اخواتي الطالبات :هنا توضع استفساراتكم ---طالبات فقط

[.. بيســـان ..]

المشاركة الأصلية كتبت بواسطة ام حمدان بنات المستوى الثالث راح يكونوا سنترا ودومهم بيبدا من 28/12 اما المستويات من 4-8 دوامهم إن شاء الله السبت القادم 8/11 بيسان كلنا كذا الي تنزلها ماده والي مادتين ومن امس بدينا نضيف مع ان الشعب كانت فل بس سنترنا عليها لغايه ماقدرت اضيف لحد الان 3 مواد الحمدلله مع المادتين الي نزلوها لي عليكي بالسنتره على الاودس وربك يسهل بالتوفيق :)

خخخخخخخخخخخخخخخخخخخخخخخخخخخخخ
سبحان الله نصحت صحبتي نفس النصحية
و سنترت الين ماقدرت انزل مادة تانية الحمدلله
و لسة لمن تبدأ الدورة .. في كتير بنات حينفجعو من المواد
و يسيبو الشعب

[nour al3mr]

المشاركة الأصلية كتبت بواسطة اموني بنات السنتاكس د.مأثر الراوي بالنسبه للاختبار يوم الربوع الاختبار هل حيكون في ليكتشر1و2 فقط؟؟ يعني 3 مو داخل معانااا؟؟

ايــــــووووووة يــاعســـــــــــــل..

الإختبـار من 5 درجـــــــــات ..
فقط في lectures 1 & 2
والاختبـار ماتختبريه لوحدك ..
لازم تختاري لك شريكة partner
تحلوا الاختبــار مع بعض..
سـألنـاهـــا يوم السبت عشان نتـأكد قالت أيوووة واحنا اللي نختار الشريكة مو هيا اللي تحدد ..

بالتـــوفيق ^^

[ام حمدان]

المشاركة الأصلية كتبت بواسطة pop corn طيب فيه مادة نزلتلي في الجدول بس عند الأيام فاضي و عند الوقت كمان فاضي اش يعني؟؟؟ مافيها شعب ؟ يعني أحذفها؟

لا لاتحذفيها يمكن لسى ماحددوا فين حتكون يحصل معانا الشي هذا في بعض الشعب وبعد كذا يتعدل

بالتوفيق

[nour al3mr]

المشاركة الأصلية كتبت بواسطة حلاها زايد وربي انك عسسسوله الله يسعدك عن جد مو عارفه كيف اشكرك تيب انا مافهمت البرزنتيشن كيف طريقته لاني ولا مره في حياتي سويته يعني يكون ع البوربوينت ولا كيف ولو اذاكر الكتب تمام واحفظ كل الفوكابلري اللي فيه اقدر اجيب الممتاز ولا لازم يكون عندي فوكابلري خارج الكتاب والحضور قد ايش عليه درجات وكمان الرايتنق راح تدرسني منى البلوي ايش رايك فيها وكيف اسلوبها

ســـامحيني أتـأخرت عليك في الــــرد..
وأم حمـدان يجزاها ربي الجنــــة ماقصـــــــرت..

::~

البرزنتيشـــــــــن يختلف من أستــاذه لأخرى..

مثلا أستـاذه سحر نصيف ..في اورال 2 طلبت مننـــــا 7 presentations
حددت أنه عرضين يكونوا عن عمل أدبي ( إمـــــا قصة .. فلم .. روايــــــة )
وعرضيـــــــــن عن تطوير النفس self-improvement
وال3 العروض الأخيرة مواضيع من اختيارنا احنــــــــا..
كل عرض عليه 10 درجــــــــات..
وتوقفي وتقـدمي عرضك عن طريق البوربوينت وجهاز البروجيكتر..
يكون في البوربوينت بس صور من دون كلام.. لانه ممنوع القراءه من السلايدز..
واذا تبغى تكتبي كلام يكون مجرد عبارات قصيرة تذكرك بالنقاط اللي حتتكلمي عنها..
وممنوع طبعا تقراي من ورق أو دفتــــــــر..

::~
دكتــورة خديجة باوزير اعتقد تطلب 3 بريزنتيشنز ..
أنتِ تختاري المواضيع وتقدميهـــــــــا..
بس كأنه مره طلبت منهم يختاروا موضوع عن تطوير النفس ..
( صاحبتي اخذت معاها فمو مره متذكره )..

