حرم خادم الحرمين ترعي حفل تخريج طالبات جامعة الملك عبدالعزيز

[بنت ناس]

المشاركة الأصلية كتبت بواسطة ma_sama حفلة أمس الإثنين وصلت 7 و كان فيه ناس كثير لسه جاية و فيه بنات جاوا بعد 8 و كانت المسيرة الساعة 9 وانتهى الحفل الساعة 11

الله يسعدك على هذه المعلومات

على فكرة اليوم وحدة سألت متى الحضور قالتلها الموظفة الساعة ستة

اتمنى للكل ينبسط في الحفل الله يوفقكم ياااااارب

[ماقويت]

هههههههه

[never hide]

8
8
8
8

هههههههه و الله مدري ليش تضحكي بس ان شاء الله الضحكة دوم

على العموم يا بنات احنا امس حفلتنا وصلت الساعة 8 و الطابور لسه ما مشي <<< حسيت روضه هههه

احسن شي تجو قبل المغرب او على الساعة سبعة عشان تلحقو تشوفو صاحباتكم

اللي ممتاز في طابور لحالهم و الترتيب حسب المعدل ...

و زي ما قالو المسيره تسعة و الحفلة تنتهي 11 بس مع الزحمة يادوبك توصلو بيوتكم 12

الطواقي ما اتصادرت

جوال ابو كاميرا ممنوع الشنط نفضوها تنفيض عشان يتأكدو انك مو مخبية شي هنا و لا هنا

الاستشوار ممنوع دخوله وتمت مصادرته ممن هو بحوزتهم لأسباب غير معروفة





اهم شي لما تيجي البوابة لا تسوو زيي انا اتخلبط كرتي مع كرت ماما و رجعت ادور عليها عشان مارضو يدخلوها من بوابة الامهات الا بالكرت تبعها

مع اني مني فاهمة ليش ما ميزو الكروت عن بعض

المهم

كرت الخريجة اللي كدا ورقة جاية لوحدها

اما الكرت الثاني ( اللي فيلو ثنية ) هو كرت مامتك المصون

الحفلة مررررررره كانت حلوه انبسطت كانت ورايا وحده كل شوية تزغرط هههههههه

الله يسعدها ونستنا

وكان فيه مفاجآت حلوه ماراح احرقها عليكم .....

بس انتبهو ترا الشهادات صماء فلا تستغربو

المهم الحفلة في آخرتها كانت حلوه طرب ووناسة

مره انبسطنا و الله

نفسي احضر اليوم كمان هههههههههههه

[never hide]

المشاركة الأصلية كتبت بواسطة ma_sama على فكرة في بنات معاهم طواقي و اللي معاها بوكيه ورد واللي دبدوب اللي حابه تاخد معاها بس خايفة أو مترددة ياخدوها منها للفائدة

هههههههه ايوا شفتها اللي معاها دبدوب <<<< خليه يشاركها الفرحة

و ازيدكم من الشعر بيت

فيه ناس لابسين طواقي و ناس لابسين اكليل ورد و ناس حاطين تاج صغير

البسو اللي تبغوه على راسكم حتى لو بتحطو شماغ ههههههه

عادي اكشخو زي ما تبغو محد درى عنكم

[ساكنه في بيتنا]

^_^

الله يبسطكم كمان و كمان ياااارب ..

انا لسى استنى حفلتنا السنه الجايه ان شاء الله اذا كنت على قيد الحياه ..

[la brezza]

ان شالله تنبسطو زي ما انبسطنا واكتر كمان
موفقين :)

[never hide]

ان شاء الله يا ساكنة ونشوفك من الاوائل على الدفعة يارب

وان شاء الله لابريزو <<<< زيزو <<<شفتي كيف مامداني اروح الاستديو خسارة ما اتصورت خخخخ

[الإمبراطورة]

