تجميعة لاستفسارات دكاترة و دكتورات Med11 :)

[FrfoSha]

المشاركة الأصلية كتبت بواسطة Иiтяσgεи✿ اول حاجة الله يجزاكم كل الخير على تعاونكم ثاني شي يجي دوري أنا عندي كم سؤال

و اياكِ يآرب ^^

اول حاجة انا لازم اشتري الكتب طبعا .. وكمان الشيتات طيب ايش افضل طريقة اذاكر فيها احدد الجزئيات من الشيت واروح اذاكر من الكتاب ؟؟ والا لا لانو انا مرررة اخاف من حكاية ذاكري من حاجة مختصرة وسيبي الاساس .. يعني افضل المرجع الاساسي .. والا ح يضيع وقتي المرجع ؟؟؟ << اتمنى تكون وصلت الفكرة لانو تعبيري لكم عليه

صراحةً شوفي ممكن اول ماتاخذي المحاضرة ترجعيلها من الكتاب اذا انتي حابة كذا و قبل الاختبار تذاكري من الشيت بس .. بالتالي راح يكون عندك فكرة عن الموضوع من الكتاب و الشيت و ماراح تخسري شيء ولا يضيع وقتك ان شاء الله :)

كمان مو هما يقولو في التخصص درجاتك بيد دكتورتك؟؟ طيب انا كيف اتميز عندها بين 200 وحدة اممممم بس هذي الاسئلة لحد الان

درجاتك بيد دكتورتك مو ف الطب

لانو احنا عندنا اختبار نصفي و اختبار نهائي نظري و عملي .. لانو مافي درجات ع الحضور و الغياب و مافي ع المشاركة ولا بحوث و لا اي شيء ثاني ممكن الدكتورة تتحكم له بدرجتك ..

من ناحية كيف ممكن تتميزي عندها ما اعرف صراحة .. في بنات يقوموا للدكتورة اول ماتخلص شرح و يسالوها و كذا و يروح لها ف المكتب ممكن كذا تعرفك اذا انتِ يهمك الشيء ذا !

بالتوفيق و اذا تبغي اي شيء اسألي لا تستحي

[haay]

طيب ياليت تسالينا لاقدر الله الا يفشل في الاختبار او المقابلة إيش مصيرة فين يرووح ؟؟

[FrfoSha]

المشاركة الأصلية كتبت بواسطة haay طيب ياليت تسالينا لاقدر الله الا يفشل في الاختبار او المقابلة إيش مصيرة فين يرووح ؟؟

في واحد من الدكاترة راح سال الادارة عندهم ,, قالوا له المقابله دي مافيها نجاح و رسوب .. يعني اختبار و مقابله و بس ..

اذا الشخص من اساسه ماحضرها راح ينطرد من الكليه .. بس اذا حضرها لا .. يعني اجراء بس كذا

< اصلا بالعقل لو هما كانوا ناويين يطردوآ احد على اساس فشله ف الاختبار يسووها بعد القبول ف الكليه !! العقل و المنطق يقولوا قبل ..

[Majed7]

المشاركة الأصلية كتبت بواسطة FrfoSha 21 شابتر !! اي كتاب دا اللي عندك ! شكلو الكبير المهم اللي راح يفيدك : - Basic word structure - Suffixes - Prefixes الباقي ممكن تتطلع عليه بس عشان تفهم الهرجة .. الثلاثة شباتر دي هيا اهم شيء

هذا كتــاب أعطانا إياه د عبدالرحمن المالكي ..


يعني الكتاب المقرر هو الأفضل .. اللي حطيتيـ معلوماته بالصفحة الرابعه

Medical Terminology

"last edition"

-Davi-Ellen chapner

short course


___________


وشكرا يا دكتورة عالموضوع ^_^

[FrfoSha]

المشاركة الأصلية كتبت بواسطة majed7 هذا كتــاب أعطانا إياه د عبدالرحمن المالكي .. يعني الكتاب المقرر هو الأفضل .. اللي حطيتيـ معلوماته بالصفحة الرابعه medical terminology "last edition" -davi-ellen chapner short course ___________ وشكرا يا دكتورة عالموضوع ^_^

المؤلفة نفسها مسويه كتابين واحد مختصر من الثاني وهوا اللي انا كاتبه اسمو ..

الثاني فيه نفس المعلومات بس على توسع .. اذا كان هوا اللي عندك تقدر تقرأ منو الشابترز اللي كتبتها لك :)

و العفـو ذا من واجبنا :)

[No0o0oN]

وي يعني المقابله بالانجلش ... الله يستر ..