::~
وطبعا كل الاستاذات يحاسبوا على نفس الشيء..
الـeye contact التواصل بالعين بحيث عيونك تطل في البنات والقاعه مو في الارض ..
وانه ماتلعبي بشعرك ..
وعلى الصوت لازم يكون عالي..
ومخارج الحروف والنطق يكون صح pronunciation
والـــــ grammar برضوه يحاسبوا عليـــــــــــه..
من ناحيه اذا بدأتي عرضك تتكلمي في زمن المضارع present tens
لازم كل كلامك يكون في نفس الـزمن .. وإذا الفعل يحتـاج تضيفي له s او لا..
مثـــال : he plays football
ولازم تراعي أن الموضوع يكون ممتع..ويحاسبوا على طريقه جذبك للبنات في الموضوع ..
وكمــان هما يحددوا وقت ان البريزنتيشن مايتجاوز 7 دقايق ( تقريبا)..لو اتجاوزتي الوقت تنقصي..
تقريبــــــــا هذا الشيء اللي يحاسبوا عليـــــــــه ..

وطبعـــا جنب البريزنتيشنز في الكتـاب والاختبارات تكون منه ..^^
::~

بالنسبــــــه للريدنق مع أ/ منى البـــــلوي ..
صديقتي أخذت معــــــاهــــــــا وتقول تمـام الحمد لله ..
صح كانت تغيب عليهم كثيــــــــرررررررر..
بس يمكن كان عندهـــــا ظروف ..^^

::~
في الريدنق الفوكابلري اللي في الكتاب الأســاسي + كتاب الفوكاب هو اللي يجي منه الاختبار..
مو من بره ..
وبإذن لله تجيبي درجه ممتازة ..
واسئله الريدنق و الرايتنق موحده للكــــــــــــل .. سواء الدوريات أو النهائي ..

::~

الحضــــور بالنسبـــــه لكل اللي درسوني ماعليه درجـــــــــات..
بس إذا غبتي عن كل ماده 6 غيابات ( والبعض قال 7) راح ينزل للطالبه حرمـان من المـادة وتعتبر راسبة..
فلاتفوتي ولامحاضرة بشكل عام لان موادنا اذا غبتي عن محاضرة فاتك كثيرررر..

::~

أدري هرجت كثيـــــــر
بس حاولت أغطي لك أي استفسار ممكن يجي على بالـــــك..
وأي حاجه حابه تعرفيهــــــــا لا تترددي بالســــــــؤال ..^^

ييســـر لك ربي أمورك ..

[تراتيل]

سارا تقول :

بنات باققي شويه واحس انو الموضوع هذا للانتساب بس

.


وأزيدك من الشعر هذرة و(واللي باقي ما دخلوا القسم هم بعد يستفسرون !! :d )

بس أنا أسئلتي سهله فهذا آخر سؤال ومعلش :
عبارة عن نصيحة منك يا أم حمدان لا هنتِ
فأخشى الوقوع في خطأ ســؤسأل عنه سؤالاً مبرحاً ولا مجال للندم والله -_- !! :
إذا قرأت رواية من الأدب القديم مثلا أو قصيدة قديمة مثلا لجون ميلتون
أو جلست على برنامج بلاك & وايت ( فجأة )على الـtv
القناة الثانية للسعودية <-- ماتحب التفلزن:d
فالنتيجة كالتالي :
ما عندي مشكلات .. أهز راسي بالاستمتاع وطعم قهوتي لا يتغير :d
وإن تحدثت أو كتبت فمع أخطاء مطبعية وهفوات إجبارية تتعدل بسرعة إذا ما تنحت فجأة!!
فــ إلي بنصيحة لا أسأل إياها أحد من بعدك لا هنتِ..

وشكراً لك سلفاً وخلفاً طال عمرك :)..

[ام حمدان]

المشاركة الأصلية كتبت بواسطة تراتيل سارا تقول : . بس أنا أسئلتي سهله فهذا آخر سؤال ومعلش : عبارة عن نصيحة منك يا أم حمدان لا هنتِ فأخشى الوقوع في خطأ ســؤسأل عنه سؤالاً مبرحاً ولا مجال للندم والله -_- !! : إذا قرأت رواية من الأدب القديم مثلا أو قصيدة قديمة مثلا لجون ميلتون أو جلست على برنامج بلاك & وايت ( فجأة )على الـtv القناة الثانية للسعودية <-- ماتحب التفلزن:d فالنتيجة كالتالي : ما عندي مشكلات .. أهز راسي بالاستمتاع وطعم قهوتي لا يتغير :d وإن تحدثت أو كتبت فمع أخطاء مطبعية وهفوات إجبارية تتعدل بسرعة إذا ما تنحت فجأة!! فــ إلي بنصيحة لا أسأل إياها أحد من بعدك لا هنتِ.. وشكراً لك سلفاً وخلفاً طال عمرك :)..