المشاركة الأصلية كتبت بواسطة never hide 8 8 8 8 هههههههه و الله مدري ليش تضحكي بس ان شاء الله الضحكة دوم على العموم يا بنات احنا امس حفلتنا وصلت الساعة 8 و الطابور لسه ما مشي <<< حسيت روضه هههه احسن شي تجو قبل المغرب او على الساعة سبعة عشان تلحقو تشوفو صاحباتكم اللي ممتاز في طابور لحالهم و الترتيب حسب المعدل ... و زي ما قالو المسيره تسعة و الحفلة تنتهي 11 بس مع الزحمة يادوبك توصلو بيوتكم 12 الطواقي ما اتصادرت جوال ابو كاميرا ممنوع الشنط نفضوها تنفيض عشان يتأكدو انك مو مخبية شي هنا و لا هنا الاستشوار ممنوع دخوله وتمت مصادرته ممن هو بحوزتهم لأسباب غير معروفة اهم شي لما تيجي البوابة لا تسوو زيي انا اتخلبط كرتي مع كرت ماما و رجعت ادور عليها عشان مارضو يدخلوها من بوابة الامهات الا بالكرت تبعها مع اني مني فاهمة ليش ما ميزو الكروت عن بعض المهم كرت الخريجة اللي كدا ورقة جاية لوحدها اما الكرت الثاني ( اللي فيلو ثنية ) هو كرت مامتك المصون الحفلة مررررررره كانت حلوه انبسطت كانت ورايا وحده كل شوية تزغرط هههههههه الله يسعدها ونستنا وكان فيه مفاجآت حلوه ماراح احرقها عليكم ..... بس انتبهو ترا الشهادات صماء فلا تستغربو المهم الحفلة في آخرتها كانت حلوه طرب ووناسة مره انبسطنا و الله نفسي احضر اليوم كمان هههههههههههه

يسلمووووووووووو Never hide
ع النُبذة المُختصرة :)
بس كمآنْ قولي لنآ أيش هيآ المُفآجأأأأأأأأأأأت!!!!

::

الله يبسطكم دوم

يآ بنآت حكوووووونآ أيش صآر في حفلتكمـ اليوووم
OK

مُوفقآت,,
:)

[never hide]

العفو يا قلبي عقبال الجميع يارب


يلا بأقلكم .... عشان اكيد هما راحو وزمانهم قاعدين مبسوطين في الحفلة دحين

المفاجآت هي :

أول شي الحفلة كانت مره رسمية وملينا ( انزفينا على الاغنية تبعت الجامعة ... اعتقد كلماتها كانت

نحن جيل من ربي عبد العزيز ترلمرررر رلم و كل شوية يعيدوها )

المفاجأه اللي مره حلوه هي الألعاب النارية طفو اللمبات وبعدين

شغلو لنا تقريبا سته شعلات من الألعاب النارية زي حقت الاولمبياد مررررررره كان شكلها حلو و البنات لما شافوها صارو يزعقو من الفرحة ....

المفاجأه التانية هي الاوراق الملونة و الشرايط اللماعة نزلت علينا من فوق يااااااااي مره تجننننن

الشي الثالث هو ماشاء الله اوشحة و جوائز لاعلى معدل في الجامعة شيك قيمته فوق الثلاثين ألف ريال الله يباركلها ماشاء الله

مع ان الشهاداتكانت بس للي اخذو امتياز لكن و الله انا شايفة ان المفروض الكل ياخذ شهادات تقدير

المفاجأه الرابعة : هي فرقة رقص شعبي جو يعملو استعراض مع اغاني وطنية مره كان نايس و الكل قعد يرقص ويلوح بالأعلام من مكانه ....

و الله الحفلة كانت مرررررررررره مرتبة و يشكرو عليها والله لو بكيفي كل سنة احضر



الفال للي ما اتخرجو يارب نشوفكم في المسيره بالارواب و من المتفوقين

[الإمبراطورة]

^^

ثآنكس يآ عسوووولة
الله يوفقك ^^
أماااااا عآد الزفة هههههههه (الأغنية الكئيبة ذيك) omg
::

يلللآ هـ الحينْ نبغآ نعرف كيف حفلة بنآآآآت الآدآب والكُليآت الصحية!!

إنْ شآء الله لمآ ترجعوآ اكتبوووا التفآصيل مآ عليكم أمر!




موفقين,,