اذا كنتي ترم تخرج اتفضلي هنا - انتساب

[w h i s p e r]

المشاركة الأصلية كتبت بواسطة غداَ يوم آخر أتمنى من البنات يعطونا فكرة عن المراكز الي أتدربوا فيها أو مستشفيات خصوصاً فجدة ومعاملة المركز لهم حتى نأخذ فكرة إيضاً تحديداً مركز التأهيل الشامل أود أرى تجربه الأخوات معه والله يسهل

شوفي لو انتي في جده للان البنات يمدحو مركز سأكون وفي الصفحه التانيه اظن البنات كتبو الرقم ..
ومستشفى الخطوط (المديكل) برضو مدحوه وقالو كويسين ..

استخيري واختاري وربي يوفقك ويوفقنا

[عازفة الوتر الحزين]

سديم كالعاده ماقدرت ارد عليكي ماتوصلك الرساله
خدي الرد من هنا
وعليكم السلام
اول سؤال إنه اللي فهمته منك إنه نكون مساعده للمعلمه داخل الفصل يعني نساعدها فقط ماتخلينا لحالنا ابد صح ؟؟
ايوا تكوني مع المعلمه في الفصل وتساعديها تخليكي تمسكيهم وتساعديهم ويحتاج منك صبر لهم
وهل كل يوم نفس الشي كذا لمدة اسبوعين ؟؟
يب كل يوم نفس الشي بس راح تنبسطي
ونصيحه لا تغيبي في موعد التدريب الاسبوعين عشان لاتروح عليكي الدرجات
اعرف بنات اخدو الدرجات ماهي كامله تقريبا بسبب غيابهم وماكانو تمام في مساعدتهم للمعلمه .
بالسبه لثاني سؤال
شوفي بالنسبه للاختبارات اللي في وكسلر
مو كلها طبقناها
طبقنا الاختبارات اللفظيه :
المعلومات -الفهم العام - استدلال حسابي - اعادة ارقام - متشابهات - مفردات
وتطبقي في العملي
رموز الارقام بس
اذا ناويه تطبقي في مستشفى اعتقد تطبقيها كامل والله اعلم

انا طبقت الاختبارات على صحبتي ترا
اللي في المركز ماقدرت اسوي معاهم لان صعب مااقدر اتفاهم معاهم ويمكن مايفهموني ايش اقصد
وريحت نفسي وطبقتها على صحبتي احسن
والاستاذه قالت عادي سوي الاختبارات على احد من برا ودراسة الحاله على احد من المركز او مكان التدريب

مع الاسف ماعندي صوره للمركز
روحي انتي وشوفيه والمركز موقعو في حي الصفا اظن الصفا 3 اذا ماخاب ظني
دوري على الموقع في النت

[آلبآرونه]

السلام عليكم
كيفكم صبايا
حابه اسال عن شي
انا رحت الجامعه يوم الثلاثاء اللي فات المهم انا قلت لاستاذه حنين اني تخرج وباقي 7 مواد قالت عادي تنضاف لك اصلا نزل جدولي وفيه 5 مواد رحت عشان اضيف المادتين وهي الفلسفي وقيم المواطنه قالت لي خلاص لازم نفك المعادله وكذا وبعدين اقدر اضيفها ولحد الان مانضافت ابي رايكم اروح الجامعه واسالها ليش مانزلت ولاانتظر لحد ماتنزل لانو وراي اجراءت التخرج

[w h i s p e r]

المشاركة الأصلية كتبت بواسطة آلبآرونه السلام عليكم كيفكم صبايا حابه اسال عن شي انا رحت الجامعه يوم الثلاثاء اللي فات المهم انا قلت لاستاذه حنين اني تخرج وباقي 7 مواد قالت عادي تنضاف لك اصلا نزل جدولي وفيه 5 مواد رحت عشان اضيف المادتين وهي الفلسفي وقيم المواطنه قالت لي خلاص لازم نفك المعادله وكذا وبعدين اقدر اضيفها ولحد الان مانضافت ابي رايكم اروح الجامعه واسالها ليش مانزلت ولاانتظر لحد ماتنزل لانو وراي اجراءت التخرج

عليكم السلام ..

انا زيك مانزلت لي الشباب وقيم و التدريب وحروح لمن تنزل اسماء الاستاذات عشان تكون روحه وحده ..

بالنسبه لاجراءت التخرج هيا ورقه وحده حقت المتوقع تخرج ويطلبو منك صوره من بطاقه الاحوال والجواز ولمن تروحي تضيفي المواد خلي معاكي النسختين دي وخلاص عبي الورقه في وقتها واعطيهم هيا بدال ماتروحي وتجي وتضيعي وقتك ..

