انتسآب////// تعليم عن بعد..

[دنونآ]

السلاااااااااام عليييكم..

بسألكم انا سجلت انتساب وارسلت اوراقي للـdhl

وكلو اووكي بس ما سددت الرسوم اللي علي..
ودحين افكر اني ابا تعليم عن بعد لأنو احسن ..

اش اسوي؟؟؟؟
سآعدوووني بليييييييز..
ما ابا انتسآب ابا تعليم عن بعد..

[shareefi]

اقري الموضوع هذا يمكن يفيدك
http://www.skaau.com/vb/showthread.php?t=86485

[manoL]

سجلي بياناتك في التعليم عن بعد والحقي ارسلي اوراقك مره ثانيه

[دنونآ]

يسلمووو

ممكن احد يفيدني تاااني

[shareefi]

المشاركة الأصلية كتبت بواسطة دنونآ يسلمووو ممكن احد يفيدني تاااني

عميد القبول والتسجيل

[blue00]

وعليكم السلام ورحمه الله وبركاته ...
هلا بيكي ..
انا اللي فهمته انو انتي ما سددتي الرسوم لسى .. " تمام عليكي"
كده يكون اسهل تسجيلك في التعليم عن بعد ...

ادا انتي ناويه تتدخلي تعليم عن بعد ...
ادخلي رابط التعليم عن بعد ...
وسجلي فيه خدي رقم طلب في التعليم عن بعد ...
اطبعي الاوراق ...ارسليها عن طريق dhl ...
زي ما سويتي في الانتساب ..." نفس الطريقه "
اول ما تجيكي رساله ع الجوال " القبول " ...
سددي الرسوم 4000 ريال ...

( بالنسبه لتسجيلك في الانتساب ... النظام لو ما سددي الرسوم خلال 15 يوم ... يلغي اسمك ... يعني ما همك !)

________

طيب دحين اقولك الفرق بين الانتساب والتعليم عن بعد ...
* الانتساب ...
رسومه 3000 ريال ...
مافيه محاضرات ...
اختبار واحد فقط " نهائي " لكل ماده من 100 درجه ...
درجه النجاح 60 ...

* التعليم عن بعد ...
رسومه 4000 ريال
فيه محاضرات " يعني زي الانتظام من ناحيه الدراسه "
40 درجه حضور ومشاركه ... 60 درجه اختبار نهائي ... نفس الطريقه درجه النجاح 60 درجه ...

((بس اهم شي في الموضوع ..."واللي انا خايف منه الله يستر بس "))
انا رحت العماده وكلمني "صاحبي" يقول انوالا يمكن التحويل من التعليم عن بعد ل انتظام .... (الدفعه الاولى اللي كان يمديهم يحولوا بس))

انا رحت للمشرف "مشرف القبول والتسجيل ف العماده "
وكلمته ... قال نعم...فيه امكانيه تحول بس اهم شي تاريخ الشهاده ما يكون صار لك متخرج اكثر من تلاته سنوات ...<< يعني انتي تقدري ..

..." حبيت اقولك .. عشان انا مو داري اسمع لمين ...!"

انا احس انو افضل التعليم عن بعد ... كمان اغلب الجامعات طبقت النظام السنه الجايه ان شاء الله ... وكمان اسهل عليا ... يعني يعطيني 40 درجه ...
" انا ان شاء الله ناوي ع الانجليزي ... اللغه ما تجي الا بالممارسه ... يعني ف التعليم عن بعد .. اقدر اسمع واتكلم ..!"

اتمنى يكون فهمتي عليا .... اي استفسار انا حاضر

الله يوفقك ... "قولي امين"

" اسف الخاص مو مفعل لسه "