تجمّـــع طآلبآت المستوى الخآمس والسآدس (انتسآب) الفصل الأول 2010 م.

[مايا]

يابنات ما حددت المحذوف في الادب ؟؟ بليز ردووووووووووو

[.. بيســـان ..]

المشاركة الأصلية كتبت بواسطة مايا يابنات ما حددت المحذوف في الادب ؟؟ بليز ردووووووووووو

مافي شيء محذوف الين الآن

[Be or not to Be]

السلام عليكم ورحمة الله وبركاته ..
كيفكم ياصبايا ..؟

مومعقول اللي يصير بهالجامعه .. ليه هـ التصرفات
المفروض السمري ينزل عـ المنتدى لانو فيه بنات عندهم ظروف مايقدروا يحضروا الدوره
واعتقد مافيه وحده منا تقدر تحضر وماتحضر انها راح تستفيد من الدوره كثير ..تهي تهي
عموما الله يوفق الجميع ويسهل عليكم يابنات ..
اتمنى اللي حضرت الدوره تفيدنا لو بالقليل ..
ألف شكر

[.. بيســـان ..]

المشاركة الأصلية كتبت بواسطة be or not to be السلام عليكم ورحمة الله وبركاته .. كيفكم ياصبايا ..؟ مومعقول اللي يصير بهالجامعه .. ليه هـ التصرفات المفروض السمري ينزل عـ المنتدى لانو فيه بنات عندهم ظروف مايقدروا يحضروا الدوره واعتقد مافيه وحده منا تقدر تحضر وماتحضر انها راح تستفيد من الدوره كثير ..تهي تهي عموما الله يوفق الجميع ويسهل عليكم يابنات .. اتمنى اللي حضرت الدوره تفيدنا لو بالقليل .. ألف شكر

حبيبتي الدكتورة عندها أسبابها ،،

استني الين إجازة الحج و أرسليلها ايميل .. قوليلها انا برة جدة و أبغى الملزمة

و ان شاء الله ترد عليكي

[m!ss nada]

مشكورة يابيسان ع الرد

بعدين دكتورة سوزان مع احترامي الكبيييييييييير لها غلطانة

المفروض تعطينا السمري اوقات المحاضرات عشان كل البنات يقدرو ياخدو

دحين صعبة فين نحصلها ومتى :(

[.. بيســـان ..]

المشاركة الأصلية كتبت بواسطة m!ss nada دحين صعبة فين نحصلها ومتى :(

راجعي تعليقاتي اللي فوق ،،

و اليوم وحدة من صحباتي راحت وأخدت السمري ،،

[m!ss nada]

قريتها والله
بس ضروفي الآن ماتسمحلي اروحلها

[سلاف]

الله يسهل لكم الادب ويجعله بردا وسلاما عليكم
انتم السابقون ونحن اللاحقون


اللغويات يابنات مالها طاري هنا الادب مسيطر على الوضع
رجاء اللي تعرف تقول هي كل الشباتر معنا
لاني انا مع مس الاء وقريت ان الاسئله تجيبها من سلايدات اللي طبعناها من موقعها
وبعض الشباتر ماهي موجوده وش قولكم انتم
علما ان الاسئله موحده مع شعبة الثانيه

وكيق قالت طريقه الاسئله احتاج اعرفها عشان اعرف اذاكر والدش اللي موجود كله نحفظه والا كيف؟؟


شي ثاني ابغى اقوله

ونظرا لكثرة العناوين والعناوين الفرعيه وعناوين متفرعه من العناوين الفرعيه انصح الجميع بالمذاكره و الكتابه المشجره (tree writing) في اوراق خارجيه تبدأ بالعنوان الرئيسي ثم تشجر منه العناوين الفرعيه لان هذا راح يسااااااعدك كثيرا في استذكار واسترجاع المعلوماااات خاصتا لما تكون انت اللي كاتبها بيدك

هذا كلام واحد حط موضوع رائع عن اللغويات واقتبست منه ذا لاني مافهمت كيف اعرف العناوين الرئسيه من الفرعيه اشوفها حايسه ببعضها

واذا تحبوا انسخ لكم الموضوع كامل هنا

انتظركم تساعدوني

ربي يوفقكم كلكم

[.. بيســـان ..]

المشاركة الأصلية كتبت بواسطة سلاف الله يسهل لكم الادب ويجعله بردا وسلاما عليكم انتم السابقون ونحن اللاحقون اللغويات يابنات مالها طاري هنا الادب مسيطر على الوضع رجاء اللي تعرف تقول هي كل الشباتر معنا لاني انا مع مس الاء وقريت ان الاسئله تجيبها من سلايدات اللي طبعناها من موقعها وبعض الشباتر ماهي موجوده وش قولكم انتم علما ان الاسئله موحده مع شعبة الثانيه وكيق قالت طريقه الاسئله احتاج اعرفها عشان اعرف اذاكر والدش اللي موجود كله نحفظه والا كيف؟؟

هلا سلاف ،،

يا ستي كأنو الشابترز إللي معانا الين 15 .. أستاذتنا منى وقفت الين هنا

و قالولي البنات انو مس آلاء كمان وقفت الين 15 و محد جاب طاري بقية الكتاب

عندي إحساس انو محذوف .. لكن محد نطق هالكلمة .. سألت الأستاذة محذوف

صارت تبتسم و قالت انتو بس اقرأوه ممكن يجي منو >>> مو مصدقتها

و بالنسبة للأسئلة هية ما قالتلنا كيف .. هية قالتلنا ايش نذاكر من كل شابتر

شي ثاني ابغى اقوله هذا كلام واحد حط موضوع رائع عن اللغويات واقتبست منه ذا لاني مافهمت كيف اعرف العناوين الرئسيه من الفرعيه اشوفها حايسه ببعضها

لا مو حايسة العناوين ولا شئ بالعكس كلو واضح امسكي شابتر والتزمي فيه

ولا تفكري بالشابترات الثانية الين ما تخلصي اللي بيدك و حتفهمي لحالك

واذا تحبوا انسخ لكم الموضوع كامل هنا

شفت الموضوع كمان و أفضل إنك ما تنسخيه لانو قليل اللي حيقروه حاليا

صاير ده الموضوع بس للاستفسارات و الشكاوي .. يبغالنا موضوع جديد

نحط فيه المعلومات المفيدة فقط

ربي يوفقكم كلكم

وانتي كمان يا عسل

[~*~Lujain~*~]

قال أبو داود ( باب كراهية منع العلم ) ثنا موسى بن إسماعيل ثنا حماد أنا علي بن الحكم عن عطاء عن أبي هريرة قال قال رسول الله : صلى الله عليه وسلم { من سئل عن علم فكتمه ألجمه الله بلجام من نار يوم القيامة } ورواه ابن ماجه والترمذي وحسنه من حديث علي بن الحكم له طرق عن علي بن الحكم ، وعلي من رجال البخاري ، ووثقه ابن سعد وأبو داود وغيرهما .

اليمين اللي وقعتو عليه يمين على باطل