(طالبات وطلاب الإعلام "إنتظام") تجمع ـ خاص ‏

[كلي أمل]

مشكوره wan ع الرد الوافي =)
والاخت الي تسأل ، لا تنسي الاستخااااااااره قبل كل شي ..

الاعلام ممتع جدا جدا جدا .. بس ينقصه الرغبه والاهتمام من دارسيه ..

بالتوفيق

[امونة المزيونة]

بنااات الاعلام حباايبي,,

بسألكم مين افضل بمادة الرأي العام حنان آشي والا مهيتاب الرافعي؟!

سألت صحباتي بس للاسف مااخذو مواد مع هالدكتورات ف ياريت تسااعدوني لو ع الاقل بأسلوب كل وحدة ,,

وشكرااا..

[حمودي حبييبي]

حنان مهويه بس اسئلتها سهله بس ماتضبط البنات ابدا في المحاضره مهيتاب حقك تاخذيه شديده شوي

[wan]

لو منك اخدو مع مهيتاب .. صحيح شديده
بس الحق ينقال : ( تــــــأشر مزبوط )

[J O M A N A]

استاذه حنااان ماااا تأشر و مره طيبة ( بزيادة ) بس وقت الاختبار تقولك كله معانا

مهيتاب صح شديدة في المحاضرات بس اهم شي قبل الاختبار تأشر وتختصر اشياء كتير

تبغي نصيحتي ماهيتاب افضل وانا مجربة حنااان و ندمت اني اخدت معاها !! عشان لما تجي تذاكري للاختبار وتركزي على فصل فصلين ثلاثة مو زي لما تذاكري 10 فصووووول =""(

موفقة ^^

[مستقبل إعلامي]

السلام عليكم ورحمة الله


انا طالب انتظام .. طبعاً إعلام .. وعندي في الجدول بعض المواد حاب استفسر عنها
وعن الدكاتره وبعض التفاصيل ( الي تقدروا عليها ) وانا عارف ماتقصروا


نظريات الاتصال .. الدكتور : أنمار مطاوع

قضايا اعلامية معاصرة .. الدكتور : علاء طلعت

حاسب آلي وانترنت في الاتصال .. الدكتور : سعود كاتب < في واحد حذرني منه

نصوص اعلامية باللغة الانجليزي .. الدكتور : أحمد اليوسف

مبادئ العلوم السياسية



أي معلومات ممكن تقدموها لي بخصوص المواد او الدكاتره اكون ممنون وشاكر ومقدر لكم

وطبعاً اتقبل النصائح بشكل كبير

[امونة المزيونة]

مممممممممممم شكرا حبايبي ,,
الحين نازلتي مع حناان :( لو فيه امكانية حغير مع مهيتااب لانو افضل لي تحصرني بشي مو تخليني عايمه ..

مرررة شكراااا

[reem.z.a]

ابغا اسسأل , ما حيتفحو قسم علاقات عامه للبنات :(

[B.M.S]

السلام عليكم ورحمة الله وبركاته



انا طالبه مستجده احتاج مساعده منكم لاني تبهدلت من جد مع الدكاتره و المواد

وانا مره ابغى مواد ترفع معدلي

ابغى انزل مواد وابغى رايكم فيهم و مع مين اخذهم ..

1- المدخل إلى وسائل الاعلام com 201
مع (مهيتاب ماهر محمود الرافعي) ولا ( راكان عبدالكريم على حبيب)

2- الإعلام السعودي و تشريعاته com 202
مع دينا احمد علي عرابي

3- الخبر في وسائل الاعلام com 203
رباب رأفت محمد جمال

4- الرأي العام com 204
مع (مهيتاب ماهر محمود الرافعي) او ( حنان احمدشوقي عبدالوهاب آشي)
>< سمعت بنات يقولوا الرأي العام صعب بس ما اعرف برضوا ابغى رايكم

5- علم السياسه ps
^^" مع مين اخدها

6- الثقافه الاسلاميه + التحرير كتابي


لو سمحتوا رايكم مهم بالنسبه ليا و اتمنى تكون مبنيه على الحقيقه
انا مره ابغى ارفع معدلي و احتاج اني اعرف هدي المواد كلها مع بعض كويسه
ولا حيكون ضغط عليا

انتظر ردك في اقرب وقت ..

و شكرا لكم

[B.M.S]

أفضل استاذه لمادة علم النفس الاجتماعي الي كانوا بيسألوا

أ. شذا خصيفان

هذي الانسانه مافي زيها من حيث التعامل و الاخلاق و التاشير و الشرح و سهولة الاسئلة
و كمان لو كنتي مهتمه معاها في الكلاسات تكرمك إلى مالانهاية

و الحمدلله ما اتوقع احد ياخذ اقل b+ عندها ^^ بس برضوا مو يعني تكونوا لعابين في المذاكره هههههه