{..تنظيـم الجدآول و اختيـآر المـوآد للفصل الدرآسي الجديد..طـآلبـــــــآت..}

[nour al3mr]

المشاركة الأصلية كتبت بواسطة سهر بنات تعالوا هنا افيدوني بما اني حذفت المودرن ورسبت في الابلايد فكذا صار عندي 5 مواد الا هي مودرن , ابلايد , براكتكم2 , فكشن , كريتيسيزم. بس زي ماانتوا شايفين المواد دسممممه اش تنصحوني اخذهم مع بعض ال 5 ولا اخليهم على ترمين 3و2؟؟؟؟ انا مررره محتاره من ناحيه اخاف اضغط نفسي وارسب او ازيد ترم؟؟ احسه خلاااص من 2006 وانا في الجامعه :(

ياقمــــــر إذا شايفه أنه بيكون ضغط عليــك ..
أقسميه على ترميــــــن ..

الترم الأول خذي الأبـلآيد لأنك بتكوني مفتكـرته .. كريتسزم و فكشــــــن ..

والترم اللي بعـده ,,مودرن و براكتكم 2 .. وتقدري تـآخذي مادة حرة تكون سهله عشان ترفعي المعدل ..

وربي يرشدك الخيرة و الصوآب ..

[Andalus ~]

سلام بنــــــــــآآت
مبروك للناجحين و الله يعوض كل بنوتة حملت مادة بدرجة طيبة المرة الثانية

نصيحتي لكم .. أنا قريت كثييير كلامكم وكل وحدة تتكلم وتقول رأيها وهادا حقها لكن رجاء محد منكم يتأثر ،، تره هنا تصير المصايب .. ممكن تخسري سنة كاملة ويتأخر تخرجك بسبب كلام البنات ..
كل بنوتة تتكلم من خلال تجربتها و قدراتها كمان
كل وحدة تختلف عن الثانية .. رجاء محد يتأثر
أنا المفروض اتخرج هادي السنة .. بسبب النصايح : لا تاخدي مع دي الفلانة
ولا تجمعي دي المادة مع الثانية و غيرو .. اتأخر تخرجي (سنة كاملة)

كل وحدة تشوف ظروفها وكل وحدة فينا عارفة قدراتها
و تعرف قوة تحملها و تعرف مستوى لغتها

*

*

فــ بلاش أي نصيحة سلبية ، أي رأي سلبي ، أي ذم بأي أستاذة
الأستاذة اللي انتي بتذميها غيرك بيمدحها
المادة اللي حملتيها غيرك نجح فيها وهكذا !!

*

*

مارح أتكلم عن موادي اللي حأضيفها الترم الجاي
لأنو احنا الانتساب مو بكيفنا .. اخاف اجهز نفسي و موادي وأتفاجأ بــ (التعارض)
فأنا طريقتي الإستخارة أولا وأخيرا
بالنسبة لبعض المواد اللي أخدتها هذا رأيي البسيط وكل وحدة وقدراتها

1- مورفولوجي مع منى صابر

المادة ذاكرتها خلال 5 أيام بس .. المادة بسيطة وخفيفة و موجود ملفات بوربوينت جاهزة من صفحة الأستاذة نفسها تحملوها، بالإضافة إلى الملزمة الكتاب المصور .. موجود فيه تمارين وأجوبة في الخلف وأيضا ملزمة كاملة فيها تمارين انتي تحليها وموجودة أجوبتها في الخلف برضو

يعني باختصار لطالبة الانتساب تقدري تذاكريها قبل الدورة الـتأهيلية براحة كاملة
حيصعب عليكي الباب الأخير شوية بس .. فما المانع انك تطلعي عليه أو تأجلي مذاكرته وتكتبي ملاحظاتك
عشان تشرحها و توضحها لك مس منى أثناء الدورة

الاختبار كان حلو وجبت فيه درجة جيدجدا لكن غلطتي اني مافتحت ملزمة التدريبات ودربت نفسي شوية
كنت أخدت ممتاز والله .. لكن خلاص مقدر ومكتوب ماينفعش الندم خالص

