جميع مايخص بعثة الملك عبدالله الابتعاث الخارجي

[bullet4myvalentine]

المشاركة الأصلية كتبت بواسطة ميمي مي مرحبا لو سمحتوا انا قبلت بالبعثه وبالتحديد بمركز المدينة المنورة يوم الاثنين الساعه 3عصرا سؤالي: انا ما اقدر اروح الاثنين ماحصلت حجوزات اقدر اروح الثلاثاء او الاربعاء؟!! سؤال2: ماعندي توصيات لان الكلية اللي تخرجت منها بعيده عني والدكاترة مو مداومين.. اتمنى افادتي باسرع وقت*

معليه على التأخير ياأختي لانو انا في مكه مافي نت
عايدي مو مشكله تروحي يوم التلوت او الربوع بس قولي عدرك من البدايه وروحي بدري
اما التوصيات كتيرين مو قادرين يجيبوا التوصيات انتي روحي عايدي وان شاء الله يسير لك الخير
الله بوفقك

[bullet4myvalentine]

المشاركة الأصلية كتبت بواسطة mermaid بلييييييييييييز ابغى مساعد ضروري انقبلت في البعثه الحمدلله وموعد تقديم الاوراق تاني اسبوع من رمضان ولازم تكون معايا شهادة الثانويه العامه وهيا دحين عند الجامعه !! كيف اجيبها ومن وين يعني هما يداومو في رمضان ؟؟ وهل اقلهم سحب نهائي ولا كيف بلييز مو فاهمه محتاجه مساعدتكم عشااااااااااان خاطري ردووو

بالصراحه ياأختي ازا انتي دوبك مستجده راح يسير لك سحب نهائي افضل لك لا تضيعي فرصتك في عبدالعزيز انتي اجتهدي وان شاء الله يسير لك الخير
اما ازا انتي من اول في عزوز عايدي لا تسحبي ملفلك اعملي استعاره اسبوعين بس ورجعيها مره تانيه الجامعه xD
الله يوفقك في الخير

[bullet4myvalentine]

المشاركة الأصلية كتبت بواسطة أم رنيم انا استلمت وثيقة التخرج بس ماأعطوني شهادة حسن السيرة والسلوك حق الثانوي الي أعطوني هو الجامعه : وثيقة التخرج + كشف الدرجات + شهادة الثانوية العامة + صورة الهوية فقطططط

هوا في شهاده حسن سيره وسلوك بالنسبه للجامعه لانو بتقدمي على الماستر
مايبالك تقدمي شهاده حسن سيره وسلوك حق الثانويه
الله يوفقك في الخير

[bullet4myvalentine]

المشاركة الأصلية كتبت بواسطة nene الله يعطيكم العافية ابغ اسأل هل اقدر اغير المدن اللي اخترتها ولا لا

ويعطيك العافيه يارب
بالنسبه لتغيير المدن ماتقدري بس تقدري تغيري البيانات الشخصيه لانو مكتوب في حالة الطلب
عزيزي الطالب: بعد إنتهاء التسجيل في البرنامج، فإنه يمكنك التعديل على البيانات الشخصية وبيانات الإتصال باستثناء المدينة.(ماتقدري تغيري التخصص ودول الابتعاث) انتي حاولي في المقابله تقدري تغيري ولا لا

[bullet4myvalentine]

المشاركة الأصلية كتبت بواسطة مربى مشمش حبيت اسأل عن نموذج الالتحاق بالجامعة هل لابد من تعبئة جميع الحقول وبالاخص الجزء الخاص بالفيزا؟ ايضا الجزء الخاص بالسكن؟

ايوه تعبئتها ولا راح يعتبر ناقص
الفيزاالتسكينتختاري ازا تبي يوفرون لك سكن بالاضافه نوع السكن اللي حابه فيها ازا ربي كتب لك
الله يوفقك في الخير

[bullet4myvalentine]

المشاركة الأصلية كتبت بواسطة respect اتمنى الافادة ايش الاوراق اللي اختمها من وزارة الخارجيه وهذي ايش اجراآتها وبالنسبة لترجمة شهادة الثانوي .. احتاج ختم غير ختم المكتب او يكفي اذا كان المكتب معتمد أرجو إفادتي موفّقين

هدا ازا درست في مدارس اجنبيه زي ازا درست في المدارس البريطانيه ولا الفليبييه ولا الهنديه تترجم باللغه العربيه وتختم من الوزاره و مكتب معتمد
الشهاده الثانويه دي الايام نصها عربي ونصها بالانجليش مولازم يترجم

