رمضان زمان ! ولا الان ؟

[حنين كلي حنان]

السلام عليكم ورحمه الله وبركاته
كيف حالكم يااعضاء منتديات جامعه الملك عبدالعزيز ؟
رمضان على الابواب !!
بصراحه قاعده انا واخوي نتذكر رمضان ايام زمان
وفي الاخير جاء على بالي هالسؤالين قلت خلني اشوف الاعضاء وش رآئيهم في الموضوع ؟
ايام رمضان في الدراسة ؟
ولا ايام رمضان في الاجازة ؟
انا في نظري ايام رمضان في ايام الدراسه لها طعم خاص وافضل من الان
لاننا بصراحه كنا مشغولين 24 ساعه اول شي نرجع نومه ساعتين ونقوم نجهز الافطار
وبعدين صلاه التراويح وبعدها المذاكره وبعدها نجهز السحور وبعدها صلاه الفجر وبعدها نومه وبعدها قومه الى المدرسه ,, وهكذا
اما الان !!!!
نومه ! قومه ! افطار ! صلاه ! تلفزيون ! سحور ! نومه !
مارئيكم ؟ ابغا كل واحد في المنتدى يعطينا رآئيه بالامانه ..

[فـ@ـد الروقي]

رمضان شهر عباده

(( أوله رحمه و أوسطه مغفرة و آخره عتق من النار ))

اشكرك على النتويه واسأل الله العلي العظيم ان يبلغنا الشهر الكريم

اكرر شكري لك ووفقك الله ونفع بك,,

[حنين كلي حنان]

المشاركة الأصلية كتبت بواسطة فـ@ـد الروقي رمضان شهر عباده (( أوله رحمه و أوسطه مغفرة و آخره عتق من النار )) اشكرك على النتويه واسأل الله العلي العظيم ان يبلغنا الشهر الكريم اكرر شكري لك ووفقك الله ونفع بك,,

يابو الشباب ,
قريت الموضوع ؟
بس جزاك الله خير على الدعاء والمرور بموضوعي ,

[تـفـاااحـه]

الله على ايام رمضان
بصراحه ايام الدراسه احلى بكتير من دحين وله فرحه خاصه وذكريات حلوه
كنا مشغولين 24 ساعه ما عندنا وقت خصوصا لمن تكون اختبارات
يا دوب نزاكر ونقرا قران وفطور وسحور وصلاة تراويح والتختيم و مالنا بالتلفزيون غير طاش ما طاش وبس
مستفيدين من وقتنا تمااام
بس دحين كل شي تغير صار وقتنا ضايع صحيح فراغ اكتر من اول بس اول احسن من دحين كترت المسلسلات والبرامج واشيا كتير تضيع الوقت غير وقت التراويح وتختيم القران لا جدال فيها
بس زمان احلى بكتير رمضان له روحانيه خاصه وفرحه فيه مو دحين كانه زيه زي اي شهر مر علينا

تقبلى مرور وسوري على الرغي الكتير (( غلباويه ))

[وفاء جدة]

بصراحة أيام الدراسة حلو بس مررررة تعب

يعني انا بقولك على جدول الاغلبيه في رمضان طبعا هذا في ايام الدراسه:
1/أصحى من النوم بالقوة لاني مانمت الا بعد الفجر
2/ماناخذ الحصص كلها يعني فيه معلمات يغيبون وفيه معلمات يكنسلون حصصهم ويجلسون يقرؤون قرآن>>>مع انه كنا نحب حصص الفراغ عشان نفلها
3/أجي من المدرسه الساعة2,30 تعباااااااااااااانة وعطشاااااااااااااااااااااانه من الحر
4/أنام شوية وبعدين أقوم أساعد في تحضير السفرة
5/بعد المغرب أجلس أتفرج تلفزيون وبعدين نروح لصلاة التراويح
6/تبدأ جمعة الاهل وطبعا اللي عندهم مدرسه يروحون يذاكرون ويحلون الواجبات>>>قمه الاحباط والقهر
7/مشى الوقت شويه جاء السحور وبعدها نستنى الصلاة ونصلي وننام وبعدها نعيد نفس الموال اليومي

أما في الاجازة/
كل واحد على حسب ماينظم وقته فيه ناس تنظم وقتها احلى تنظيم وتستفيد وفيه ناس بس اكل وتلفزيون ونووووووووووم.....يعني تعتمد على الشخص نفسه

هذا من وجهة نظري...تسلمين عزيزتي على الموضوع الحلو

تقبلي مروري....

[mzat kau]

ايام الدراسه لانها كانت تشغلنا عن التلفزيون ودحين ماعند الناس شي الا التلفزيون الله يهديهم :):):):) ههههههه

[LAMYA]

يازيييييييين رمضان اول ويازيييييييييين ايامه << عجوز الاخت
صراحة ايام الدراسه في رمضان كان لها طابع خاص صح تعب ولكن الاجر مضاعف سبحان الله

مشكووووووره

[روزاليندا&MJ]

عن نفسي دحين لأنوا أحس الإجازة قربتني من أهلي صار في وقت أقعد معاهم وأسهر معاهم كمان وقت أكثر للعبادة لكن الله يبلغنا رمضان وغحنا بأتم الصحة وشكرااا يا(حنين كلي حنان ) على الموضوع الحلو

[smooth Hanno]

انا مع وفاء جده..

وتسلمي ع الموضوع..:)

[عموريAHLI]

قال ايام الدراسة قال

والله تعب ونقوم من صباح ربنا رياضيات وفيزياء واحياء ... فاضيين واحنا صايمين

في الاجازة افضل تقدر تاخذ عمرة في اي وقت وقبل الزحمة اما ايام الدراسة الواحد يالله ينام ويذاكر ويتعبد ربنا

عاد الله يبلغنا هو بصحة وسلامة

وكل عام والجميييييييع بخير