2- السيناتكس مع خولة زهران

الأستاذة عسل و شرحها لايعلي عليه ما شاء الله
ذاكرت المادة خلال 6 أيام بس كل يوم شابتر وكل شابتر 10-12 ورقة
اذا كنتي طالبة سريعة الاستيعاب وعندك صديقة أو اي احد من المنتدى تسأليه وجاهز يجاوبك
فما في أي مشكلة تذاكريه قبل الدورة لكن لازم يكون معاك أحد زي ماذكرت لأنك محتاجة شوية نصايح
وأنا جاهزة أستقبل أي سؤال عن دي المادة .. الحمدلله جبت ممتاز فيها
البنات كان يقولو انها مادة ثقيلة دم و تحتاج تركيز رهيب
و أنا شفت المادة حلوة واستمعت فيها وصح تحتاج تركيز لكن مو هالشيء اللي يخليكي تخافي منها

3- السيمانتكس مع خولة زهران

للأسف المنهج الجديد دسم و طويل جدا يعني لمن تنزليها لازم تذاكريها في شهرين مو بس بأيام. حلوة لكنها دسمة جدا و تحتاج وقت حتى تدخل المعلومات وتتثبت لكنها ممتعة والله. لو صار وأحد نزل السيمانتكس مع السينتاكس ياليت لو تبدئي تذاكري السينتاكس وتخلصيه بعدين تبدئي في مذاكرة السيمانتكس لأن المادة تعتمد على بعض المصطلحات من السينتاكس لازم تفهميها وتستوعبيها اول عشان ماتضيعي.

4- الدراما مع الدكتور عمر باقبص

المادة هادي مثل السيمانتكس والفيكشن تحتاج وقت يعني ماينفع أسبوعين مذاكرة مستحيل
أكبر غلطة يسووها البنات يرمو نص المسرحية ويقرو تحليل المشاهد وتجيهم أسئلة كوتيشن .. محد يجاوب !
ثاني أكبر غلطة لجميع طلبة الانتساب (الكتابة) لازم اياديكم تتعود عالكتابة .. يجي الاختبار مقالي كله ويضيع الوقت إما بسبب بطء كتابتنا أو عدم التعود على الكتابة بمعلومات مرتبة والأهم الاخطاء الإملاية والقواعدية. وأفضل طريقة لمذاكرتها تقطيع المسرحية مشهد مشهد والتدريب على كتابة التحليل اكثر من مرة ،التركيز على تفاصيل المشهد بكتابته على شكل نقاط وحطي في بالك المسرحيتين لغتهم قديمة .. لاتنصدمي وتسويلي من نفسك مسكينة
استعيني بالله وأبدئي من بدري .. ولاتخافي و أهم شيء هادي المادة بالذات مليان لها مراجع وأسئلة من كل الأشكال والألوان.
مفتاح النجاح في دي المادة .. ثبيت المعلومات على شكل نقاط وتحويلها لبراغرافات. اتعودو عالكتابة من دحين

*

*

الشيء اللي اندمت عليه اني ما أخدت معاهمفونتكس وفونولوجي و السبب مقدمة في الأدب
كل وحدة فيهم 4 شابترز وعاملين زي حكاية السينتاكس والسيمانتكس يعني لو نزلتي المادتين مع بعض ذاكري الفونتكس وخلصيه وأبدئي في الفونولوجي
لو نزلتي السينتاكس والسيمانتكس مع بعض .. نفس الحكاية

*

*

بنات كل وحدة تقوي قلبها ولا تخاف من المواد
احنا نخاف منهم وعندنا رهبة كبيرة لانو ماذاكرناهم ولا حتى نعرف محتواهم والله يرحم أيام زمان لمن كنت اخاف من المورفولجي والسيناتكس

أعرف بنت جمعت الفونيتكس والفونولوجي وماشاء الله نجحت لا اتشوشت ولاحصلها حاجة
أعرف بنت نزلت الشعر والنقد والسيمانتكس والفيكشن والدراما ونجحت فيهم كلها ما شاء الله

لاتسمعو .. لأي نصيحة بنت
لا تسعمو .. لأي نصيحة أستاذة أو دكتورة

قبل
قبل
قبل
قبل
قبل

ماتسمعي صوت نفسك .. صوت قدراتك .. صوت استيعابك !