[حــزنــ]

بنات تكفون خلونا نفيد بعض باماكن التدريب عشان يكون لنا فكره وكل وحده تكتب فين رح تدرب ان شاء الله .. انا صحبتي اتدربت في سأكون مرره تقول معاملتهم سيئه يخلوكي زي الداده للاطفال وكرف ووحده ثانيه اتدربت في ايثار وتمدح فيه وبمعاملتهم والله احترت صراحه والمتستشفيات السعودي الالماني اقرب شي لبيتي بس ماعرف احد فيه قد تدرب الله يعينا بس

[سديم١]

عازفة الوتر الحزين الله يعطيك العافيه ، كفيتي ووفيتي شرح كافي ووافي ، جزاك الله خيرآ :)

[سديم١]

w h i s p e r
ورقة المتوقع تخرجه نطبعها من الموقع ونعبي البيانات في البيت ونسلمها لهم بعدين مع صوره من كرت العايله فقط<<ماعندها بطاقة احوال.....وإلا هم يعطونا ورقة المتوقع تخرجه من عندهم ونعبيها بالجامعه ؟؟

[w h i s p e r]

المشاركة الأصلية كتبت بواسطة سديم1 w h i s p e r ورقة المتوقع تخرجه نطبعها من الموقع ونعبي البيانات في البيت ونسلمها لهم بعدين مع صوره من كرت العايله فقط<<ماعندها بطاقة احوال.....وإلا هم يعطونا ورقة المتوقع تخرجه من عندهم ونعبيها بالجامعه ؟؟

الورقه دي اخدتها من مركز القبول والتسجيل عند الشبابيك في اوراق حقت المتوقع تخرجه واخلاء الطرف..

انتي لو مافيكي تروحي وتجي خلاص عبي النسخ وروحي هناك اكتبي بيانتاك فالورقه وحطي الاوراق معاها ..
وانا زيك ماعندي بطاقه احوال وصورت جواز سفري وبطاقة العيله ( كويس في احد زيي ماعندو بطاقة احوال احسب بس انا خخخخخخخ ) وبس دا المطلوب منك

[سديم١]

المشاركة الأصلية كتبت بواسطة w h i s p e r الورقه دي اخدتها من مركز القبول والتسجيل عند الشبابيك في اوراق حقت المتوقع تخرجه واخلاء الطرف.. انتي لو مافيكي تروحي وتجي خلاص عبي النسخ وروحي هناك اكتبي بيانتاك فالورقه وحطي الاوراق معاها .. وانا زيك ماعندي بطاقه احوال وصورت جواز سفري وبطاقة العيله ( كويس في احد زيي ماعندو بطاقة احوال احسب بس انا خخخخخخخ ) وبس دا المطلوب منك

يسلمووووو ع إفادتي ... بس راح اتعبك شوي ،، هل فيه ورقه ثالثه غير المتوقع تخرجه وصورة الكرت اللي هي إخلاء طرف حسب مافهمت منك من ردك السابق صح ؟؟
آخر سؤال أي مبنى نراجعه وغرفه رقم كم نروح ونسلم الأوراق ومشكووووره مقدمآ (:

[w h i s p e r]

المشاركة الأصلية كتبت بواسطة سديم1 يسلمووووو ع إفادتي ... بس راح اتعبك شوي ،، هل فيه ورقه ثالثه غير المتوقع تخرجه وصورة الكرت اللي هي إخلاء طرف حسب مافهمت منك من ردك السابق صح ؟؟ آخر سؤال أي مبنى نراجعه وغرفه رقم كم نروح ونسلم الأوراق ومشكووووره مقدمآ (:

الله يسلمك ياقمر ولا يهمك لا تعب ولا شي اتفضلي بأي وقت ..

شوفي اللي دحين حتسويه (ورقة المتوقع تخرجه) راح تجهزي نسخه من كرت العيله + لو عندك جواز سفر ,,

اللي حتسويه يوم استلام الوثيقه (ورقة اخلاء الطرف) < هادي الورقه يوم استلام الوثيقه مو دحين ,,

المبنى حق القبول والتسجيل اللي يجي جنب الحضانه في الزاويه على يمينك هنا تدخلي وعلى يسارك المركز الشامل وحتشوفي الشبابيك قدامك وجنبها اوراق هادي الاوراق متاحه للجميع ومن ضمنها ورقة المتوقع تخرجه..

التسليم لنفس الشبابيك دي وحيكونو في الموظفات اتاكدي منهم لو اتغير موقع التسليم ولالا ,,