][ نـقل أخـبار الــدورة التـأهـيلية للفصـل الدراسي الثاني ((طلاب)) لعام 1435هـ ][

[فيصل 3]

ياشباب الله يرحم اللي جابوكم تنصحوني احذف بحوث العمليات للترم الصيفي بس اخاف ما احصل مدرس وانا احس لازم مدرس
لاتجاهلون رسالتي

[ااابو يزيد]

المشاركة الأصلية كتبت بواسطة فيصل 3 ياشباب الله يرحم اللي جابوكم تنصحوني احذف بحوث العمليات للترم الصيفي بس اخاف ما احصل مدرس وانا احس لازم مدرس لاتجاهلون رسالتي

نصيحة من واحد مجرب

انصحك ثم انصحك ثم انصحك

تنزل المادة الترم هذا لاسباب كثيره منها

1- المادة نزلتها الترم هذا ام الترم الصيفي جايب مدرس جايب ولازم تفهمها كويس لانها تعتمد على الفهم بالمقام الاول
يعني كلها واحد ولو كرر الاسئلة ماراح تحل وانت مو فاهم المادة لان تغيير رقم يقلب السؤال فوق تحت
2- الترم الصيفي ماتحصل مدرسين وهذي نصيحة احد المدرسين الي سبق ودرست عنده لان برمضان كل المدرسين يسافرون لديرتهم
من اجل رمضان والعيد (واذا حصلت ماتحصل مدرس بالمستوى المطلوب)
3- الترم الصيفي في رمضان والمذاكرة في رمضان متعبه حييييييييييل فمابالك بمادة تعتمد على الفهم راح ترهقك حيل
بصراحة انا سبق ونزلت مواد حفظ برمضان والله انها اتعبتني حيل كيف مادة تعتمد على الفهم
4- الترم الصيفي اسبوع فقط يعني يحتاج تكون فيه مواد متوسطة الصعوبه

واسال الله لك التوفيق

[فيصل 3]

الله يعطيك العافيه ابو يزيد المواد اللي عندي. موازنه ماليه بحوث عمليات تقييم اجهزه حكوميه قراءات اداريه بالانجليزيه
علماً الى الان مابديت وش رايك في الجدول


والله احياناً اقول اختبر في جده علشان الوقت

[abdullahdc]

المشاركة الأصلية كتبت بواسطة aramco786 الله يوفقنا وياكم يا إخوان يا ليت اللي عنده معلومات عن مادة إدارة العلاقات العامة pad 461 يفيدنا باللي عنده لأن المعلومات عن هذي المادة قليلة وما ينزلها كثير من الطلاب بالرغم من سهولة المادة حسب ما أخبرت .

انا نزلتها قبل الترم الماضي بصراحة مادة سهلة جدا وما ادري ليه الناس مبتعده عنها

[فيصل 3]

خذ ادارة العلاقات العامه ولاتشاور والله يوفقنا وياك اذا هي عند الروابده

[المتجه]

المشكلة اني ما حصلت كتاب مدخل وسائل الاعلام في جميع المكاتب بالرياض

[الصقر2]

نزل ملخصها من النت..سهله ومو لازم تتعب وانت تدور كتابها

[MQWS]

في أي مبنى ح تكون محاضرات " كلية الآداب " ؟

مادتي " فن الإقناع + المدخل في وسائل الإعلام " ..

[القطنان]

السلام عليكم ,ياخوان افيدونا عن الدكتور عبدالله السالم في البحث .راسلناه ولم يرد مالعمل ؟

[غليــص]

المشاركة الأصلية كتبت بواسطة سهم العتيبي الله يعطيك العافيه اخوي غليص بالنسبه لكتاب تنمية الموارد البشريه وين احصل كتابها في مكتبة الخوارزم ؟؟ واذا كانت في مكتبه الخوارزم وشلون اخذه منها بحكم اني من سكان الرياض

حياك الله اخوي

تواصل مع المكتبة على الرابط التالي ويفيدونك باذن الله
http://kh.sa/shop/

المشاركة الأصلية كتبت بواسطة المتجه المشكلة اني ما حصلت كتاب مدخل وسائل الاعلام في جميع المكاتب بالرياض

تواصل مع مكتبة الخوارزم ويفيدونك ويرسلون لك الكتاب بالرياض

http://kh.sa/shop/