[Andalus ~]

المشاركة الأصلية كتبت بواسطة hanosha مبروووك لكل الناجحين .. واللي ما عدو يااارب يعوضوها بدرجات عاااااليه <~ لاحد يزعل نفسوو انا الحمدلله نجحت وماني مصدقه .. شوفولي جدولي اللي بنزلو ان شاءالله .. وياريت تنصحوني اخد المواد مع مين ؟ .. رايتينق 2 ريدينق 2 اورال 2 فرنسي 1 مباديء اداره عامه مقرر حر <~ ماني عارفه اش اخد في شوو تنصحوني انا افكر اخد يا علم نفس الشخصيه او سيره نبويه .. اللي عندها نصيحه ليا بليز لا تبخل .. يسعدكم ربي والله مرررره ساعدوتني في المزاكرررره

ينآآسوو كان جدولك زيي في المستوى الثالث
موادك تمام التمام ما شاء الله مايحتاج تعديل!
خدي مادة حرة .. أنا اخدت سيرة نبوية لأني أحب التاريخ و ما أحب علم النفس
عندك مادة علوم قرآن صحبتي جابت فيها 100 ما شاء الله .. اطلعي عليها واستخيري

[الدلوعة]

السلام عليكم ورحمة الله وبركاته

قولو لي رايكم بجدولي اللي اتوقع اني راح اخذه الترم الجاي

1/ السيمانتكس لاني حامله المادة وابي افتك منها لاني ذاكرت منها
2/ براكتكم 1 لاني سويت لها تاجيل لان الاختبار كان الاربعاء بس بسبب الامطار مااختبرت
3/ ريسيرش
4/ فكشن لان ودي اخذ نفس القصص اللي في المفردات لاني اشتريتها خلاص
5/ محتاره بالمادة الخامسة بس وش رايكم لو اخذ فونولوجي

سبق اني سالت بس محد رد علي

[wed0o0]

فرحت بالنجاح
بس اكتأبت لما رجعت للخطه .. ياربي باقيلي كتير يمكن 3 سمسترات... بددددددي افتك من الجامعه دي
نفسي اخد 6 مواد بس خااااايفة يضغطونا بالاختبارات زي ما سار هالترم


بليز ادوني رأيكم

ادب
فرنسي 2
براكتكم 1
ابلايد
سمانتكس
شكسبير
ـــــــــــــــ
ادب
فرنسي 2
براكتكم1
سوسيو
سمنار
شكسبير
ــــــــــــــــــــ
ادب
فرنسي2
براكتكم1
فكشن
سمانتكس
ـــــــــــــــــــ
وطبعا يعتمد عالاستاذات لو في منال التاودي مومشكله عندي لو اجلس كمان سنتين 3 بس مااخد معاها

[Andalus ~]

المشاركة الأصلية كتبت بواسطة wed0o0 فرحت بالنجاح بس اكتأبت لما رجعت للخطه .. ياربي باقيلي كتير يمكن 3 سمسترات... بددددددي افتك من الجامعه دي نفسي اخد 6 مواد بس خااااايفة يضغطونا بالاختبارات زي ما سار هالترم بليز ادوني رأيكم ادب فرنسي 2 براكتكم 1 ابلايد سمانتكس شكسبير ـــــــــــــــ ادب فرنسي 2 براكتكم1 سوسيو سمنار شكسبير ــــــــــــــــــــ ادب فرنسي2 براكتكم1 فكشن سمانتكس ـــــــــــــــــــ وطبعا يعتمد عالاستاذات لو في منال التاودي مومشكله عندي لو اجلس كمان سنتين 3 بس مااخد معاها

سلام ويدو .. ماشاء الله ترتيبك للمواد منطقي و متوازن
برأيي .. تحتفظي بدي التشكيلات الين ماتدفعي الرسوم وتنزل الجداول أفضل عشان التعارض!

بالنسبة للأبلايد .. احتمال كبير تاخده خولة زهران بدل منال التاودي
اترجيناها كتير وهية قالت أنا ماعندي مانع أبدا خلو إدارة القسم تعرضها علية آخدها
ان شاء الله يآرب .. ساعتها كل القسم حياخد أبلايد ههههههههههههـ

اذا حطيتي في راسك تاخدي فيكشن ، يبغالك من دحين تشتري الروايات وتقرئي
عندي احساس حيتأخرو علينا في نزول التقويم كالعادة وخصوصا دورتنا التأهيلة حتكون متأخرة

وأنا زيك حأختار وحدة منهم يا سوشيو يا أبلايد .. الحمدلله عديت السيمانتكس

[Andalus ~]