طيب ايش هو الاختبار اللي قولتي عنه.؟؟؟

وكمان عندي سؤال تاني انتم في البايو كمستري كنتو تختبروا اختبارات من 10 درجات ..

بعد كل جزئيه طيب بعدين ايش يسووا فيها يجمعوها ويقسموها على عددها يعني نقول البايوكمستري 6 شبترز .. بعد كل جزئيه اختبار صح ولا انا غلطانه ..

الشئ التاني انا سمعت انه البايوكمستري صارت سهله مررره على دفعتكم مقارنه بالسنوات اللي فاتت .صح .

[FrfoSha]

المشاركة الأصلية كتبت بواسطة no0o0on وي يعني المقابله بالانجلش ... الله يستر .. طيب ايش هو الاختبار اللي قولتي عنه.؟؟؟

ما اعرف معلومات كافيه عنو صرآحة لانو الادارة بنفسهم ما يعرفوا عنو شيء .. الشيء الوحيد اللي اعرفوا انو راح يكون مع المقابله في نفس اليوم اختبآر .. يمكن زي تحديد المستوى الله اعلم

وكمان عندي سؤال تاني انتم في البايو كمستري كنتو تختبروا اختبارات من 10 درجات .. بعد كل جزئيه طيب بعدين ايش يسووا فيها يجمعوها ويقسموها على عددها يعني نقول البايوكمستري 6 شبترز .. بعد كل جزئيه اختبار صح ولا انا غلطانه ..

ايوا صح كلامك .. بعد كل شابتر كنا نختبر كويز من 10 درجات .. بس مانعرف ايش صار فيها ف الاخير .. احيانا يقولوا راح ناخذ احسن 4 و نقسمها على عددها و احيانا يقولوا كلها و ما اعرف على ايش استقروا

الشئ التاني انا سمعت انه البايوكمستري صارت سهله مررره على دفعتكم مقارنه بالسنوات اللي فاتت .صح .

امممم و الله شوفي صراحة البايوكيم مرا مو صعب هوا يحتاج بس شويه تركيز .. ممكن لانو السنة اللي قبلنا مع السيول اتلخبطت عندهم الامور و انضغطوا في الدراسة .. عشان كذا شافوه صعب جددآ ..

[No0o0oN]

الله يجزاك كل خير يادكتوره شيماء ويعطيك ألف عافيه ..

سؤال هل اللي رح يسووا لنا المقابله هما نفسهم الدكتورات اللي يدرسونا ..
وكمان هل لازم من دحين نعرف المصطلحات الطبيه وايش الاشياء اللي لازم نتعلمها من قبل الدراسه ..

و بالنسبه للدوره هل رح ترسلوا رسائل لنا وكدا عشان موعد التسجيل وكيفيه التسجيل ..

وشكرا جزيلا ..

[FrfoSha]

المشاركة الأصلية كتبت بواسطة no0o0on الله يجزاك كل خير يادكتوره شيماء ويعطيك ألف عافيه .. سؤال هل اللي رح يسووا لنا المقابله هما نفسهم الدكتورات اللي يدرسونا .. وكمان هل لازم من دحين نعرف المصطلحات الطبيه وايش الاشياء اللي لازم نتعلمها من قبل الدراسه .. و بالنسبه للدوره هل رح ترسلوا رسائل لنا وكدا عشان موعد التسجيل وكيفيه التسجيل .. وشكرا جزيلا ..

ايوا اليوم لمن سألت الاستاذة اللي في الادارة قالت انو اللي راح يسوا لكم المقابلة هما نفسهم الدكتورات اللي في الكلية - يعني اللي راح يدرسوكم ان شاء الله -

بالنسبة للمصطلحات الطبية احنا لاننا كان عندنا دورة من تنظيم الكلية عنها فاستفدنا منها كثيييير في بداية الترم .. انتي ممكن تتطلعي ع الكتاب اللي عند اختك " أنا كاتبه اسمو فوق ^^" " رآح تستفيدي كثير و ترتاحي على اول السنة ..

بالنسبة للكورس راح نرسل لكم رسايل ان شاء الله عن الموعد بالزبط و كيفيه التسجيل .. و ككمان راح ننزل موضوع فيه كل شيء ف المنتدى هنا :)

[د.مشبب]

يا أخوان من فين أقدر أجيب كتاب Medical Terminology
.................................................. ..............................
.................................................. .....................