[bullet4myvalentine]

المشاركة الأصلية كتبت بواسطة نشوة مشاعر السلام عليكم ورحمة الله وبركاتة حبيت ابارك لكل من انقبل مبدئيا وإن شاء الله ربي يبلغكم النهائي الشعب متحمسين للسفر ... إن شاء الله تفيدو نفسكم وغيركم المهم عندي إستفسار بسيط عن البعثة اوك سعال (1)الحين في المقابلة يطلبوا إقرار ولي الأمر إذا كان المحرم أخ .... طيب هم يطلبوا تكون شرعية يعني من المحكمة ولا شلون ولا بس يوقعها الوالد وخلاص.... سعال(2) المحرم لو كان غير الاب او الاخ او الزوج مثلا العم ممكن يصرفوا له مكافئة ماليو زيو زي الاب ولا مالو يعني يتكفلو فيه ماليا ولا لا........ سعـــــــــــــــــــــــــال(3) والأهم ........ هل يمكن تأجيل موعد المقابلة إذا كنت مشغولة بنفس وقت المقابلة وكان الوالي اللي هو ولي الأمر كمان مشغول ... لانه للأسف صادف إمتحاني للكيمياء مع موعد المقابلة في نفس الوقت واليوم ....... اللهم أني أسألك الخير كلــــــــــــــــــــــــه طولت عليكم بس بليييييييييييييييييييييييييز اللي عنده خلفية ممكن يرد علي

وعليكم السلام ورحمة الله وبركاته
الله يبارك فيكي ، آمين

بالنسبه لأسئلتكي
1-لا مو لازم مادام بابتك موافق خلاص يوقعها مره وحده ، الوكاله الشرعيه دا زي ازا كتبتي اخوكي هوا المرافق لك بس بعدها يخليكي تسكني عند عمك او خالك او عند عمتك مع زوجها وقتها لازم تيجيبي وكاله شرعيه عشان ماتتورطي ويسير لك فصل من المكافأه

2-عايدي هوا محرمك زي البقيه (بابتك ، الاخ ، الزوج) ويصرف عليه

3- سؤالك الاخير مكتوب في التنبيهات (يمكن لأولياء أمور المتقدمات الحضور إلى مراكز الدقيق، وتقديم الأوراق نيابة عنهن) ازا بابتك انشغل او عمك عايدي اخوكي يروح مو مشكله ازا خلاص مافي احد روحي يوم التاني على طول وقولي عدرك عشان يقبلوا على طول مو تروحي بعدها 4 و 5 ايام ماراح يكون عندك فرصه


آمين
عايدي ياأختي خدي راحتك وبالصراحه ترى اسئلتك مفيده تفيد غيرك
الله يوفقك في الخير ياأختي

[bullet4myvalentine]

المشاركة الأصلية كتبت بواسطة east flower ياجماعة أنا أخوية إن شاء الله حيكون محرمي بالنسبة لورقة الإقرار اش هرجتها بس توقيع ولاكيف ويوم الموعد هل لازم الوالد يجي معايا ولا كفاية المحرم اللي حيكون معايا بلييييييييز أحد يفيدنا

ايوه بس بابتك يوقع انو موافق
يوم الموعد كلو واحد مين يوصلك لانو انتي بس راح تديهم الوثائق المطلوبه ماراح يشوفوا بابتك او اخوكي
الله يوفقك في الخير

[bullet4myvalentine]

سامحوني يا أخواني وأخواتي المسلمين والمسلمات على التأخير في الرد لانو انا في مكه والكونكت حقي عبيييييييييييييييييييييييط وقعدت افكر فيكم وحاولت اكبر مايمكن اصلحها وان شاء الله لما ارجع جده ماراح اتأخر عن اجابه اسئلتكم
والله يوفقكم في الخير وان شاء الله اسمع اخبار مقابلتكم ايش حصل

[أم رنيم]

المشاركة الأصلية كتبت بواسطة bullet4myvalentine هوا في شهاده حسن سيره وسلوك بالنسبه للجامعه لانو بتقدمي على الماستر مايبالك تقدمي شهاده حسن سيره وسلوك حق الثانويه الله يوفقك في الخير

مافي شهادة حسن سيرة وسلوك في الجامعه
هل أروح الجامعه وأطلبها ؟؟

بس شهادة حسن السيرة والسلوك حق الثانويه وجدتها عندي في البيت من مده محتفظه بها