أنا اتكلمت بناء على تجربة شخصية وهادا من حقي زيي زي غيري في هالمنتدى !
اللي يبغى يسمعلي براحته هوة عارف نفسه .. أنا ما بأجبر أحد
اللي أقصده في تعقيدات كبيرة بخصوص إضافة المواد من البنات والأستاذات ماتستاهل الهياط اللي بيصير

أضفت السوشيو .. قالولي احذفيه وخدي سيمانتكس
أضفنا مناهج بحث حذفناه عشان مقدمة في الأدب
أضفنا فونيتكس وفونولوجي .. حذفناه وكل وحدة في ترم
أضفنا أبلايد .. حذفناه بناء على رغبة الدكتورة لازم اكون تخرج آخر سيمستر
أضفت سينتاكس وسيمانتكس وقالولي كيف تاخديهم مع بعض مايصير
هنا أنا اتعقدت وعندت .. والحمدلله عديت الاثنين بدرجات رائعة وماحصلي حاجة

في ناس تحب تحط بهارات هندية وصينية و ايطالية لكل حاجة ..

وبعدين يعني ؟ والحل ؟ خلاص فهمنا انها خطة دراسية فاشلة
وين البديل ؟ اتجننا انا وصحباتي الكل يقول احذفو مواد . طيب ايش ندرس ؟

وحدة من البنات أخدت مقدمة في الأدب مع مناهج بحث مع سوزان فكهاني نفسسسسها في المستوى الخامس !
ما شاء الله عدت الاثنين .. كنت أضفت مناهج بحث لكن بالنسبة لي شخصيا
ما أبغى أسوي بحوث الين الأخير مو بناء على كلاهم بناء على مزاجي

بنت من الرياض أعرفها عندها مقدمة في الأدب ودراما وشكسبير !
عدت في الدراما وشكسبير وباقي تختبر بديل الأدب و ان شاء الله ناجحة

حكاية خدي مادة قبل مادة صحيحة لكن اسمحيلي ماتنفع دايما ، الكل بيقلك احذفي لكن محد يتفلسف ويقول ضيفي عن معرفة

أنا قلت وحددت 4 مواد فقط
الفونيتكس والفونولوجي .. مافي مشكلة تضيفيهم مع بعض خلصي مذاكرة الأول و ابدئي في الثاني
ليه أنا صحبتي نجحت فيهم و أخدت جيدجدا في الاتنين .. أنا ايش أفرق عنها ؟؟
و السينتاكس و السيمانتكس برضو نفس الحكاية السينتاكس أول وبعدين الثانية

في النهاية كل وحدة عارفة نفسها ومستواها وقدراتها
و سبق وقلت أنا أمشي عالإستخارة .. اللي يخترلي اياه ربي

[انا رورو انا]

المشاركة الأصلية كتبت بواسطة الدلوعة السلام عليكم ورحمة الله وبركاته قولو لي رايكم بجدولي اللي اتوقع اني راح اخذه الترم الجاي 1/ السيمانتكس لاني حامله المادة وابي افتك منها لاني ذاكرت منها 2/ براكتكم 1 لاني سويت لها تاجيل لان الاختبار كان الاربعاء بس بسبب الامطار مااختبرت 3/ ريسيرش 4/ فكشن لان ودي اخذ نفس القصص اللي في المفردات لاني اشتريتها خلاص 5/ محتاره بالمادة الخامسة بس وش رايكم لو اخذ فونولوجي سبق اني سالت بس محد رد علي

حلو جدولك وخدي فونولوجي :) بالتوفيق

[عصفورة الحب]

بناآآآآآآآآآآت في شي دوبي انتبه عليه حنا خلصنا مقدمة في اللغويات بس مارحت حددت المسار عشان باقي الخطه تنزل والاثنين القادم باذن الله على حسب كلام العميد بيفتح الحذف والاضافه الحين كيف نضيف ؟!!!

[dreamy eyes]

مرحبــآ

انـآ نـآويه انـزل السيمستـر الجـآي لغويـآت وادب وفرنسـي 2 .. ابغـى مـآدتين زيـآده
طبعـآ في الانتسـآب متسـآهلين معـآنـآ من نـآحية تنزيـل مـوآد وانـآ لسـى مـآخلصـت المتطلـب
حقهـآ
وللأسـف ودي انـزل اكثـر من 5 موآد بـس معـدلي نـزل وسـآر تحـت 3 :(

ويـآليت تعطونـي اف