PM

ماهي المواد التي تدرس في السنة التحضيرية وهل هي صعبه وهل مدة الدراسة طويلة ؟
المواد ( كيمياء . فيزياء . أحياء . احصاء . رياضيات . حاسب . انجلش 101 . انجلش 102 . مهارات الاتصال ) 9 مواد مقسمة على ترمين .. 5 في الاول و 4 في الثاني ( او العكس )
وبالنسبة لمدة الدراسة أبدا مو طويلة كنا نغلق الاختبارات قبل المدرسة بشهر .. تخيل شهر كامل نقعد في البيت قبل المدرسة .. وكمان الاختبارات الدورية ما فيها دراسة ( وهذا الشي مررررة حلو ) تروح بس تختبر وترجع..

وانا ما افهم شي في الانجليزي ها اقدر امشي في الجامعه او لا ؟؟؟
[color="rgb(75, 0, 130)"]راح تقدر تمشي وبالراحة الاساتذة يشرحو بالعربي ويترجمو المصطلحات
بس الكتب بالانجليزي وبس ومو شرط انك تكون واحد ممتاز في الانجلش .. في ناس مستواهم مرررة في الانجلش نااازل لكن في المواد الثانية اللي بالانجليزي مررررة ماشالله عليهم جايبين درجات عالية
وغير كده ترا مافي شي جديد تدرسه في المواد العلمية كللو نفس حق ثالث ثانوي بس مترجم للانجلش وبس [/color]

وهل اقدر اسحب ملفي اذا طلعت لي مكان افضل او لا وكم المكافئة وصحيح ماتنزل الا بعد شهرين او ثلاثة؟؟
ا[color="rgb(75, 0, 130)"]يوا تقدر تسحب ملفك والمكافئة 990 وتنزل اول باول كل 25 في الشهر تلاقيها في بطاقتك
[/color]
لازم اسلم شهادتي الاصلي يعني ماتمشي طبق الاصل ومختومة من المدرسة وانا اقبلت اصلا في الجامعه خلاص ؟؟
[color="rgb(75, 0, 130)"]ايوا لازم شهادتك الاصلية ياخدوها منك يوم المراجعة .. ويوم المراجعة كل شي يبان انك قبلت رسمي وللا لا
لانو يعطوك البطاقة علطوول لو أخدو منك شهادتك ...[/color]

مقابلة او ويش صاير انا ماني فاهم ناس يقولون اني خلاص انقبلت وناس يقولون لا لسا ؟؟
[color="rgb(75, 0, 130)"]مافي مقابلة ولا شي يوم المراجعة راح يوضحلك كل حاجة
شوف الناس اللي تقول انقبلت خلاص هدولا واثقين من نفسهم ومواعيدهم في اليومين الاولي وراح ينقبلو أكيد انتظام
واللي بعد كده ممكن يكونو انتقالي وتاهيلي وغيرو ...

على حسب يوم مراجعتك استنى واصبر وشوف يوم المراجعة يبان كل شي
وعادي اسأل اللي تبغاه
واتمنى اني أفدتك ولو بشئ قليل [/color]

سُكر محروق · 26-07-2009, 05:35 PM

سوووما مرررة شكراً ع التوضيح بس :

(شوف الناس اللي تقول انقبلت خلاص هدولا واثقين من نفسهم ومواعيدهم في اليومين الاولي وراح ينقبلو أكيد انتظام )

قصدك الأيام الأولى صح ؟ لإني يوم الثلاثاء هذا نقرتين لعرض الصورة في صفحة مستقلة