ماشاء الله لاقوة الا بالله ممتاز
اذن توكلي على الله وفالك النجاح بإذن الله لان الهفوات الي عندك موجوده عند السواد الاعظم من طلاب القسم والسبيلنق بالذات اخطاءه كثيره عند اهل اللغه نفسها فما بالك بنا احنا يعني امر طبيعي جداً وسهل التغلب عليه مع كثرة الممارسه على الكتابه
العفو ياعزيزتي نحن دائماً فالخدمة :)

موفقه ياعزيزتي

[عيون عليا]

سؤالي لطالبات الانتساب للعام الماضي ولكل من لديه معلومات تفيدني بيها

اسئلة نهائي اختبارات مواد الانجليش + الفرنش

هل كلها اختياري؟؟ او كتابي؟؟
ولا مزيج مابين الاثنين

واذا كانت كتابي هل بيطلبوا منا short answer للاسئله ولا ...؟؟ <<<للريدينق
بالنسبه للقطعه اللي بتجي في الاختبار موضوعها طبعا مختلف لكن الفوكابلري اللي بتتكون منها هل بيكون من الكتاب؟؟
ولا بيستخدموا فوكابلريز من برا
تعاريف الريدينق نحفظ الموجوده فقط ولا مطلوب مننا تعريف كل كلمه حتى لوكانت مش موجود لها تعريف بالكتاب

الرايتنق والفرنسي كلها كتااااااااااااااااااابي ولا فيه فقرات اختياريه؟؟

وشكرا مقدمااااااااااااااااااااااااااااااا

[nuha]

سلاااااااام بنات

بدا الجد الله يعين..

نزل جدولي مادتين بس ,,وحاولت اضيف مواااد موراضي ابدا ...يعني كل شي فل فل فل

ومستحيل ادرس مادتين بس ..وش السوات

وشي ثاني انا حملت مقدمه في الادب ولا نزلوها لي الترم هاذا ونزلوا لي شكسبــــــــير <<<

ووش رايكم احذف الماده هاذي والا اخليها ؟؟

ابغى خبراتكم الله يعطيكم العافيه

[nour al3mr]

المشاركة الأصلية كتبت بواسطة nuha سلاااااااام بنات بدا الجد الله يعين.. نزل جدولي مادتين بس ,,وحاولت اضيف مواااد موراضي ابدا ...يعني كل شي فل فل فل ومستحيل ادرس مادتين بس ..وش السوات وشي ثاني انا حملت مقدمه في الادب ولا نزلوها لي الترم هاذا ونزلوا لي شكسبــــــــير <<< ووش رايكم احذف الماده هاذي والا اخليها ؟؟ ابغى خبراتكم الله يعطيكم العافيه

حيــــــا الله الطالبــــة المجتهـدة ماشاء الله ..

أول شيء : على الشعب المقفـــــــلة و المفلفلــــــــة..
راح يوسعوهـــــا لكم إن شـاء الله ..
دام أن عددكم كثير و الشعب قليل ..
يبـارك ربي فيكم وبعلمكم ..
أمــــــــا شكسبيـــــر شيء إبـدااااااااااااااااااااااعي..

أنــــــــا مستغــــربه كيف يضيفوا لكم هــالمــــــــادة من دون ماتنتهوا من مقدمة في الأدب + الدرامـــــــــا..
ياخذوهــا التخرج .. قاموا ينزلوها لكم..
ههههههههههههههههههههههههههههههههههههههــ

الله يعينـــــكم..
هذي المــادة تحذفيها وأنتِ مغمضــــــــة..
ونزلي مقدمــة في الأدب لما تتوسع الشعبه ان شاء الله ..

ييســر لك الرحمـــــــن سـائــر أمورك ..^^

[nour al3mr]

المشاركة الأصلية كتبت بواسطة عيون عليا سؤالي لطالبات الانتساب للعام الماضي ولكل من لديه معلومات تفيدني بيها اسئلة نهائي اختبارات مواد الانجليش + الفرنش هل كلها اختياري؟؟ او كتابي؟؟ ولا مزيج مابين الاثنين واذا كانت كتابي هل بيطلبوا منا short answer للاسئله ولا ...؟؟ <<<للريدينق بالنسبه للقطعه اللي بتجي في الاختبار موضوعها طبعا مختلف لكن الفوكابلري اللي بتتكون منها هل بيكون من الكتاب؟؟ ولا بيستخدموا فوكابلريز من برا تعاريف الريدينق نحفظ الموجوده فقط ولا مطلوب مننا تعريف كل كلمه حتى لوكانت مش موجود لها تعريف بالكتاب الرايتنق والفرنسي كلها كتااااااااااااااااااابي ولا فيه فقرات اختياريه؟؟ وشكرا مقدمااااااااااااااااااااااااااااااا

داخلـــــــــــــة عرض < يعني طيري بـــــــــرااااااااا
بـإذن لله البنـــــــات بيجاوبوك .. ومشرفتنــــــا الغاليه أم حمدان مابتقصـــــــر دامها معاكــم..
بس اللي أذكـــره من كلام اللي قبل من طالبات الانتســــاب..
كانت الأسئـــلة متنوعه بين مقاليه وبين فراغات واختياري..
عدا الرايتنــــج طبعــــــــا.. يطلب منك تكتبي براقراف ..
ييســـر لك الرحمن..