طازه .. توه جاتني رساله عن دورة اساسيات الطب !!

[Bordoga]

جزاكم الله خير يا طلاب 08

وجعله الله في موازين حسناتكم

كلمة شكر لا توفي بحقكم

وإن شاء الله نسوي نفس الشيء مع طلاب دفعة 10

[mzat kau]

يانناااااااس والله انو نفسي اعرف ايش اخدو في دي الدورة انا ماحبيت اسجل لانو لسه ماطلعت نتايجنا
لكن نفسي تفيدونا هنا في دا المنتدى علشان نستفيد احنا كمان =)

[Bordoga]

المشاركة الأصلية كتبت بواسطة rayyan1444 سؤالي هو.. وش قصة هذي الدوره؟! مع العلم انو في دوره عملوها خلال الثلاث الاسابيع الماضية.!

أنا ما حظرت الدورة الأولى

بس اللي أظنه إن الدورة اللي فاتت كانت عامة لطلاب الكليات الصحية

وأظن كمان إنهم ما أخذوا التشريح مثلا و المواد الخاصة بتخصصنا

أما هذه الدورة خاصة لطلاب الطب البشري

يعني مرة مفيدة لنا

[mzat kau]

ربناااااااا يوفقكم و يعينكم

[M!ss Mojy]

مااقدر ازيد عالكلام الي قالته مجتهدة ومستنية النتيجة

وطالبات دفعة 08 شهادتنا فيهم مجروحة

ماشاء الله قمة في التعاون والتنظيم والتفاني في آداء العمل

يكفي انك تشوف في عيونهم الحماس وحب مساعدة الغير

تصدقوا انهم اكبـــــــــــر مننا بسنه وحدة بسسسسسسس ...!!!

بالرغم من ذلك جالسين يشرحوا لنا ويفيدونا اكثر من دكاترة لهم سنين في مجال الطب

وحابه اقول لكل صحباتي الي معايا في الدورة اكبر مكافآة ممكن نهديها لطالبات 08

هو دعوة صادقة في ظهر الغيب لهم .....

وان شاء الله السنه الجايه نقدر نعمل ولو جزء بسيييييييييييط من الي عملوه لنا

وبجد انصح الطلاب انهم يسجلوا في الدورة لانها اكيد بتكون على نفس نمط دورتنا

لان كلهم نفس الدفعة

ربي يسعدهم ويوفقهم

[M!ss Mojy]

المشاركة الأصلية كتبت بواسطة mzat kau يانناااااااس والله انو نفسي اعرف ايش اخدو في دي الدورة انا ماحبيت اسجل لانو لسه ماطلعت نتايجنا لكن نفسي تفيدونا هنا في دا المنتدى علشان نستفيد احنا كمان =)

ياعسل احنا ناخذ مصطلحات طبية وناخذ جزء بسيط من المواد الي بندرسها

زي الاناتومي والامبريولوجي والبايوكيميستري والفيسيولوجي

<< اذا مافهمتي ايش يعني قولي لي

والي يحمس في الدورة البنات الي يدرسونا يعني مررره فادونا من تجربتهم وخبرتهم في الكلية

ربي يسعدهم ويوفقهم

واذا حابه تستفيدي اكثر يصير لو خلصنا الدورة اعطيكي الملزمة الي اعطونا هي

وادعولنا السبت عندنا اختبار

وبعد كذا يطلعوا خمسة اوائل ..... حمااااااااس والله

[rayyan1444]

المشاركة الأصلية كتبت بواسطة m!ss mojy وادعولنا السبت عندنا اختبار وبعد كذا يطلعوا خمسة اوائل ..... حمااااااااس والله

انا خابر الدورات فيها بوفيه مفتوح واكل وشرب وشغلات زي كذا

بس دورات الطب غير فيها اختبارات مافيها بوفيه

[M!ss Mojy]

شوف ياريان

طبعا اكيد الدورة هذي احنا سجلنا فيها برغبتنا محد غصبنا عليها

بالرغم من انو الناس كلها مآجزين وخرجات وسفر وفلة

لكن احنا عشان بنشوف انو دراسة هذي الاشياء فيها متعة عشان كذا سجلنا

وحتى لو ابغى اذاكر للاختبار مابيكون عشان درجات او شي هي مجرد دورة

ولكن عشان المتعة والفايدة الي بنلاقيها لمن نذاكر

يعني انا لو حسيت انو الشي مو ممتع طبعا مابذاكر محد راح يغصبني

لكن بجد الاشياء الي اعطونا هيا بنات 08 قمة في المتعة ومعلومات جديده علينا ومفيدة

عشان كذا حستمتع لمن اذاكرها ومنها استفيد كمان

صار ردي كلو متعه متعه ههههههههههههههه

وصلت المعلومه خيوووو

[Dr.AlJuhani]

المشاركة الأصلية كتبت بواسطة حلمى بناتى المسئولات عن دورة اساسيات الطب قبل ما اشارك فى موضوعكم احب اوضحلكم من انا انا ام طالبه معكن لله الحمد انقبلت فى كلية الطب كنت دايماً متابعه للمنتدى حتى انقل لبنتى من معلومات فى قسم السنه التحضيريه لانها فى بعض الاحيان للضغط الدراسه لا تتابع المنتدى ولكن الان اضطررت للكشف عن نفسى للسبب هولتقديم شكر وامتنان للطبيبات المستقبل الاتى يقدمن الدوره لمساعدت اخواتهم المقبولات فى الكليات الصحيه ومن ضمنهم ابنتى فقد استفادت كثيراًوهذه فكره رايعه وارجو ان تستمرو عليها فى السنوات المقبله ولكن كثير من الاجر ولا تستمعو الى من يهبط من عزيمتكم وجزاكن الله خيراًوجزاء الله خيراًمن ابلغتنا عن الدوره قبل نزول الاعلان وإن شاء الله يفرح اهاليكم برؤيتكم متخرجات طبيبات يرفعن راس وطنهم واطلب من ربى ان يفرحنى فى رؤيت ابنتى طبيبة افتخر بها وتنفع دينها ووطنها

الله يسعدك ياخاله ... ويوفق بنتك ... وينجحها وتسير أحسن دكتوره ...
والله ياخاله هذا اللي نبغاه أنو تكونوا أنتوا امهاتنا راضين عننا
......
الحمدلله يااااارب
الحمدللله
:)

[mzat kau]

الحمد لله
وتسلمو والله ماقصرتو ان شا الله ربي يسهلنا وتطلع نتايجنا :(