هنا تجد جميع ما يخص الدورات التأهليه لجميع المستويات (طالبات)الفصل الثاني 1429/1430هـ

[شيري الحيرانه]

المشاركة الأصلية كتبت بواسطة داانه ما شالله عليكي شيري الله يعطيكي العافيه ممكن اطلب منك طلب ان شاء الله تقدري عليه انا عندي مودرن وطالب مننا زيكم التعاريف تقدري ترسليلي هيا عالخاص او اديكي ايميلي كمان انتي عندك فقه السيره والا تاريخ السيره لانو انا ماخده تاريخ السيره كتابين؟؟ ربي يسعدك ...

دانه انا ما عندي مودرن بس سمعت من البنات انو د. سيد احسان سايب مذكرة للمودرن بمكتبه دار الاصلاح اللي بشارع الجامعه

واللس عندي فقه السيره النبويه وفيه مادة ثانيه اسمها السيره والخلفاء الراشدون اللي عندك اي وحده

[غلاالروح]

المشاركة الأصلية كتبت بواسطة شيري الحيرانه انا عندي كمان تدريب عملي 1 مع سوزان فكهاني وعارفه كل شي عن المادة للي ما تعرف والتدريب العملي مع سوزان فكهاني مطلوبه المذكرة اللي هيا مسويتها

هاي شيري انا كمان عندي براكت ومحتاره فيه وحايسه وخايفه يكون تأشيري ناقص
ابغا اعرف تاشيرنا هو نفسه تاشير السمستر الي راح ؟
لأنه لما طابقتهم لقيتها حذفت لنا اشياء واضافت اشياء تانيه

وكمان وقت الدوره شرحت اشياء مو موجوده في الكتاب ,ولما قلنا لها انه مو موجوده في الكتاب قالت حصورها لكم ..بس ماصورت لنا شي ,,,ايش سويتي فيها؟

بالنسبه للمذكره ماقد سمعت انها اعطت مذكره ؟ ممكن توضحي لي

[داانه]

اهلين شيري

انتي عندك مقدمه في الادب

وبملزمتكم فيه تعاريف باخرها صح

احنا مطلوب مننا كمان التعاريف وانا مهي عندي

عشان كدا بقللك لو تقدري تسحبيها سكان اكون ممنووونه لكي يا عسل

والماده الحره انا عندي تاريخ السيره النبويه والخلفاء الراشدين

مقرر علينا كتابين

[om haya]

بنات الفونوتكس معانا شبتر ١-٢-٣-٤-٥ بس ؟؟

وياريت تقولوا لي كيف الاسئلة

انا عندي الطبعة الرابعة هي المطلوبة او لا ؟؟

[lana]

المشاركة الأصلية كتبت بواسطة om haya بنات الفونوتكس معانا شبتر ١-٢-٣-٤-٥ بس ؟؟ وياريت تقولوا لي كيف الاسئلة انا عندي الطبعة الرابعة هي المطلوبة او لا ؟؟

انا اخدتها الترم الي فات
الاسئلة كانت تعاريف وصح وخطا واهم شئ بالمادة المانر ارتكليشن و الترانسكربشن

حبيت افيدك :)

[om haya]

مشكورة حبيبتي لانا ..

بس ياريت احد يقول لي الشباتر الداخلة في الاختبار

[مجرد حدس]

[om haya]

بنات هذا صح الجدول حق الاختبارات ؟؟

http://kau.edu.sa/admission/MAINPAGE/files/ee_08.pdf

[داانه]

ايوة هوا ام هيا

الله يوفق الجميييييييع

[غنوج]

بنات اللي ماخذه دراما مع دكتور سيد احسان وحضرت المحاضرات ممكن اذا مافي كلافه تعمل سكان للمقارنة اللي لخصها لن بين Elizabethans & restoration ممكن بليزززززززززززززززززززززززززز